တောင်ကြီးရှိ နေအိမ်ခြံဝင်းတစ်ခုအတွင်း၌ အမည်မသိအမျိုးသားအလောင်းတစ်လောင်း တွေ့ရှိ - Kanbawza Tai News

Kanbawza Tai News

Represent For Shan State, Myanmar

Breaking

Boxed(True/False)

Treasure Palace Hotel

Photo of three cats

Thursday, November 28, 2019

တောင်ကြီးရှိ နေအိမ်ခြံဝင်းတစ်ခုအတွင်း၌ အမည်မသိအမျိုးသားအလောင်းတစ်လောင်း တွေ့ရှိ


စုလှိုင်
.
တောင်ကြီးမြို့၊ ရေအေးကွင်းရပ်ကွက်ရှိ နေအိမ်ခြံဝင်းတစ်ခုအတွင်းမှ အုတ်ရေကန်အတွင်း နိုဝင်ဘာလ ၂၇ ရက်က အမည်မသိ အမျိုးသားအလောင်းတစ်လောင်း တွေ့ရှိခဲ့ကြောင်း သိရသည်။
.
.
ရေအေးကွင်းရပ်ကွက်၊ ဟော်နန်းလမ်းရှိ နေအိမ်ခြံဝင်းတစ်ခုအတွင်း၌ ဆောက်လုပ်ထားသော ရေကန်အတွင်း နိုဝင်ဘာလ ၂၇ ရက်က အလောင်းတစ်လောင်း တွေ့ရှိကြောင်း သတင်းရရှိသဖြင့် တောင်ကြီးနယ်မြေ ရဲစခန်းမှူး ရဲအုပ်ဌေးလှိုင် ဦးစီးသော ရဲတပ်ဖွဲ့ဝင်များသည် သက်သေများနှင့်အတူ သွားရောက်ကြည့်ရှုစစ်ဆေးရာ အုတ်ရေကန်အတွင်း၌ အသက် ၄၀ ခန့်ရှိ အမည်မသိအမျိုးသားတစ်ဦးအား ပြင်ပဒဏ်ရာတစ်စုံတစ်ရာ မတွေ့ရှိရဘဲ သေဆုံးနေသည်ကို တွေ့ရှိခဲ့ရကြောင်း သိရသည်။
.
အဆိုပါနေအိမ်မှ ခြံစောင့်ဖြစ်သူသည် ယင်းနေ့ မွန်းလွဲပိုင်းတွင် စည်ပင်ရေပိုက်လိုင်းမှ ရေလာသဖြင့် အုတ်ရေကန် ရေဖြည့်ရန် သွားရောက်စဉ် အမျိုးသားအလောင်းအား တွေ့ရှိခဲ့ခြင်းဖြစ်ကြောင်း သိရသည်။
.
သို့ဖြစ်၍ အဆိုပါအမျိုးသား သေဆုံးမှုနှင့်ပတ်သက်၍ ဓမ္မတာအတိုင်းဟုတ်/မဟုတ် သိရှိနိုင်ရန် တောင်ကြီးနယ်မြေ ရဲစခန်းတွင် သေမှုသေခင်းအမှတ်စဉ် ၁၆/၂၀၁၉ ဖြင့် အမှုဖွင့်စစ်ဆေးဆောင်ရွက်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats