ICJ ၌ သွားရောက်ရင်ဆိုင်မည့် နိုင်ငံတော်၏ အတိုင်ပင်ခံပုဂ္ဂိုလ်အား ထောက်ခံကြောင်း တောင်ကြီးနှင့် တာချီလိတ်တို့တွင် လူထုလှုပ်ရားမှု ပြုလုပ်မည်

စိုင်းရာဇာ

.

အပြည်ပြည်ဆိုင်ရာ တရားရုံး (ICJ) တွင် သွားရောက်တရားရင် ဆိုင်မည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ထောက်ခံကြောင်း လူထုလှုပ်ရှားမှု ကို ရှမ်းပြည်နယ်၏ မြို့တော် တောင် ကြီးနှင့် တာချီလိတ်မြို့တို့တွင် လာ မည့် ဒီဇင်ဘာလ ၁၀ ရက်၌ ကျင်းပ ပြုလုပ်သွားမည် ဖြစ်ကြောင်း သိရ သည်။

.

.

OIC ကိုယ်စား ဂမ်ဘီယာနိုင်ငံက တရားစွဲဆိုထားသည့် လူမျိုးသုဉ်း သတ်ဖြတ်မှု စွပ်စွဲချက်နှင့် ပတ်သက်၍ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် ဒီဇင် ဘာလ ၁၀ ရက်တွင် နယ်သာလန်နိုင်ငံ၊ သည်ဟိတ်ဂ်မြို့သို့ သွားရောက် ရင်ဆိုင်ရမည် ဖြစ်သည်။

.

“OIC ကနေ မြန်မာနိုင်ငံကို တရားစွဲဆိုထားတဲ့အပေါ်မှာ မြန်မာ ပြည်သူလူထုအနေနဲ့ အမျိုးသားရေး စိတ်ဓါတ်နဲ့ ပတ်သက်ပြီးတော့ လက် မခံနိုင်ပါဘူး။ လူမျိုးသုဉ်းသတ်ဖြတ် မှုကို မြန်မာနို်င်ငံက ပြုလုပ်ထားခြင်း မရှိပါဘူး။ ဒီလိုတရားစွဲဆိုမှုကို နို်င်ငံ သား တစ်ယောက် အနေနဲ့ လုံးဝ လက်မခံနိုင်ပါဘူး။ ဒါကြောင့် ဝန်းရံ တာပါ”ဟု တောင်ကြီးထောက်ခံပွဲ အားဦးဆောင်သူ ဒေါ်ဝင်းဝင်းနွယ် က ကမ္ဘောဇတိုင်းသို့ ပြောသည်။

.

ထိုသို့ ထောက်ခံပွဲ ပြုလုပ်ရာတွင် တောင်ကြီးမြို့၊ မြကန်သာအဝိုင်းပတ်၌ လူစုကာ ဗိုလ်ချုပ်ပန်းခြံ အထိ လူဦးရေ ၃၀၀၀ ဖြင့် ချီတက် သွားမည်ဖြစ်ပြီး တောင်ကြီး၊ ဟိုပုံး၊ ဆီဆိုင်၊ လွိုင်လင်၊ ကလောဒေသ များမှ ပြည်သူများ၊ CSO အဖွဲ့အ စည်းများ၊ ဘာသာပေါင်းစုံ အဖွဲ့များ ပူးပေါင်း ပါဝင်ချီတက်ကြမည်ဖြစ် ကြောင်း သိရသည်။

.

ထို့အတူ တာချီလိတ်ထောက် ခံပွဲတွင် ဦးဆောင်ပါဝင်သူ ဦးမျိုးမင်း သိန်းကလည်း “တာချီလိတ်မြို့၊ ဘုရင့်နောင်စျေး အပေါ်ထပ် ခန်းမ ဆောင်မှာ ပြုလုပ်သွားမှာ ဖြစ်ပါ တယ်။ နိုင်ငံတော် အတိုင်ပင်ခံပုဂ္ဂိုလ် နယ်သာလန်ကို သွားရောက်မယ့် ဒီ ဇင်ဘာ ၁၀ ရက်မှာ ပြုလုပ်ဖို့ ရည် ရွယ်ထားပါတယ်” ဟု ပြောသည်။

.

တာချီလိတ်မြို့ ထောက်ခံပွဲ၌ အစိုးရဝန်ထမ်းများလည်း ပါဝင်နိုင် ရန်အတွက် ရှမ်းပြည်နယ်ဝန်ကြီးချုပ် ထံ ခွင့်ပြုမိန့် တောင်းခံထားကြောင်း သိရသည်။

.

ဘင်္ဂါလီများကို လူမျိုးတုန်းသတ် ဖြတ်သည် ဟူသော စွပ်စွဲချက်ဖြင့် OIC ကိုယ်စား အာဖရိက နိုင်ငံငယ် တစ်ခုဖြစ်သည့် ဂမ်ဘီယာက မြန်မာ နိုင်ငံကို နိုင်ငံတကာရာဇဝတ်မှု တ ရားစီရင်ရေးရုံး - ICJ တွင် တိုင်ကြား ထားခြင်းဖြစ်သည်။

.