နောင်ချိုမြို့နယ်၊ နမ့်ဆောင်ဟူးကျေးရွာတွင် လျှပ်စစ်မီး မရရှိသေးသဖြင့် ဒေသခံများ ဝေဖန်

စုလှိုင်

.

ရှမ်းပြည်နယ်မြောက်ပိုင်း နောင် ချိုမြို့နယ်၊ မျက်ချင်းနု ကျေးရွာအုပ် စု၊ နမ့်ဆောင်ဟူးကျေးရွာတွင် လျှပ် စစ်မီး  မရရှိသေးသဖြင့် ဒေသခံများမှ ဝေဖန်ပြောဆိုလျက်ရှိကြောင်း သိရ သည်။

.

.
"ရန်ပုံငွေလည်း ရှိတယ် နှစ်နဲ့ ချီ နေပြီ။ မီးရမယ်ဆိုပြီး ကေဘယ်လ် ကြိုးတွေ၊ မီးတိုင်တွေလည်း လာချ ပြီးသွားပြီ။ အခုဒီရွာအပြင် နောက် ထပ် ၂ ရွာရှိသေးတယ်။ ကျန်တဲ့ရွာ က မီးရသွားပြီ ဒီရွာပဲ မရသေးတာ ” ဟု ရွာခံတစ်ဦးဖြစ်သူ ကိုဖေဝင်းက ကမ္ဘောဇတိုင်းသို့ ပြောသည်။

.

နမ့်ဆောင်ဟူး ကျေးရွာသည် နောင်ချိုမြို့နှင့် အနီးဆုံး တည်ရှိ သော ကျေးရွာတစ်ရွာဖြစ်ပြီး လွန်ခဲ့ သည့် ၂ နှစ်ခန့်ကတည်းက လျှပ်စစ် မီး ရရှိရေးအတွက် ဆောင်ရွက်ခဲ့ သော်လည်း ကျန်ရွာများသာ လျှပ် စစ်မီး ရရှိသွားပြီး နမ့်ဆောင်ဟူး ကျေးရွာတွင် လျှပ်စစ်မီး မရရှိသေး ဘဲ ကျေးရွာအတွင်း ချထားသည့် ဓါတ်တိုင်များ၊ ကေဘယ်လ်ကြိုးများ ကိုလည်း ပြန်လည်ယူဆောင်သွား ကြောင်း ဒေသခံများထံမှ သိရသည်။

.

"မြို့နယ်ကတော့ မီးရမယ်လို့ ပြောသွားတယ်။ အခု ကြိုးတွေရော တိုင်တွေရောချပြီး ပြန်သယ်သွားတဲ့ အဆင့်ထိဆိုတော့ ဒါတွေဟာ ဘာ ကြောင့်လဲဆိုတာ သိချင်နေကြတယ်  သိန်း ၅၀၀ ရထားတာ ရှိတယ်” ဟု နမ့်ဆောင်ဟူးကျေးရွာ ဒေသခံကို ကျော်သီဟက ပြောဆိုခဲ့သည်။

.

အဆိုပါ ကိစ္စနှင့် ပတ်သက်၍ နမ့်ဆောင်ဟူးကျေးရွာ အုပ်ချုပ်ရေး မှူးအား ဆက်သွယ် မေးမြန်းရာ “ကျွန်တော်တို့ကို အပ်ထားတဲ့ငွေနဲ့ မလောက်ဘူး။ အစိုးရဘတ်ဂျက်က ကျမလာတော့ လုပ်လို့မရဘူး။ EPC နဲ့ ချိတ်ဆက်ပြီး အပ်ထားတဲ့ငွေနဲ့ လောက်/မလောက် ချိန်ပြီးတိုင်းခိုင်း ထားပါတယ်။ လုပ်ဖြစ်/မဖြစ်က တော့ မပြောနိုင်သေးပါဘူး။ကျွန် တော်တို့ ထုတ်ထားတဲ့ ငွေကတော့ မြေကော်စက် သုံးထားတာရှိတယ်။ အဲဒါကိုရွာက ပြန်ဖြည့်ပေးမယ်ကြား တယ်” ဟု ပြောဆိုခဲ့သည်။

.

နမ့်ဆောင်ဟူး ကျေးရွာသည် နောင်ချိုမြို့ပေါ်နှင့် ၁ မိုင်ခန့်သာ ကွာ ဝေးပြီး ကျေးရွာအိမ်ခြေ ၈၀ ခန့်ရှိ ကြောင်း သိရသည်။ အဆိုပါကျေး ရွာ၏ အနီးဝန်းကျင်ရှိ ကျောက် တော၊ ပန်လန်၊ ရေလင်း၊ နမ့်ပါတတ် ကျေးရွာများတွင် လျှပ်စစ်မီးရရှိနေ ပြီ ဖြစ်သော်လည်း နမ့်ဆောင်ဟူး ကျေးရွာမှာမူ လျှပ်စစ်မီး မရရှိသေး ခြင်းဖြစ်ကြောင်း သိရသည်။

.