နျူကလီးယား ခြိမ်းခြောက်မှုမှသည် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, February 16, 2020

နျူကလီးယား ခြိမ်းခြောက်မှုမှသည်

စိုင်းကွမ်းမိုင်း
.
၁၉၄၅ ခုနှစ် ဇူလိုင်လ ၂၅ ရက်တွင် ဒုတိယကမ္ဘာစစ် ကာ လတွင်း၌ ထိုစဉ်က အမေရိကန်သမ္မတ ဟယ်ရီထရူးမင်းက သူ နေ့စဉ်မှတ်တမ်း စာအုပ်တွင် " မိမိတို့သည် ကမ္ဘာ့သမိုင်း၌ အလွန်ကြောက်စရာကောင်းသော ဗုံးကို ဖော်ထုတ်တွေ့ခဲ့ကြ ပြီ"ဟူ၍ ရေးမှတ်ထားသည်။ သို့ရာတွင် ထို ဗုံးရှိထားခြင်းဖြင့် ကြောက်လန့်ဖွယ်ရာ မလိုဟု အဓိပ္ပါယ်သက်ရောက်ခြင်း မရှိ ချေ။
.
လူသား ၂၀၀၀၀၀ ကျော် သေဆုံးခဲ့ခြင်း
ထို့နောက် ရက်သတ္တပတ် အနည်းငယ်အတွင်း၌ပင် အမေ ရိကန်က ဂျပန်နိုင်ငံ ဟီရိုရှီးမားနှင့် နာဂါဖာဂီမြို့ကြီးများပေါ်သို့ အနုမြူဗုံးတစ်လုံးစီ ကြဲချခဲ့သည်။ လူသားပေါင်း ၂၀၀၀၀၀ ကျော် သေကြေပျက်စီးခဲ့ရသည်။ အသက်မသေဘဲ ရှင်ကျန်ခဲ့ သည့် သူများကလည်း အနုမြူဓာတ် အဆိပ်သင့်ရောဂါများ ခံ စားခဲ့ကြရသည်မှာ ယနေ့ထက်တိုင်ပင် ဖြစ်သည်။ အကယ်၍ သာ ငရဲပြည်တွင် ထိုလက်နက်ဗုံးများကို ထိတ်လန့်တုန်လှုပ် ဖွယ်ရာ ကြဲချစေခဲ့သူ ထရူမင်းအတွက် အထူးသီးသန့်တစ်နေ ရာ ထားရှိခဲ့မည်ဆိုပါလျှင် ထရူးမင်းသည် နေရာတွင် သေချာ ပေါက် ရောက်ရှိနေမည် ဖြစ်သည်ဟူ၍ အမေရိကန် စာရေးဆ ရာ ဂျာနယ်လစ်မစ္စတာ ရောဘတ်ဘရစ်က ၂၀၁၉ ခုနှစ် မတ် ရက်နေ့က ထုတ်ဝေသည့် သူရေးသားသော "အမေရိ ကန် အင်ပိုင်ယာ၏ ညဉ့်သန်းခေါင်ယံ " အမည်ရှိ စာအုပ်၌ ရေးသားထားသည်ဟု အင်တာနက်တွင် ဖော်ပြထားသည်။
.
ကမ္ဘာကျော် သိပ္ပံပညာရှင် လိုင်းစကိုင်းက ဟစ်တလာသည် နောက်အုပ်စုထက် စော၍ လူအများအပြား သေဆုံးမည့် အနု မြူလက်နက် ရရှိသွားမည်ကို စိုးရိမ်မကင်း ဖြစ်ခဲ့သည်။ ၁၉၃၉ ခုနှစ်တါင် သူသည် အမေရိကန်သမ္မတ ရူးစပဲ့အား နျူကလီး ယားပေါက်ကွဲမှု စွမ်းအားကို သုတေသန ပြုလုပ်ကြည့်ရန် ကြံပေးခဲ့သည်။
.
ပဋိပက္ခများနှင့် နျူကလီးယား လက်နက်များ
ထိုအချိန်မှစ၍ ကမ္ဘာပေါ်တွင် ပဋိပက္ခများ ဖြစ်ထွန်းလာ လျှင် နျူကလီးယား လက်နက်ဖြင့် ဖြေရှင်းခြင်း မပြုကြဘဲတည် ငြိမ် အေးဆေးစွာဖြင့်လည်းကောင်း လျင်မြန်လွယ်ကူသော နည်းစနစ်များဖြင့် လည်းကောင်း ညှိနှိုင်းဖြေရှင်းကြရန် ဆင်ခြင် သုံးသပ်လာခဲ့ကြသည်။ သို့ရာတွင် ဤနျူကလီးယား လက်နက် သည် ကမ္ဘာ့နိုင်ငံအစိုးရ အသီးသီးများက အကောင်းဆုံး သက်အာမခံပေါ်လစီအဖြစ် မှတ်ယူပြောဆိုလာကြတော့သည်။ အစိုးရများက နျူကလီးယား လက်နက်များသည် ပဋိပက္ခဟူသ ရွေ့အား ချုပ်ငြိမ်းစေလိမ့်မည်ဟု ယုံကြည်နေကြဆဲ ဖြစ်သည်။ ကမ္ဘာတွင် နျူကလီးယားလက်နက် ပိုင်ဆိုင်သည့် နိုင်ငံအုပ်စု များမှာ အမေရိကန်၊ ရုရှား၊ ဗြိတိန်၊ ပြင်သစ်၊ တရုတ်၊ အိန္ဒိယ၊ ပါကစ္စတန်နှင့် မြောက်ကိုရီးယားတို့ ဖြစ်ကြသည်။ အစ္စရေး သည် တရားဝင်နျူကလီးယား လက်နက်များကို ပိုင်ဆိုင်ခြင်း မရှိသေးသော်လည်း အများက အသိအမှတ်ပြုထားကြသည် ကား နျူကလီးယား လက်နက်များကို ပိုင်ဆိုင်ထားသည်ဟု ယုံကြည်နေကြသည်။ ယင်းနိုင်ငံတို့သည် နျူကလီးယား လက် နက်ပိုင်ဆိုင်ထားကြသဖြင့် ပြင်ပမှ တိုက်ခိုက်လာမှုများ အန္တ ရာယ်မှ ကာကွယ်ရန် စိတ်ချရသည်ဟု ယုံကြည်နေကြသည်။
.
နျူကလီးယား ထိပ်ဖူး ၁၀၀ ကျော် ပိုင်ဆိုင်ထားခြင်း
မကြာမီက အိန္ဒိယနှင့် ပါကစ္စတန်တို့သည် ဂျက်တိုက်လေ ယာဉ်များဖြင့် ပျံသန်းကာ တိုက်ခိုက်ခဲ့ကြသည်။ ထိုနှစ်နိုင်ငံစ လုံးသည် နျူကလီးယား ထိပ်ဖူးတပ်ဒုံးကျည်များ ၁၀၀ ကျော် ကို အသီးသီးပိုင်ဆိုင်ထားကြသည်။ ထိုနှစ်နိုင်ငံက စစ်ရေးအား ထိန်းချုပ်ထားသဖြင့် နျူကလီးယားစစ်ပွဲ အန္တရာယ်မှ တားဆီး နိုင်ခဲ့သည်ဟု ယူဆရကြောင်း နိုင်ငံရေးပညာရှင်များက ဝေဖန် သုံးသပ်ထားသည်။ ဖေဖော်ဝါရီ ၁၄ ရက်နေ့က ပါကစ္စတန် ခြေစိုက် အကြမ်းဖက် အုပ်စုဖြစ်သည့် ဂျေမိုဟာမက်အုပ်စုက အသေခံ ဗုံးခွဲပြီး အိန္ဒိယစစ်ယာဉ်တန်းအား ဗုံးခွဲတိုက်ခိုက်ခဲ့ရာ ဟူလ်ဝါနာ (Hulwanar State) တွင် စစ်သား ၄၀ သေဆုံးခဲ့ သည်။ ရက်သတ္တနှစ်ပတ်ကြာတွင် နယူးဒေလီ၌ အကြမ်းဖက်မှု ကို ပါကစ္စတန်မှ ပြုလုပ်ခဲ့သည်ဟူသော စွပ်စွဲချက်ဖြင့် လက် တုံ့ပြန်မည်ဟု ကြေညာသည်။ ပါကစ္စတန် ထိန်းချုပ်သော ကတ်ချ်မီးယားဘက်တွင် တင်းမာမှုမြင့်တက်ကာ နောက်တစ် နေ့၌ ပါကစ္စတန်လေတပ် တိုက်လေယာဉ်များက နယ်စပ်မျဉ်း (LOC) တစ်လျှောက်တွင် အိန္ဒိယတိုက်လေယာဉ် စီးကို ပစ် ချပြီး လေယာဉ်မှူးတစ်ဦးကို ဖမ်းဆီးခဲ့သည်။ ထို့နောက် လေ ယာဉ်မှူးအား ပါကစ္စတန်က အိန္ဒိယသို့ ပြန်ပို့ပေးခဲ့သည်။
.

.
နျူကလီးယားစစ်ပွဲကို ရှောင်ရှားခြင်း
နျူကလီးယားလက်နက်များ ပိုင်ဆိုင်ထားသည့် ထို နိုင် ငံသည် ပိုမိုဆိုးရွားလာမည့် အခြေအနေ ရှေ့ရေးကို ရှောင်ရှား လာခဲ့ကြသည်။ နိုင်ငံခေါင်းဆောင်များသည် ဦးနှောက်အေး ဆေးစွာ သုံးသပ်ကာ ပြဿနာများကို ဖြေရှင်းနိုင်ခဲ့ကြသည်။ စစ်ပွဲအား အထူးရှောင်ရှားကာ အထူးသဖြင့် နျူကလီးယားစစ် ပွဲ အရေးကို ပိုမိုရှောင်ရှားနိုင်ခဲ့သည်။ စက်တင်ဘာလအတွင်း က အစ္စရေး F-16 ဂျက်တိုက် စီးသည် ဆီးရီးယားနိုင်ငံရှိ လာတားကီးယားလေတပ်စခန်းအား ရှောင်တခင် ဝင်ရောက် တိုက်ခဲ့သည်။ ယင်းလေတပ်စခန်းရှိ ရုရှားစစ်လေယာဉ်တစ်စီး ကို ပျံသန်းနေစဉ် တိုက်ခဲ့ခြင်းဖြစ်သည်။ ထိုဖြစ်ရပ်ကြောင့် ရု ရှားတပ်သား ၃၅ ဦး သေဆုံးပြီး တင်းမာမှုများ မြင့်တက်ခဲ့ရ သည်။ ရုရှားကာကွယ်ရေးဝန်ကြီးဌာနက ရုရှားစစ်လေယာဉ် အား ပစ်ချခဲ့သည့်အတွက် အစ္စရေးအား စွပ်စွဲအပြစ်တင်ခဲ့သည်။ အစ္စရေးတိုက်လေယာဉ်က ရုရှားစစ်လေယာဉ်ကို လုံလောက် သည့် သတိပေးမှု မပြုဘဲ ပျက်ကွက်ခဲ့သည်ဟု ဆိုသည်။
.

ဒုံးကျည်ကာကွယ်ရေးစနစ် ချထားခြင်း
ရုရှားအစ္စရေးနှစ်နိုင်ငံ တင်းမာမှုများ ဖြစ်ပွားခဲ့သော်လည်း နောက်ပိုင်းတွင် လျော့ပါးကာ ငြိမ်သက်လာခဲ့သည်။ အမေရိ ကန်သည် လက်နက်ထိန်းချုပ်ရေး စာချုပ်များမှလည်းကောင်း၊ အထူးသဖြင့် ပဲ့ထိန်းဒုံးကျည် ဆန့်ကျင်ရေး စာချုပ် (APM) နှင့် တာလတ်နျူကလီးယား စာချုပ် (INF)မှလည်းကောင်း နှုတ် ထွက်ခဲ့သည်။ သို့ရာတွင် အမေရိကန်သည် တစ်ချိန်တည်းမှာ ပင် ဒုံးကျည်ကာကွယ်ရေးစနစ်ကို အရှေ့ဥရောပ၌ ဖြန့်ကြက် ချထားလိုက်သည်။ အမေရိကန် ချိတ်ဆက်သော NATo အဖွဲ့ သည် ရုရှားဘက်သို့ ကျူးကျော်ရန်စမှု ပြုလုပ်သည့် အဓိပ္ပါယ် သက်ရောက်သည်ဟူ၍ ရုရှားသမ္မတ ပူတင်က စွပ်စွဲခဲ့သည်။ နျူကလီးယား လက်နက်များကို ဥရောပနယ်စပ်မှ ဖယ်ရှားရုပ် သိမ်းရေးသည် ငြိမ်းချမ်းရေး လုပ်ငန်းစဉ်ဖြစ်သည်ဟု ရုရှားဝန် ကြီးချုပ်မှ အမေရိကန်သို့ ပြောကြားခဲ့သည်။ ၁၉၄၅ ခုနှစ်တွင် ဂျပန်အပေါ် ရှုတ်ချခဲ့သည်။ နောက်ထပ်တစ်ကြိမ်တွင်လည်း ဆင်ခြင်စဉ်းစားခြင်း မပြုဘဲ ထပ်မံကျူးလွန်ဦးမည်လောဟူ၍ မေးခွန်းများ ထွက်ပေါ်လာတော့သည်။
.
ဒုံးပျံပစ်လွှတ်ခြင်း
၂၀၁၀ ပြည့်နှစ်တွင် အင်ဒိုယာဒုံးပျံပစ်စဉ်မှ Black Brant Xll ဒုံးပျံကို ပစ်လွှတ်ခဲ့သည်။ ထိုနေ့က အမေရိကန် သိပ္ပံပညာ ရှင်များ အုပ်စုနှင့် နော်ဝေးနိုင်ငံ သုတေသနပညာရှင်များ ပူး ပေါင်းကာ Black Brant Xll ဒုံးပျံတစ်စီးကို အာတိတ်စက်ဝန်း ဒေသရှိ အင်ဒိုယာကျွန်းပေါ်မှ ပစ်လွှတ်ခဲ့သည်။ ယင်းတို့၏ ရည်ရွယ်ချက်ကား Awora borealis ခေါ် "ကမ္ဘာ့မြောက်ဖျား အလင်းရောင်များ"ကို လေ့လာစူးစမ်းရန်နှင့် သုတေသနပြုလုပ် ရန် ဖြစ်သည်ဟု အကြောင်းပြခဲ့သည်။
.
သိပ္ပံပညာရှင်များက ရုရှား၊ အမေရိကန်နှင့် အခြား ၂၈ နိုင် ငံတို့အား မိမိတို့သည် ကမ္ဘာ့မြောက်ခြမ်း အာတိတ်ဒေသတွင် သုတေသနပြု ဒုံးပျံ ပစ်လွှတ်ခြင်းကို သတိပေးအကြောင်းကြား ခဲ့သည်။ ထိုနိုင်ငံများက ပစ်လွှတ်လိုက်သော ဒုံးပျံသည် နျူက လီးယားဒုံးပျံအဖြစ် မှားယွင်းသွားစေနိုင်ကြောင်း သိရှိရသည်။ သို့ရာတွင် တစ်စုံတစ်ယောက်သည် ရုရှားရေဒါပညာရှင်များ အား ထိုသတင်းကို ပြောကြားရန် မေ့လျော့သွားခဲ့ကြသည်။ ထိုရေဒါပညာရှင်များက ထိတ်လန့်တကြား ဖြစ်သွားကြကာ မော်စကိုသို့ တပ်လှန့်သတင်းပို့လိုက်ကြသည်။ အမေရိကန်က ၎င်းတို့မှ စတင်ပြီး နျူကလီးယား လက်နက်ဖြင့် တိုက်ခိုက်တော့ မည်ဖြစ်ကြောင်းဖြင့် မိနစ်ပိုင်းအတွင်း၌ပင် ရုရှားသမ္မတဘော ရစ်ယာယ်ဆင်သည် နျူကလီးယားဗုံးဖောက်ခွဲရန် အမိန့်ပေး သည့်အနက်ရောင်လက်ဆွဲအိတ်ကို ဆွဲကာ ထွက်သွားပြီဖြစ် ကြောင်း၊ မိနစ်ပိုင်းအတွင်းမှာပင် သမ္မတပဘယ်ဆင်သည် သူ ကာကွယ်ရေးဝန်ကြီးနှင့် ထိုသတင်းကို တယ်လီဖုန်းဖြင့် ဆက်သွယ်ကာ စကားပြောဆိုကြသဖြင့် အခြေအနေ ရှုပ်ထွေး လာတော့သည်။
.
အန္တရာယ်အကြီးမားဆုံးစကား
ဝါရှင်တန်ပို့စ်သတင်းစာ၏ ဒေးဗစ်ဟော့ဖ်မင်းက ထိုဖြစ် ရပ်ဖြစ်ပေါ်ခဲ့ပြီးနောက်နှစ် အနည်းငယ်အကြာ၌ သတင်းအစီ ရင်ခံစာတစ်စောင် ထုတ်ပြန်ခဲ့သည်။ "ယာယ်ဆင် ဘာတွေပြော သလဲဆိုတာနည်းနည်းပဲ ကြားလိုက်တယ်။ ဒါပေမဲ့ ဒီအချက် တွေ ဒီစကားတွေဟာ နျူကလီးယားခေတ်ကြီးမှာ အန္တရာယ်အ ကြီးမားဆုံးသော စကားများဖြစ်ကြတယ်" ဟော့မ်မင်းက တင်းပို့ရာတွင် ပထမအကြိမ် ရုရှား သို့မဟုတ် ဆိုဗီယက်ခေါင်း ဆောင်သည် နျူကလီးယား လက်ဆွဲအိတ်ကို လက်မှာဆွဲကိုင် လိုက်ခြင်းသည် ပထမအကြိမ်ဖြစ်သည်။ အမှန်တကယ် တပ် လှန့်မှု၏ တုံ့ပြန်ချက် ပုံရိပ်ဖြစ်သည်။ ယာယ်ဆင်က ထုတ်ဖော် ပြောဆိုရာတွင် ဤဖြစ်ရပ်သည် ပထမဆုံး လက်တုံ့ပြန်ခြင်း မဟုတ်ဟု ဆိုသည်။
.
အမေရိကန်ရေငုပ်သဘောင်္အား ပစ်ခတ်ရန် ဆန္ဒရှိခြင်း
၁၉၉၅ ခုနှစ် ဖြစ်ရပ်သည် နျူကလီးယားခေတ်အတွင်း ခက်ခဲလေးနက်သည့် ကြုံတောင့်ကြုံခဲ ဖြစ်ပွားခဲ့ခြင်း ဖြစ်ပြီး မိမိတို့သည် နျူကလီးယား လက်နက်များဖြင့် အပြန်အလှန်ပစ် ခတ်တိုက်ခိုက်မှုများကို တားဆီးနိုင်ခဲ့သည်ဟု ရုရှားက ပြောဆို သည်။ ၁၉၆၂ ခုနှစ် အောက်တိုဘာလ ၂၇ ရက်တွင် ဆိုဗီယက် အရာရှိ ဗာစီလီအာစီပေါ့(ဖ်)သည် ကျူးဘားနိုင်ငံအနီးရှိ ပင် လယ် ပြင်အောက် ရေငုပ်သဘောင်္ထဲ၌ရှိစဉ် အမေရိကန်ရေငုပ် သဘောင်္တပ်ဖွဲ့ ရောက်လာခဲ့သည်။ ရုရှားရေငုပ်သဘောင်္ကို အမျိုးအမည် ခွဲခြားရန် ဆက်သွယ်သည်။ သူက အမေရိကန် သဘောင်္ကို နျူကလီးယားလက်နက်ဖြင့် စတင်ပစ်ခတ်ရန် ဆန္ဒ ဖြစ်ပေါ်လာသည်။ နျူကလီးယားတိုဗီဒို လက်နက်ဖြင့် ပစ်ခတ် ကြည့်လိုသည့် ရုရှားရေတပ် အထက်အရာရှိ ဦးက အမေရိ ကန်သဘောင်္အား တိုပီဒိုဖြင့် ပစ်ခတ်လိုကြသည်။ အာစီပေါ့(ဖ်) တစ်ဦးတည်းက သဘောမတူဘဲ ဟန့်တားဆန့်ကျင်နိုင်ခဲ့သဖြင့် နျူကလီးယား လက်နက်ဖြင့် အပြန်အလှန် တိုက်ခိုက်ခြင်းအား ကြိုတင်တားဆီးနိုင်ခဲ့ကြသည်။
.
ပီထရော့ဆုံးဖြတ်ချက်မှန်ကန်သည်
၁၉၈၃ ခုနှစ် စက်တင်ဘာလ ၂၆ ရက်တွင် ဆိုဗီယက် ဒု ဗိုလ်မှူးကြီး ဓတ်နီလက်ပီထရော့က ဆိုဗီယက်ယူနီယံ၏ ဒုံးပျံ တိုက်ခိုက်မှုကို စောင့်ကြည့်နေခဲ့သည်။ စောစီးစွာ ကြိုတင်သ တိပေးပြီး ပစ်ခတ်တိုက်ခိုက်ခြင်း ဖြစ်သည်။ စာလုံးနီကြီးဖြင့် "စစ်ပွဲ စတင်ပြီ" ဟု ရေးသားထားသည်။ ပီထရော့၏ ကွန်ပျူ တာစက်တွင် တဖြည်းဖြည်းချင်းပင် တစ်မှ နှစ်၊ နှစ်မှ သုံး၊ ထို့ နောက် ဆက်လက်၍ အမေရိကန်ဒုံးပျံများ စီး ပစ်ခတ် လာ ခဲ့သည်။ ပီထရော့က သူသည် အမေရိကန်ဘက်မှ ပစ်ခတ် လာခဲ့သည့် တိုက်ခိုက်မှုများအား ချက်ချင်းတုံ့ပြန်တိုက်ခဲ့မည် ဆိုလျှင် နျူကလီးယား စစ်ပွဲကြီးသည် မလွဲမသွေ ဖြစ်လာ တော့မည် ဖြစ်သဖြင့် သူ့လုပ်ရပ် မှန်ကန်သည်ဟု သူက တွက် ဆသည်။ သူ့လုပ်ရပ်သည် ကောင်းမွန်ပြီး လုပ်သင့် လုပ် ထိုက်သည်ဟု ချင့်ချိန်ကာ လက်တုံ့ပြန်ခြင်း မလုပ်ခဲ့သော ကြောင့် နျူကလီးယား စစ်ဘေးကြီးမှ ရှောင်လွှဲနိုင်ခဲ့ခြင်း သည် သူ၏ မှန်ကန်သည့် အကောင်းဆုံးသော ဆုံးဖြတ်ချက် တစ်ရပ်အဖြစ် မှတ်တမ်းတင် နိုင်ခဲ့သည်။
.
နျူကလီးယားဗုံး ပျောက်ဆုံးခြင်း
၁၉၅၈ ခုနှစ်တွင် ဂျော်ဂျီယာကမ်းခြေ၌ အမေရိကန်လေ တပ်သည် နျူကလီးယားဗုံးတစ်လုံး ပျောက်ဆုံးသွားခဲ့သည်။ ယနေ့ထက်တိုင် ထိုဗုံးပျောက်ဆုံးမှု သတင်းကား တိမ်မြှုပ်နေခဲ့ သည်။ ထို့အတူ နျူကလီးယား လက်နက်တစ်လုံးသည်မြောက် ကာရိုရိုင်းနားနယ်ဗာရိုလယ်ကွင်းများထဲတွင် ပြုတ်ကျနေခဲ့ သည်။ လေတပ်က အပူတပြင်း လိုက်လံရှာဖွေရာ နျူကလီးယား ဗုံးကို ပေါက်ကွဲလုနီး အခြေအနေတွင် ပြန်လည်တွေ့ရှိခဲ့သည်။
.
ထို့အတူ ၁၉၈၀ ပြည့်နှစ်တွင် တိုက်ချင်းပစ်ပဲ့ထိန်းဒုံးပျံ တစ်စီးသည် အာကင်ဆပ်နယ် ဒမတ်စကတ်၌ ပြုတ်ကျခဲ့ရာ ကိုးမီးဂါးတွင် နျူကလီးယား ထိပ်ဖူးတပ်ဆင်ထားသဖြင့် ဒုတိ ယကမ္ဘာစစ်အတွင်းက တပ်ပေါင်းစုံ၏ စုစုပေါင်း ဗုံးများ တိုက် ခိုက်မှုစွမ်းအားထက် ပိုမိုပြင်းထန်သော ပေါက်ကွဲမှုများ ဖြစ်ပေါ်နိုင်သည်။ ထိုစဉ်က နျူကလီးယားထိပ်ဖူးသည် စနက် တံ မဖြုတ်ဘဲ ပိတ်နေသဖြင့် နျူကလီးယားဗုံးသည် ပေါက်ကွဲ ခြင်း မရှိခဲ့ပေ။ အကယ်၍သာ ထိုစဉ်က နျူကလီးယား ထိပ်ဖူး တပ် ဗုံးသာပေါက်ကွဲခဲ့ပါလျှင် ယနေ့ အာကင်ဆပ်ပြည်နယ် တွင် လူများရှိကြတော့မည် မဟုတ်ဘဲ အားလုံးသေဆုံးခဲ့ကြ မည်ဖြစ်သည်။
.
နိဂုံးချုပ်ရမည်ဆိုလျှင် မိမိတို့လူသားမျိုးနွယ်များ အေးချမ်း တည်ငြိမ်စွာ ဆက်လက် အသက်ရှင်သန် နေကြရခြင်းသည် တားဆီးထိန်းချုပ်နိုင်သူများ၏ စိတ်စေတနာ အကျိုးဆက်များ ကြောင့်ပင် ဖြစ်ပေသည်။ နျူကလီးယား လက်နက်များဖြင့် ဖက်စလုံး အသေအကြေ တိုက်ခိုက်ခဲ့ကြမည်ဆိုပါက လူသား မျိုးနွယ်စုအားလုံးသည်လည်း မျိုးသုဉ်းပျောက်ကွယ်သွားကြရ မည်သာ။

No comments:

Post a Comment

Journal Download

Photo of three cats

About