ေအးသာယာတြင္ ဆိုင္ကယ္ အဖမ္းခံရသူက ယာဥ္ထိန္းရဲကို ဆဲဆို ၿခိမ္းေျခာက္၍ ခဲျဖင့္ ပစ္ေပါက္ - Kanbawza Tai News

Kanbawza Tai News

Represent For Shan State, Myanmar

Breaking

Friday, July 26, 2019

ေအးသာယာတြင္ ဆိုင္ကယ္ အဖမ္းခံရသူက ယာဥ္ထိန္းရဲကို ဆဲဆို ၿခိမ္းေျခာက္၍ ခဲျဖင့္ ပစ္ေပါက္


ရွမ္းျပည္နယ္၊ ေတာင္ႀကီးၿမဳိ႕နယ္၊ ေအးသာယာၿမဳိ႕တြင္ ဆိုင္ကယ္ ဖမ္းဆီးခံရသူ အမ်ိဳးသား တစ္ဦးမွ ယာဥ္ထိန္းရဲတပ္ဖဲြ႕၀င္မ်ားကို ယေန႔ ဇူလိုင္လ ၂၆ ရက္၊ နံနက္ ၁၁ နာရီခန္႔တြင္ ညစ္ညမ္းစြာ ဆဲဆို ၿခိမ္းေျခာက္၍ ခဲျဖင့္ ပစ္ခဲ့ျခင္းေၾကာင့္ အေရးယူေပးရန္အတြက္ ယာဥ္ထိန္းရဲအရာရွိမွ ရဲစခန္းသို႔ တိုင္ၾကားထားေၾကာင္း သိရသည္။
.
ေအးသာယာၿမဳိ႕၊ ၿမဳိ႕၀င္မုခ္ဦး အနီး ျပည္ေထာင္စု လမ္းမေပၚ တြင္ ေတာင္ႀကီးၿမဳိ႕၊ အမွတ္(၁၁၅) ယာဥ္ထိန္းရဲတပ္ဖဲြ႕စုမွ ရဲအုပ္ မ်ိဳးလႈိင္၀င္း ဦးေဆာင္ေသာ ရဲတပ္ဖဲြ႕၀င္မ်ားသည္ သက္ေသမ်ားႏွင့္ အတူ စည္းကမ္းပ်က္ ေမာင္းႏွင္ေသာ ေမာ္ေတာ္ယာဥ္/ဆိုင္ကယ္မ်ားအား စစ္ေဆးမႈမ်ား ျပဳလုပ္ေနစဥ္ ေအးသာယာၿမိဳ႕မွ ေရႊေညာင္ၿမိဳ႕သို႔ ေမာင္းႏွင္လာေသာ ေအးသာယာၿမိဳ႕ေန ဇင္ၿဖိဳးေ၀ ေမာင္းႏွင္၍ စိန္ေအာင္ လိုက္ပါ စီးနင္းလာေသာ ဆိုင္ကယ္မွာ  နံပါတ္ မပါျခင္း၊ ဆုိင္ကယ္စီး ဦးထုပ္ ေဆာင္းထားမႈ မရွိေသာေၾကာင့္ ဖမ္းဆီးခဲ့ေၾကာင္း သိရသည္။
.

ယင္းကဲ့သို႔ ယာဥ္ထိန္းတပ္ဖဲြ႕၀င္မ်ားက ဖမ္းဆီးစဥ္ ဆိုင္ကယ္ ေမာင္းႏွင္သူ ဇင္ၿဖိဳးေ၀မွ ယာဥ္ထိန္း ရဲတပ္ဖြဲ႕၀င္မ်ားအား “ ငါ - မ သားေတြ၊ မေအ - ေတြ” ဟု ညစ္ညမ္းစြာ ဆဲဆိုျခင္း၊ ပုလင္းကြဲ ကိုင္ကာ သတ္ပစ္မည္ဟု ၿခိမ္းေျခာက္ျခင္း၊ ဆုိင္ကယ္အား မီး႐ိႈ႕မည္ဟု ေျပာကာ ဖမ္းဆီးထားေသာ ဆိုင္ကယ္အား ျပန္လည္လုယူျခင္း၊ ခဲျဖင့္ ပစ္ျခင္းမ်ားအား ျပဳလုပ္္ခဲ့ေၾကာင္း ရဲမွတ္တမ္းမ်ားတြင္ ေဖာ္ျပထားသည္။
.
အဆိုပါ ယာဥ္ထိန္းရဲတပ္ဖဲြ႕၀င္မ်ားအား ညစ္ညမ္းစြာ ဆဲဆို ၿခိမ္းေျခာက္၍ ခဲျဖင့္ ပစ္ခဲ့သူ ဇင္ၿဖိဳးေ၀အား အေရးယူေပးရန္ ရဲအုပ္ မ်ိဳးလႈိင္၀င္းမွ ေအးသာယာနယ္ေျမ ရဲစခန္းသို႔ တိုင္ၾကားခဲ့သျဖင့္ ၄င္းအား ဖမ္းဆီးကာ အမႈဖြင့္ အေရးယူႏိုင္ေရးအတြက္ ေဆာင္ရြက္လ်က္ ရွိေၾကာင္း သိရသည္။

=================

အေးသာယာတွင် ဆိုင်ကယ် အဖမ်းခံရသူက ယာဉ်ထိန်းရဲကို ဆဲဆို ခြိမ်းခြောက်၍ ခဲဖြင့် ပစ်ပေါက်
.
ရှမ်းပြည်နယ်၊ တောင်ကြီးမြို့နယ်၊ အေးသာယာမြို့တွင် ဆိုင်ကယ် ဖမ်းဆီးခံရသူ အမျိုးသား တစ်ဦးမှ ယာဉ်ထိန်းရဲတပ်ဖွဲ့ဝင်များကို ယနေ့ ဇူလိုင်လ ၂၆ ရက်၊ နံနက် ၁၁ နာရီခန့်တွင် ညစ်ညမ်းစွာ ဆဲဆို ခြိမ်းခြောက်၍ ခဲဖြင့် ပစ်ခဲ့ခြင်းကြောင့် အရေးယူပေးရန်အတွက် ယာဉ်ထိန်းရဲအရာရှိမှ ရဲစခန်းသို့ တိုင်ကြားထားကြောင်း သိရသည်။
.
အေးသာယာမြို့၊ မြို့ဝင်မုခ်ဦး အနီး ပြည်ထောင်စု လမ်းမပေါ် တွင် တောင်ကြီးမြို့၊ အမှတ်(၁၁၅) ယာဉ်ထိန်းရဲတပ်ဖွဲ့စုမှ ရဲအုပ် မျိုးလှိုင်ဝင်း ဦးဆောင်သော ရဲတပ်ဖွဲ့ဝင်များသည် သက်သေများနှင့် အတူ စည်းကမ်းပျက် မောင်းနှင်သော မော်တော်ယာဉ်/ဆိုင်ကယ်များအား စစ်ဆေးမှုများ ပြုလုပ်နေစဉ် အေးသာယာမြို့မှ ရွှေညောင်မြို့သို့ မောင်းနှင်လာသော အေးသာယာမြို့နေ ဇင်ဖြိုးေ၀ မောင်းနှင်၍ စိန်အောင် လိုက်ပါ စီးနင်းလာသော ဆိုင်ကယ်မှာ  နံပါတ် မပါခြင်း၊ ဆိုင်ကယ်စီး ဦးထုပ် ဆောင်းထားမှု မရှိသောကြောင့် ဖမ်းဆီးခဲ့ကြောင်း သိရသည်။
.

ယင်းကဲ့သို့ ယာဉ်ထိန်းတပ်ဖွဲ့ဝင်များက ဖမ်းဆီးစဉ် ဆိုင်ကယ် မောင်းနှင်သူ ဇင်ဖြိုးဝေမှ ယာဉ်ထိန်း ရဲတပ်ဖွဲ့ဝင်များအား ငါ - မ သားတွေ၊ မအေ - တွေဟု ညစ်ညမ်းစွာ ဆဲဆိုခြင်း၊ ပုလင်းကွဲ ကိုင်ကာ သတ်ပစ်မည်ဟု ခြိမ်းခြောက်ခြင်း၊ ဆိုင်ကယ်အား မီးရှို့မည်ဟု ပြောကာ ဖမ်းဆီးထားသော ဆိုင်ကယ်အား ပြန်လည်လုယူခြင်း၊ ခဲဖြင့် ပစ်ခြင်းများအား ပြုလုပ်ခဲ့ကြောင်း ရဲမှတ်တမ်းများတွင် ဖော်ပြထားသည်။
.
အဆိုပါ ယာဉ်ထိန်းရဲတပ်ဖွဲ့ဝင်များအား ညစ်ညမ်းစွာ ဆဲဆို ခြိမ်းခြောက်၍ ခဲဖြင့် ပစ်ခဲ့သူ ဇင်ဖြိုးဝေအား အရေးယူပေးရန် ရဲအုပ် မျိုးလှိုင်ဝင်းမှ အေးသာယာနယ်မြေ ရဲစခန်းသို့ တိုင်ကြားခဲ့သဖြင့် ၎င်းအား ဖမ်းဆီးကာ အမှုဖွင့် အရေးယူနိုင်ရေးအတွက် ဆောင်ရွက်လျက် ရှိကြောင်း သိရသည်။

No comments:

Post a Comment