ဟဲဟိုးတြင္ မသကၤာဖြယ္သူ ၂ ဦးအား စစ္ေဆးစဥ္ ခိုးယူထားသည့္ ဆိုင္ကယ္ ၁၀ စီးႏွင့္အတူ ဖမ္းဆီးရမိ - Kanbawza Tai News

Kanbawza Tai News

Represent For Shan State, Myanmar

Breaking

Boxed(True/False)

Treasure Palace Hotel

Photo of three cats

Friday, July 12, 2019

ဟဲဟိုးတြင္ မသကၤာဖြယ္သူ ၂ ဦးအား စစ္ေဆးစဥ္ ခိုးယူထားသည့္ ဆိုင္ကယ္ ၁၀ စီးႏွင့္အတူ ဖမ္းဆီးရမိ


ခြန္သက္ထူး
.
႐ွမ္းျပည္နယ္ ေတာင္ပိုင္း၊ ကေလာၿမိဳ႕နယ္၊ ဟဲဟိုးၿမိဳ႕တြင္ မသကၤာဖြယ္သူ ၂ ဦးအား စစ္ေဆး ေမးျမန္းစဥ္ ခိုးယူထားသည့္ သက္ေသခံ ဆိုင္ကယ္ ၁၀ စီးႏွင့္အတူ ေဖာ္ထု္ ဖမ္းဆီးရမိခဲ့ေၾကာင္း သိရသည္။
.
ဟဲဟိုးနယ္ေျမရဲစခန္းမွ ေခတၱနယ္ထိန္း ေခါင္းေဆာင္ ဒုရဲအုပ္ ထြန္းႏိုင္ဝင္း ဦးစီးေသာ ရဲတပ္ဖဲြ႕၀င္မ်ားသည္ ဇူလိုင္လ ၄ ရက္က သကၤာမကင္းဖြယ္ရာ ဖိုးလျပည့္ (ခ) ဝင္းဦးႏွင့္ သက္ပိုင္ဦးတို႔ ၂ ဦးအား စစ္ေဆးစဥ္ ၄င္းတို႔ ခိုးယူထားသည့္ သက္ေသခံပစၥည္း  ဆိုင္ကယ္ ၁၀ စီးအား ေဖာ္ထု္ ဖမ္းဆီးရမိခဲ့ျခင္း ျဖစ္ေၾကာင္း သိရသည္။
.
" မသကၤာလို႔ စစ္လိုက္ေတာ့ ေပၚလာတာ။ ပိုင္႐ွင္ကေတာ့  တစ္စီးပဲ ေပၚေသးတယ္။ ဟဲဟုိးပတ္ဝန္းက်င္က ဝွက္ထားတဲ့ ေနရာေတြကေန လိုက္သိမ္းတာပါ။ ဆိုင္ကယ္ ေပ်ာက္ဆံုးသူမ်ား အေနနဲ႔ မိမိတို႔ ဆိုင္ကယ္ေတြ ဟုတ္/မဟုတ္ ဟဲဟိုးရဲစခန္းသို႔ လာေရာက္ ေမးျမန္းႏုိင္ပါတယ္။'' ဟု ကေလာၿမိဳ႕နယ္၊ ေခတၱၿမိဳ႕နယ္ ရဲတပ္ဖြဲ႔မွဴး ဒုရဲမွဴး လွႏိုင္က ကမၻာဇတိုင္းသိုေျပာသည္။
.
အဆိုပါ ဖိုးလျပည့္(ခ) ဝင္းဦးႏွင့္ သက္ပိုင္ဦးတို႔ ၂ ဦးအား  ဟဲဟိုးနယ္ေျမရဲစခန္းမွ (ပ)၃၀/၂၀၁၉ ရာဇသတ္ႀကီး ပုဒ္မ ၃၇၉ ျဖင့္ အမႈဖြင့္ အေရးယူထားေၾကာင္း သိရသည္။

 ==================
ဟဲဟိုးတွင် မသင်္ကာဖွယ်သူ ၂ ဦးအား စစ်ဆေးစဉ် ခိုးယူထားသည့် ဆိုင်ကယ် ၁၀ စီးနှင့်အတူ ဖမ်းဆီးရမိ
.
ခွန်သက်ထူး
.
ရှမ်းပြည်နယ် တောင်ပိုင်း၊ ကလောမြို့နယ်၊ ဟဲဟိုးမြို့တွင် မသင်္ကာဖွယ်သူ ၂ ဦးအား စစ်ဆေး မေးမြန်းစဉ် ခိုးယူထားသည့် သက်သေခံ ဆိုင်ကယ် ၁၀ စီးနှင့်အတူ ဖော်ထုတ် ဖမ်းဆီးရမိခဲ့ကြောင်း သိရသည်။
.
ဟဲဟိုးနယ်မြေရဲစခန်းမှ ခေတ္တနယ်ထိန်း ခေါင်းဆောင် ဒုရဲအုပ် ထွန်းနိုင်ဝင်း ဦးစီးသော ရဲတပ်ဖွဲ့ဝင်များသည် ဇူလိုင်လ ၄ ရက်က သင်္ကာမကင်းဖွယ်ရာ ဖိုးလပြည့် (ခ) ဝင်းဦးနှင့် သက်ပိုင်ဦးတို့ ၂ ဦးအား စစ်ဆေးစဉ် ၎င်းတို့ ခိုးယူထားသည့် သက်သေခံပစ္စည်း  ဆိုင်ကယ် ၁၀ စီးအား ဖော်ထုတ် ဖမ်းဆီးရမိခဲ့ခြင်း ဖြစ်ကြောင်း သိရသည်။
.
" မသင်္ကာလို့ စစ်လိုက်တော့ ပေါ်လာတာ။ ပိုင်ရှင်ကတော့  တစ်စီးပဲ ပေါ်သေးတယ်။ ဟဲဟိုးပတ်ဝန်းကျင်က ဝှက်ထားတဲ့ နေရာတွေကနေ လိုက်သိမ်းတာပါ။ ဆိုင်ကယ် ပျောက်ဆုံးသူများ အနေနဲ့ မိမိတို့ ဆိုင်ကယ်တွေ ဟုတ်/မဟုတ် ဟဲဟိုးရဲစခန်းသို့ လာရောက် မေးမြန်းနိုင်ပါတယ်။'' ဟု ကလောမြို့နယ်၊ ခေတ္တမြို့နယ် ရဲတပ်ဖွဲ့မှူး ဒုရဲမှူး လှနိုင်က ကမ္ဘာဇတိုင်းသို့ ပြောသည်။
.
အဆိုပါ ဖိုးလပြည့်(ခ) ဝင်းဦးနှင့် သက်ပိုင်ဦးတို့ ၂ ဦးအား  ဟဲဟိုးနယ်မြေရဲစခန်းမှ (ပ)၃၀/၂၀၁၉ ရာဇသတ်ကြီး ပုဒ်မ ၃၇၉ ဖြင့် အမှုဖွင့် အရေးယူထားကြောင်း သိရသည်။

No comments:

Post a Comment

Journal Download

Photo of three cats