ရှုံးပွဲ မရှိ ချန်ပီယံ ဖြစ်ရန် ရှမ်းယူနိုက်တက် ပြင်ဆင်နေ - Kanbawza Tai News

Kanbawza Tai News

Represent For Shan State, Myanmar

Breaking

Saturday, September 14, 2019

ရှုံးပွဲ မရှိ ချန်ပီယံ ဖြစ်ရန် ရှမ်းယူနိုက်တက် ပြင်ဆင်နေ

ရှမ်းပြည်နယ်ကိုယ်စားပြု အဖြစ် မြန်မာနေရှင်နယ်လိဂ်တွင် ယှဉ်ပြိုင်နေသော ရှမ်းယူနိုက်တက် အသင်းသည် မနက်ဖြန် (စက်တင်ဘာလ ၁၅ ရက်)၊ ညနေ ၃ နာရီခွဲတွင် တောင်ကြီးကွင်း၌ ယှဉ်ပြိုင်ရမည့် ရခိုင်အသင်းနှင့် ပွဲစဉ်အား အနိုင်ကစားပြီး ယခုနှစ်တွင် ရှုံးပွဲ မရှိ ချန်ပီယံ အဖြစ် သမိုင်း ရေးထိုးရန် ပြင်ဆင်နေလျက် ရှိသည်။
.
ရှမ်းအသင်း ဥက္ကဋ္ဌ ဦးခွန်နောင်မြင့်ဝေသည် အသင်း လေ့ကျင့်ရေး ကွင်းသို့ သွားရောက် ကြည့်ရှု အားပေး၍ ရှုံးပွဲ မရှိ ချန်ပီယံ အဖြစ် သမိုင်း ရေးထိုးရန် တိုက်တွန်း ပြောကြားခဲ့သည်။
.
" အားလုံး ကြိုးစားလို့ ဒီ အနေအထားကို ရောက်နေပြီ။ အခြေအနေက အရမ်းကောင်းနေပြီ။ အများကြီး တွေးမနေနဲ့။ နောက်ဆုံးပွဲကိုပဲ နိုင်အောင် ကန်ပါ။ ရှုံးပွဲ မရှိတဲ့ ပထမဆုံး အမှတ်ပေး ချန်ပီယံအဖြစ် ကိုယ်တိုင် အောင်ပွဲခံကြပါ။ " ဟု ဦးခွန်နောင်မြင့်ဝေက ရှမ်း ကစားသမားများသို့  တိုက်တွန်းခဲ့သည်။
.

မြန်မာနေရှင်နယ်လိဂ် အမှတ်ပေး ပြိုင်ပွဲ စတင် ပြုလုပ်ကတည်းက ရှုံးပွဲ မရှိ ချန်ပီယံ အသင်း ထွက်ပေါ်လာခြင်း မရှိသေးသည့် အတွက် ယင်းမှတ်တမ်းအား ရရှိရေးအတွက် ရှမ်းအသင်းအနေဖြင့် အာရုံ ထားနေခြင်း ဖြစ်သည်။
.
ရှမ်းအသင်းသည် မြန်မာနေရှင်နယ်လိဂ် အမှတ်ပေးဇယား၏ ပထမနေရာတွင် ၁၁ ပွဲနိုင်၊ ၁၀ ပွဲ သရေ၊ ရှုံးပွဲ မရှိ၊ ရမှတ် ၄၃ မှတ်ဖြင့် ရပ်တည်နေပြီး နောက်ဆုံး ပွဲစဉ်ဖြစ်သည့် ရခိုင်နှင့် ပွဲစဉ်၌ သရေ ၁ မှတ် ရရုံဖြင့် ချန်ပီယံ ဖြစ်နိုင်သည့် အနေအထား ရှိနေသည်။
.
ရှမ်းပြည်နယ် ကိုယ်စားပြုအသင်းသည် မြန်မာနေရှင်လိဂ် အမှတ်ပေး ပြိုင်ပွဲအား ယှဉ်ပြိုင် ကစား ပြီးပါက လာမည့် စက်တင်ဘာလ ၂၄ ရက်၊ ညနေ ၆ နာရီတွင် ရန်ကုန်မြို့၊ သုဝဏ္ဏကွင်း၌ ဗိုလ်ချုပ်အောင်ဆန်းဒိုင်း ရှုံးထွက် ဘောလုံးပြိုင်ပွဲ၏ ဗိုလ်လုပွဲစဉ်ကို ရန်ကုန်အသင်းနှင့် ဆက်လက် ယှဉ်ပြိုင် ကစားရမည် ဖြစ်သည်။
.

No comments:

Post a Comment

Journal Download

Photo of three cats