အမ်ိဳးသားစီမံခန္႕ခြဲမႈပညာ ဒီဂရီေကာလိပ္မွ ေက်ာင္းသား ၁၀၀ ကို ကေမာၻဇပညာသင္ဆု ေပးအပ္ - Kanbawza Tai News

Kanbawza Tai News

Represent For Shan State, Myanmar

Breaking

Saturday, July 13, 2019

အမ်ိဳးသားစီမံခန္႕ခြဲမႈပညာ ဒီဂရီေကာလိပ္မွ ေက်ာင္းသား ၁၀၀ ကို ကေမာၻဇပညာသင္ဆု ေပးအပ္


အမ်ိဳးသားစီမံခန္႕ခြဲမႈပညာ ဒီဂရီေကာလိပ္ (National Management Degree College)တြင္ Business ManagementTourism & Hospitality ManagementJournalism ႏွင့္ English for Professional Purpose ဘာသာရပ္မ်ားအား တက္ေရာက္သင္ၾကားလ်က္ ရွိေသာ ေက်ာင္းသား/ေက်ာင္းသ၁၀၀ ဦးကို ကေမၻာဇဘဏ္က ကေမာၻဇပညာသင္ဆု ေပးအပ္ခ့ဲေၾကာင္း သိရသည္။
.
“ ကၽြန္မရဲ႕ ေဖေဖနဲ႔ ေမေမဟာ ေက်ာင္းဆရာ၊ ဆရာမမ်ား ျဖစ္ခဲ့ၾကတဲ့ အေလ်ာက္၊ ပညာေရးဟာ ျမန္မာႏိုင္ငံရဲ့ မ်ိဳးဆက္သစ္ ေက်ာင္းသား/ေက်ာင္းသူမ်ားရဲအနာဂတ္ဘဝ တည္ေဆာက္ရာမွာ အဓိကေသာ့ခ်က္ ျဖစ္တယ္လို႔ ယုံၾကည္ပါတယ္။” ဟု ကေမၻာဇအနာဂတ္အလင္းတန္း ျမန္မာေဖာင္ေဒးရွင္း ဥကၠဌ ေဒၚနန္းလိုင္းခမ္းက ေျပာသည္။
.
ကေမၻာဇအနာဂတ္အလင္းတန္း ျမန္မာေဖာင္ေဒးရွင္း(BFM)ႏွင့္ အတူ ကေမၻာဇပညာသင္ဆုအား ေနရာေဒသစံုမွ ေက်ာင္းသား/ေက်ာင္းသူမ်ားကို ဘာသာရပ္မ်ိဳးစံုျဖင့္ ျပည္တြင္း/ျပည္ပရွိ ေက်ာင္းမ်ား၊ ေကာလိပ္မ်ားႏွင့္ တကၠသိုလ္မ်ားသို႔ တက္ေရာက္ႏိုင္ရန္အတြက္ ၁၉၉၉ ခုႏွစ္မွ စၿပီး ႏွစ္စဥ္ေပးအပ္လ်က္ရွိေၾကာင္း သိရသည္။
.
အခုလို ပံ့ပိုးေဆာင္ရြက္ျခင္းအားျဖင့္ ကြ်န္မတို႕ ႏုိင္ငံရဲ႕ အေရးတႀကီး လိုအပ္ေနတဲ့ လူ႕စြမ္းအား အရင္းအျမစ္ ဖြံ႕ၿဖိဳးတိုးတက္မႈကို တစ္ဖက္တစ္လမ္းကေန အေထာက္အကူ ျပဳ ႏိုင္မယ္လိုလည္း ယံုၾကည္ပါတယ္။ ပညာသင္ဆု ေရြးခ်ယ္တဲ့ အခါမွာလည္း အမ်ိဳးသား၊ အမ်ိဳးသမီး ဦးေရ အခ်ိဳး ညီျဖစ္ေစဖို႔ ေဆာင္ရြက္ထားရွိပါတယ္။” ဟု ေဒၚနန္းလိုင္းခမ္းက ဆိုသည္။
.
ကေမၻာဇပညာသင္ဆု လက္ခံရရွိေသာ scholar မ်ားအေနျဖင့္လည္း အေကာင္းဆံုး ႀကိဳးစားျခင္းႏွင့္ ကိုယ့္ဘဝ ကိုယ္ အေကာင္းဆံုး ထူေထာင္ရင္း၊ ကိုယ့္ပတ္ဝန္းက်င္၊ ကိုယ့္နိုင္ငံႏွင့္ ကိုယ့္လူမ်ိဳးရဲ႕ လူေနမဘဝကို ျမင့္တင္နိုင္ေအာင္ကိဳးစားသြားၾကလိမ့္မည္ကို ယုံၾကည္ေၾကာင္း ကေမၻာဇအနာဂတ္အလင္းတန္း ျမန္မာေဖာင္ေဒးရွင္း ဥကၠဌက ဆက္လက္၍ ေျပာၾကားသည္။
.
ျမန္မာနိင္ငံတြင္းရွိ တကၠသိုလ္မ်ားတြင္ ေက်ာင္းသား/ေက်ာင္းသူေပါင္း ၁၃၀၀ ခန္႔၊ ျပည္ပတကၠသိုလ္မ်ားတြင္ ၈ ဦး၊ Parami Institute တြင္ ၂ ဦး၊ Precollegiate Program တြင္ ၆ ဦး၊ United World College of South East Asia တြင္ ၂ ဦးႏွင့္ Myanmar Metropolitan College တြင္ ၂ ဦး တို႔ကို ပညာသင္ေထာက္ပ့ံေၾကးႏွင့္ ပညာသင္ဆုမ်ားအား ကေမၻာဇအုပ္စုက ေပးအပ္ထားၿပီး ျဖစ္သည္။

================

အမျိုးသားစီမံခန့်ခွဲမှုပညာ ဒီဂရီကောလိပ်မှ ကျောင်းသား ၁၀၀ ကို ကမ္ဘောဇပညာသင်ဆု ပေးအပ်
.
အမျိုးသားစီမံခန့်ခွဲမှုပညာ ဒီဂရီကောလိပ် (National Management Degree College)တွင် Business ManagementTourism & Hospitality ManagementJournalism နှင့် English for Professional Purpose ဘာသာရပ်များအား တက်ရောက်သင်ကြားလျက် ရှိသော ကျောင်းသား/ကျောင်းသူ ၁၀၀ ဦးကို ကမ္ဘောဇဘဏ်က ကမ္ဘောဇပညာသင်ဆု ပေးအပ်ခဲ့ကြောင်း သိရသည်။
.
ကျွန်မရဲ့ ဖေဖေနဲ့ မေမေဟာ ကျောင်းဆရာ၊ ဆရာမများ ဖြစ်ခဲ့ကြတဲ့ အလျောက်၊ ပညာရေးဟာ မြန်မာနိုင်ငံရဲ့ မျိုးဆက်သစ် ကျောင်းသား/ကျောင်းသူများရဲ့ အနာဂတ်ဘဝ တည်ဆောက်ရာမှာ အဓိကသော့ချက် ဖြစ်တယ်လို့ ယုံကြည်ပါတယ်။ဟု ကမ္ဘောဇအနာဂတ်အလင်းတန်း မြန်မာဖောင်ဒေးရှင်း ဥက္ကဌ ဒေါ်နန်းလိုင်းခမ်းက ပြောသည်။
.
ကမ္ဘောဇအနာဂတ်အလင်းတန်း မြန်မာဖောင်ဒေးရှင်း(BFM)နှင့် အတူ ကမ္ဘောဇပညာသင်ဆုအား နေရာဒေသစုံမှ ကျောင်းသား/ကျောင်းသူများကို ဘာသာရပ်မျိုးစုံဖြင့် ပြည်တွင်း/ပြည်ပရှိ ကျောင်းများ၊ ကောလိပ်များနှင့် တက္ကသိုလ်များသို့ တက်ရောက်နိုင်ရန်အတွက် ၁၉၉၉ ခုနှစ်မှ စပြီး နှစ်စဉ်ပေးအပ်လျက်ရှိကြောင်း သိရသည်။
.
အခုလို ပံ့ပိုးဆောင်ရွက်ခြင်းအားဖြင့် ကျွန်မတို့ နိုင်ငံရဲ့ အရေးတကြီး လိုအပ်နေတဲ့ လူ့စွမ်းအား အရင်းအမြစ် ဖွံ့ဖြိုးတိုးတက်မှုကို တစ်ဖက်တစ်လမ်းကနေ အထောက်အကူ ပြု နိုင်မယ်လို့လည်း ယုံကြည်ပါတယ်။ ပညာသင်ဆု ရွေးချယ်တဲ့ အခါမှာလည်း အမျိုးသား၊ အမျိုးသမီး ဦးရေ အချိုး ညီဖြစ်စေဖို့ ဆောင်ရွက်ထားရှိပါတယ်။ဟု ဒေါ်နန်းလိုင်းခမ်းက ဆိုသည်။
.

ကမ္ဘောဇပညာသင်ဆု လက်ခံရရှိသော scholar များအနေဖြင့်လည်း အကောင်းဆုံး ကြိုးစားခြင်းနှင့် ကိုယ့်ဘဝ ကိုယ် အကောင်းဆုံး ထူထောင်ရင်း၊ ကိုယ့်ပတ်ဝန်းကျင်၊ ကိုယ့်နိုင်ငံနှင့် ကိုယ့်လူမျိုးရဲ့ လူနေမှုဘဝကို မြှင့်တင်နိုင်အောင် ကြိုးစားသွားကြလိမ့်မည်ကို ယုံကြည်ကြောင်း ကမ္ဘောဇအနာဂတ်အလင်းတန်း မြန်မာဖောင်ဒေးရှင်း ဥက္ကဌက ဆက်လက်၍ ပြောကြားသည်။
.
မြန်မာနိင်ငံတွင်းရှိ တက္ကသိုလ်များတွင် ကျောင်းသား/ကျောင်းသူပေါင်း ၁၃၀၀ ခန့်၊ ပြည်ပတက္ကသိုလ်များတွင် ၈ ဦး၊ Parami Institute တွင် ၂ ဦး၊ Precollegiate Program တွင် ၆ ဦး၊ United World College of South East Asia တွင် ၂ ဦးနှင့် Myanmar Metropolitan College တွင် ၂ ဦး တို့ကို ပညာသင်ထောက်ပံ့ကြေးနှင့် ပညာသင်ဆုများအား ကမ္ဘောဇအုပ်စုက ပေးအပ်ထားပြီး ဖြစ်သည်။

No comments:

Post a Comment