ပြည်တွင်းသို့ ကမ္ဘာလှည့်ခရီးသွားဧည့်သည်များ ကိုယ်ပိုင်မော်တော်ဆိုင်ကယ်များဖြင့် လာရောက်လည်ပတ်လျက်ရှိ - Kanbawza Tai News

Kanbawza Tai News

Represent For Shan State, Myanmar

Breaking

Boxed(True/False)

Treasure Palace Hotel

Photo of three cats

Thursday, November 14, 2019

ပြည်တွင်းသို့ ကမ္ဘာလှည့်ခရီးသွားဧည့်သည်များ ကိုယ်ပိုင်မော်တော်ဆိုင်ကယ်များဖြင့် လာရောက်လည်ပတ်လျက်ရှိ


မိုင်းမော (တြိဂံနယ်မြေ)
.
ဟိုတယ်နှင့် ခရီးသွားလာရေးဝန်ကြီးဌာနအနေဖြင့် ဟိုတယ်နှင့် ခရီးသွားကဏ္ဍ ဖွံ့ဖြိုးတိုးတက်စေရေး၊ နိုင်ငံတကာမှ ခရီးသွားဧည့်သည်များ လုံခြုံစိတ်ချ၊ အဆင်ပြေ ချောမွေ့စွာဖြင့် သွားရောက်လည်ပတ်နိုင်ရေးတို့အတွက် ဆောင်ရွက် ပေးလျက်ရှိရာ ပြည်တွင်း/ပြည်ပ ခရီးသွားဧည့်သည်များအနေဖြင့် မြန်မာနိုင်ငံ၏ တောတောင်ရေမြေ သဘာဝ အလှအပများ၊ တိုင်းရင်းသား လူမျိုးများ၏ ရိုးရာယဉ်ကျေးမှု ဓလေ့စရိုက်များကို ကြည့် ရှုလေ့လာခံစားနိုင်ရန် လေကြောင်း၊ ရေကြောင်း များဖြင့်သာမက နယ်စပ်ဝင်/ထွက်ပေါက်များမှ ကိုယ်ပိုင်မော်တော်ယာဉ်/ဆိုင်ကယ်များဖြင့် လည်းကောင်း၊ ပြည်တွင်း အပျော်စီး သင်္ဘောများဖြင့်လည်းကောင်း ပြည်တွင်းသို့ လာရောက်လည်ပတ်လျက်ရှိ ကြောင်း သိရသည်။
.
.
ဟိုတယ်နှင့်ခရီးသွားလာရေးဝန်ကြီးဌာန၏ ကြီးကြပ်မှု Traventure Travel & Tours Co.,Ltd စီစဉ်ဆောင်ရွက်မှုဖြင့် အိန္ဒိယနိုင်ငံသား ၂ ဦးသည် နိုဝင်ဘာ ၇  ရက်နေ့တွင် ၎င်းတို့၏ ကိုယ်ပိုင်မော်တော်ဆိုင်ကယ် ၂ စီးဖြင့် တမူး နယ်စပ်ဂိတ်မှ ပြည်တွင်းသို့ ဝင်ရောက်၍ တမူး-ဂန့်ဂေါ-ပုဂံ-ညောင်ရွှေ-နမ့်စန်-ကျိုင်းတုံ- တာချီလိတ်မြို့များသို့ သွားရောက်လည်ပတ်ခဲ့ပြီး နိုဝင်ဘာ ၁၃ ရက်တွင် တာချီလိတ်နယ်စပ်ဂိတ်မှ ထိုင်းနိုင်ငံသို့ ပြန်လည် ထွက်ခွာသွား ခဲ့ကြောင်း သိရသည်။
.
အလားတူ Myanmar Senses Family Travel & Tours Co.,Ltd စီစဉ်ဆောင်ရွက်မှုဖြင့် မလေးရှားနိုင်ငံသားဧည်သည် ၅ ဦးတို့သည် ၎င်းတို့၏ ကိုယ်ပိုင်မော်တော်ဆိုင်ကယ် ၅ စီးဖြင့် နိုဝင်ဘာ ၆ ရက်မှ ၁၃ ရက်အထိ မြဝတီ-ကျိုက်ထီးရိုး-ပုဂံ-ဂန့်ဂေါ-တမူး-ကလေး-ပုဂံ-အင်းလေး-ကျိုင်းတုံ- တာချီလိတ်မြို့ ခရီးစဉ်အတိုင်း သွားရောက်လည်ပတ်၍ တာချီလိတ်နယ်စပ်ဂိတ်မှ ထိုင်းနိုင်ငံသို့ ပြန်လည် ထွက်ခွာသွားခဲ့ကြောင်း သိရသည်။
.
၎င်းတို့သည် မြန်မာနိုင်ငံ၏ တောတောင်ရေမြေ သဘာ၀ ရှုမျှော်ခင်းများကို ပကတိလေ့လာနိုင်စေရန်၊ နယ်မြေဒေသ အသီးသီးရှိ အထင်ကရ ခရီးစဉ်နေ ရာများ၊ ဒေသတစ်ခုနှစ် တစ်ခု ကွဲပြားခြားနားသော ရိုးရာယဉ်ကျေးမှုဓလေ့စရိုက် များနှင့် လူနေမှု ဘဝပုံစံများကို ကိုယ်တိုင်လေ့လာ သိရှိခံစားနိုင် စေရန်အတွက် ဝင်ထွက်လည်ပတ်ကြခြင်းဖြစ်ကြောင်း သိရသည်။
.
ယခုအခါ ပွင့်လင်းရာသီကာလဖြစ်သည်နှင့်အညီ နိုင်ငံခြားသားခရီးသွား ဧည့်သည်များ မြန်မာနိုင်ငံသို့ ပိုမို တိုးမြင့်ဝင်ရောက်နိုင်ရေးအတွက် ခရီးစဉ်ဒေသအသစ်များ ဖော်ထုတ်ခြင်းနှင့်ဘက်ပေါင်းစုံမှ ဖြေလျှော့ ဆောင်ရွက်မှုများကြောင့် မြန်မာနိုင်ငံ၏ ထင်ရှားသောဒေသများသို့ စဉ်ဆက်မပြတ်လာရောက်လည်ပတ် လျက်ရှိကြောင်း သိရသည်။
.

No comments:

Post a Comment

Journal Download

Photo of three cats