ကျောက်မဲတွင် နွားကျောင်းသွားသူတစ်ဦး သေနတ်ပစ်ခတ်ခံရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, February 13, 2020

ကျောက်မဲတွင် နွားကျောင်းသွားသူတစ်ဦး သေနတ်ပစ်ခတ်ခံရ


မင်းဇော်မင်း
.
ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ မိုင်းတင်းကျေးရွာအုပ်စု၊ မန်စန်းကျေးရွာအနီးတွင် ယနေ့ ဖေဖော်ဝါရီလ ၁၃ ရက်၊ နံနက်ပိုင်းက နွားကျောင်းသွားသူ အမျိုးသားတစ်ဦး သေနတ်ဖြင့် ပစ်ခတ်ခံရသဖြင့် သေဆုံးခဲ့ကြောင်း သိရသည်။
.
.
မိုင်းတင်းကျေးရွာအုပ်စု၊ မန်စန်းကျေးရွာနေ ဦးကောထို (ခ) စိုင်းအောင်ကြည် (၄၀ နှစ်) သည် ယနေ့ ဖေဖော်ဝါရီလ ၁၃ ရက်၊ နံနက် ၉ နာရီခွဲအချိန်ခန့်က ကျေးရွာအောက် သင်္ချိုင်းအနီးရှိ ၎င်းပိုင် လယ်ကွက်အနီးတွင် နွားကျောင်းနေစဉ် ပေ ၅၀ ခန့် အကွာရှိ ဝါးရုံတောအတွင်းမှ အမည်မသိ လက်နက်ကိုင်များက ပစ်ခတ်သဖြင့် ဝဲဘက်မေးရိုး ပွင့်ထွက်ဒဏ်ရာ တစ်ချက်၊ လည်ပင်းအောက် ယာဘက်ညှပ်ရိုးကျိုးဒဏ်ရာ တစ်ချက်တို့ဖြင့် အခင်းဖြစ်နေရာတွင် သေဆုံးခဲ့ကြောင်း သိရသည်။
.
‌သေဆုံးသူအား နမ့်ခုံးပရဟိတအသင်းမှ ယာဉ်ဖြင့် ကျောက်မဲမြို့သို့ ပို့ဆောင်ခဲ့ပြီး ဦးကောထိုအား သေနတ်ဖြင့် ပစ်ခတ် သွားသူကို အမှုဖွင့်အရေးယူနိုင်ရေး ဆောင်ရွက်လျက်ရှိကြောင်း သိရသည်။
.
အဆိုပါ မိုင်းတင်းကျေးရွာအုပ်စုတွင် ဇန်နဝါရီလ ၂၂ ရက်က ကျေးရွာအုပ်စုစာရေးအား အမည်မသိ လက်နက်ကိုင်များ မှ ပစ်ခတ်မှု ဖြစ်ပွားခဲ့သလို ပြီးခဲ့သည့် ၂၀၁၉ ခုနှစ်၊ နိုဝင်ဘာလ ၃ ရက်ကလည်း မိုင်းတင်းကျေးရွာအုပ်စု အုပ်ချုပ်ရေးမှူး အပါအဝင် အမျိုးသား ၃ ဦး အား အမည်မသိ လက်နက်ကိုင်များမှ သေနတ်ဖြင့် ပစ်ခတ်သဖြင့် သေဆုံးခဲ့သည့်အပြင် ၂၀၁၉ ခုနှစ်၊ ဒီဇင်ဘာလ ၂၃ ရက်၊ ညနေပိုင်းကလည်း ယင်းကျေးရွာမှ ပြည်ခိုင်ဖြိုးပါတီ အလုပ်အမှုဆောင်တစ်ဦး သေနတ်ဖြင့်ပစ်ခတ်ခံရပြီး သေဆုံးခဲ့ကြောင်းသိရသည်။
.

No comments:

Post a Comment

Journal Download

Photo of three cats