ကျိုင်းတုံတွင် တရားမဝင်သစ်များ ဖမ်းဆီးရမိ - Kanbawza Tai News

Kanbawza Tai News

Represent For Shan State, Myanmar

Breaking

Boxed(True/False)

Treasure Palace Hotel

Photo of three cats

Wednesday, November 27, 2019

ကျိုင်းတုံတွင် တရားမဝင်သစ်များ ဖမ်းဆီးရမိ


ထက်တိုင်းကျော်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့၊ အမှတ် (၃) ရပ်ကွက်၊ ရှီးလုံမြို့သစ်၊ ချယ်ရီလမ်းသွယ် (၂) နေ ဦးကျစိုး ဆိုသူ၏ နေအိမ်ခြံဝင်းအတွင်း နိုဝင်ဘာလ ၂၆ ရက် ညပိုင်းက တရားမဝင်သစ်များ ဖမ်းဆီးရမိခဲ့ကြောင်း သိရသည်။
.
.
ဖမ်းဆီးရမိသည့် သစ်များမှာ မိုက်ကော် ၃ ဒသမ ၉၂၁၆ တန်၊ စကားစိမ်း ၀ ဒသမ ၅၆၅၀ တန်နှင့် သစ်ယား ၀ ဒသမ ၆၈၉၂ တန်၊ စုစုပေါင်း ၅ ဒသမ ၁၇၅၈ တန်ဖြစ်သည်ဟု သိရသည်။
.
အဆိုပါသစ်များနှင့် ပတ်သက်၍ ကျိုင်းတုံမြို့နယ်၊ မိုင်းငွေါင်းကျေးရွာအုပ်စုမှ ပြည်သူ့စစ်တပ်ဖွဲ့ဝင်များ၏ ရန်ပုံငွေ ရရှိရေးအတွက် ဆောင်ရွက်ထားခြင်းဖြစ်ကြောင်း ပြည်သူ့စစ်တပ်ဖွဲ့ဝင်များက ထွက်ဆိုခဲ့ကြသည်ဟု သိရသည်။
.
သူတို့ပြည်သူ့စစ် တပ်ဖွဲ့ဝင်အင်အား ၁၀၀ ကျော်ရဲ့ ဝတ်စုံစရိတ်၊ သင်တန်းစရိတ် ရန်ပုံငွေအတွက် သစ်တွေပါဆိုပြီး တပ်ဖွဲ့ဝင် ၁၅ ယောက်ကနေ ထွက်ဆိုပြောကြားထားပါတယ်” ဟု သိမ်းဆည်းရမိသော သစ်များနှင့် ပတ်သက်၍ စစ်ဆေးရာတွင် ပါဝင်သူတစ်ဦးက ပြောသည်။
.
တောထဲကသစ်တွေ မြို့ထဲကို ဘယ်လိုရောက်လာသလဲဆိုတာ စဉ်းစားကြည့်ပေါ့ဗျာ။ ဘယ်အဖွဲ့အစည်းကပဲဖြစ်ဖြစ် တရားမဝင်တဲ့သစ်ဆိုတော့ ဘယ်လိုမှ မဖြစ်သင့်ပါဘူး” ဟု ကျိုင်းတုံဒေသခံတစ်ဦးက ၎င်း၏အမြင်ကို ပြောသည်။
.
အဆိုပါ တရားမဝင်သစ်များ စစ်ဆေးတွေ့ရှိမှုနှင့် ပတ်သက်၍ ကျိုင်းတုံမြို့နယ်သစ်တောဦးစီးဌာနမှ ကျိုင်းတုံ မြို့မ ရဲစခန်းသို့ တိုင်ကြားစာပေးပို့၍ ဥပဒေအရ အမှုဖွင့်အရေးယူသွားရန် စီစဉ်ဆောင်ရွက်လျက်ရှိကြောင်း ကျိုင်းတုံ မြို့နယ်သစ်တောဦးစီးဌာနမှ သိရသည်။
.

No comments:

Post a Comment

Journal Download

Photo of three cats