တာခ်ီလိတ္တြင္ ထိုင္းႏိုင္ငံသားမ်ားထံမွ လက္နက္ႏွင့္ မူးယစ္ေဆးဝါးမ်ား ဖမ္းဆီးရမိ - Kanbawza Tai News

Kanbawza Tai News

Represent For Shan State, Myanmar

Breaking

Boxed(True/False)

Comments system

Photo of three cats

Tuesday, June 25, 2019

တာခ်ီလိတ္တြင္ ထိုင္းႏိုင္ငံသားမ်ားထံမွ လက္နက္ႏွင့္ မူးယစ္ေဆးဝါးမ်ား ဖမ္းဆီးရမိ

မိုင္းေမာ (ႀတိဂံနယ္ေျမ)
.
ရွမ္းျပည္နယ္အေရွ႕ပိုင္း၊ တာခ်ီလိတ္ၿမိဳ႕၊ ေဆခမ္းရပ္ကြက္ႏွင့္ တာေလၿမိဳ႕၊ မိုင္းလင္းေက်းရြာရွိ သတၱဳတူးေဖာ္ေရး ကုမၸဏီဝင္းအတြင္း၌ ဇြန္လ ၂၃ ရက္၊ ညပိုင္းက လက္နက္ခဲယမ္းမ်ားႏွင့္အတူ ဖမ္းဆီးရမိေသာ ထိုင္းႏိုင္ငံသား တစ္ဦးထံမွ ကြင္းဆင္းအရ ေငြက်ပ္ ၆၅၄ သိန္းေက်ာ္ခန္႔တန္ဖိုးရွိ မူးယစ္ေဆးဝါးမ်ား၊ လက္နက္မ်ဳိးစုံ ၁၈ လက္၊ က်ည္မ်ဳိးစုံ ၁၅၄၄ ေတာင့္၊ ေမာ္ေတာ္ယာဥ္ ၆ စီး၊ ဆိုင္ကယ္ ၃ စီး တို႔ကို ဖမ္းဆီးရမိခဲ့ေၾကာင္း သိရသည္။
.
 .
တာခ်ီလိတ္ၿမိဳ႕နယ္၊ ဖန္မင္ ေက်းရြာအုပ္စု၊ မယ္ယန္းပူးေပါင္းစစ္ေဆးေရးဂိတ္၌ လံုၿခံဳေရးတပ္ဖြဲ႕ဝင္မ်ားက စစ္ေဆးေဆာင္ရြက္လ်က္ရွိစဥ္ ဇြန္ ၂၂ ရက္ ညေနပိုင္းတြင္ တာေလ-မုိင္းလင္းမွ တာခ်ီလိတ္သို႔ ထိုင္းႏုိင္ငံသား အႏုခ်ဳိင္းကာတဲ ေမာင္းႏွင္လာသည့္ Super Benelli-300 အမ်ဳိးအစား ဆုိင္ကယ္(လိုင္စင္မဲ့)အား ရပ္ တန္႔စစ္ေဆးရာ ၄င္းထံမွ က်ည္မ်ဳိးစံု ၆၉၇ ေတာင့္၊ ၉ မမက်ည္အိမ္ ႏွစ္ခု၊ အနံ႔ေဆးရည္ပုလင္း ၁၂ ပုလင္းတုိ႔ႏွင့္အတူဖမ္းဆီးရမိခဲ့သည္။
.
ဖမ္းဆီးရမိသူ၏ ထြက္ဆိုခ်က္အရ တာခ်ီလိတ္ၿမိဳ႕၊ ေဆခမ္းရပ္ကြက္ရွိ ပီႏိုင္(ခ)ညီညီႏိုင္၏ ေနအိမ္အား ဇြန္ ၂၃ ရက္ နံနက္ပိုင္း တြင္ လံုၿခံဳေရးတပ္ဖြဲ႕ဝင္မ်ားက ထပ္မံသြားေရာက္စစ္ေဆးရွာေဖြခဲ့ရာ ေနအိမ္အတြင္း၌ ပီႏိုင္(ခ)ညီညီႏိုင္အား မေတြ႕ရဘဲ အိမ္ေစာင့္ ျဖစ္သူ စိုင္းဆုိင္မုိင္း(ခ)ကိုေဇာ္ႏွင့္ စိုင္းဝမ္း(ဘ)ဦးအုိက္ဝမ္းတုိ႔အား ေတြ႕ရွိရၿပီးေနအိမ္အတြင္းမွ ပစၥတိုေသနတ္မ်ဳိးစံု ရွစ္လက္၊ ၉ မမ CAI အမ်ဳိး အစားေသနတ္တစ္လက္၊ အမ္-၂၂ ေသနတ္(မွန္ေျပာင္းပါ)တစ္လက္၊ အိပ္ခ်္ေက-၃၃ ေသနတ္တစ္လက္၊ တစ္လံုးထိုးေသနတ္အတုိတစ္လက္၊ ပိြဳင့္-၂၂ ေသနတ္(မွန္ေျပာင္းပါ) ၂ လက္၊ လက္ေျဖာင့္ေသနတ္တစ္လက္၊ စုစုေပါင္းလက္နက္မ်ဳိးစံု ၁၅ လက္၊ က်ည္မ်ဳိးစံု ၁၄ဝ၆ ေတာင့္၊ က်ည္အိမ္မ်ဳိးစံု ၃၄ ခုႏွင့္ WY စာတန္းပါ စိတ္ၾကြ႐ူးသြပ္ေဆးျပား ၁၄ဝဝ ျပား၊ ဘိန္းျဖဴ ၆၆ဝ ဂရမ္ခန္႔၊ အိုက္စ္ ၂၇၃ ဂရမ္ခန္႔၊ ကဖင္း ၄၇၃ ကီလုိဂရမ္(စုစုေပါင္း ေဒသတန္ဖုိးေငြက်ပ္ ၆၅၄ သိန္းေက်ာ္)၊ လိုင္စင္မဲ့ ေမာ္ေတာ္ယာဥ္ႏွစ္စီး၊ ေမာ္ေတာ္ဆုိင္ကယ္ႏွစ္စီးႏွင့္အတူ ဖမ္းဆီးရမိခဲ့သည္။
.
ဆက္လက္၍ စိုင္းဆုိင္မုိင္း(ခ)ကိုေဇာ္ႏွင့္ စိုင္းဝမ္း(ဘ)ဦးအုိက္ဝမ္းတုိ႔၏ ထြက္ဆိုခ်က္အရ တာေလၿမိဳ႕၊ မုိင္းလင္း (ေရွ႕)အုပ္စု၊ မိုင္းလင္းေက်းရြာရွိ ပီႏို္(ခ)ညီညီႏိုင္၏ ႏိုင္ရတနာေရႊႀတိဂံအမည္ရွိ သတၱဳတူးေဖာ္ေရး ကုမၸဏီဝင္း အတြင္းရွိ ဂိုေဒါင္အား ဆက္လက္စစ္ေဆးရာ အာရ္ ပီဂ်ီ တစ္လက္၊ အမ္-၂၂ ေသနတ္(မွန္ေျပာင္းပါ) တစ္လက္၊ က်ည္မ်ဳိးစံု ၁၃ဝ ေတာင့္၊ က်ည္အိမ္ႏွစ္ခု၊ ေဆးျပား႐ိုက္စက္တစ္လံုး၊ ေဆးျပား႐ိုက္ ရာတြင္အသံုးျပဳေသာ မုိ ၂၈ ေခ်ာင္း၊ ေဆးျပားအေျခာက္ခံပန္း ၃ ခု၊ ဘက္ဟိုးယာဥ္တစ္စီး၊ ေမာ္ေတာ္ယာဥ္ ၃ စီးႏွင့္ ေမာ္ေတာ္ဆုိင္ကယ္ တစ္စီး တုိ႔အားလည္းေကာင္း၊ မီးခံေသတၱာအတြင္းမွ ပိြဳင့္ ၄၅ ေသနတ္ တစ္လက္၊ က်ည္အိမ္ ၂ ခု၊ ၄င္းက်ည္ ၈ ေတာင့္၊ ေရႊထည္မ်ဳိးစုံ ၁၃ မ်ဳိး၊ စုစုေပါင္း အေလးခ်ိန္ ၈၇၅ ဂရမ္ခန္႔၊ ေရႊရည္စိမ္ (အတု)မ်ဳိးစုံ ၁၈ မ်ဳိး၊ ေငြထည္ပစၥည္းမ်ဳိးစုံ ၁၁ မ်ဳိး၊ ပတၱျမားဟု ယူဆရေသာ အနီေရာင္ ေက်ာက္႐ိုင္းမ်ဳိးစုံ ၆ ထုပ္၊ စုစုေပါင္းအေလးခ်ိန္ ၁၂ ဒသမ ၃၉၃၅ ကီလို၊ ေက်ာက္စိမ္းျပား တစ္ခ်ပ္၊ အေလးခ်ိန္ ၂၇၈ ဂရမ္ခန္႔၊ ေရာင္စုံေက်ာက္မ်ဳိးစုံ ၁၂ မ်ဳိး စုစုေပါင္းအပြင့္ေရ ၃ဝဝ ပြင့္၊ ဖုန္း/ဂ်ီပီအက္စ္/အသံဖမ္းစက္/Tablet တစ္လုံးစီ၊ စကားေျပာစက္ ၃ လုံး၊ အိုက္ကြန္အထိုင္စက္ ၂ လုံးတို႔အား လည္းေကာင္းထပ္မံသိမ္းဆည္းရမိခဲ့သည္။
.
အဆိုပါျဖစ္စဥ္တြင္ ပီႏို္(ခ)ညီညီႏိုင္၏ ေနအိမ္ၿခံဝင္းႏွင့္ ၄င္းပိုင္ ႏိုင္ရတနာေရႊႀတိဂံအမည္ရွိ သတၱဳတူးေဖာ္ေရး ကုမၸဏီဝင္းအတြင္း ႏွစ္ေန ရာ၌ သိမ္းဆည္းရမိသည့္ က်ပ္ေငြ ၆၅၄ သိန္းေက်ာ္ခန္႔တန္ဖိုးရွိ မူးယစ္ေဆးဝါးမ်ား၊ လက္နက္မ်ဳိးစုံ ၁၈ လက္၊ က်ည္မ်ဳိးစုံ ၁၅၄၄ ေတာင့္၊ ေမာ္ေတာ္ယာဥ္စုစုေပါင္း ၆ စီး၊ ဆိုင္ကယ္ ၃ စီးတို႔အား သိမ္း ဆည္းရမိသည္။
.
သို႔ျဖစ္၍ မူးယစ္ေဆးဝါး/လက္နက္ခဲယမ္းမ်ားႏွင့္အတူ ဖမ္းဆီးရမိသည့္ စိုင္းဆိုင္မိုင္း(ခ)ကိုေဇာ္(၄၁ ႏွစ္၊ စိုင္းဝမ္း(ခ)အိုက္ဝမ္း (၁၉ ႏွစ္) ႏွင့္ ပီႏိုင္(ခ)ညီညီႏိုင္(ဖမ္းမမိေသး)(၄၃ ႏွစ္)တို႔ ၃ ဦးအား တာခ်ီလိတ္ၿမိဳ႕မရဲစခန္း တြင္ မယ(ပ)၈၇/၂ဝ၁၉၊ မူး/စိတ္ပုဒ္မ ၁၉(က)/၁၆(ခ)/၂၂(ခ)/၂၁ တို႔ျဖင့္ ဇြန္ ၂၃ ရက္ည ၈ နာရီတြင္ အမႈဖြင့္လွစ္ကာ အမႈမွ ကြင္းဆက္တရားခံ ပီႏိုင္း(ခ)ညီညီႏိုင္အား ဖမ္းဆီးရမိေရးအတြက္ ပူးေပါင္းအဖြဲ႕မ်ား ျဖင့္ စုံစမ္းေဖာ္ထုတ္လ်က္ရွိေၾကာင္း သိရသည္။
.
တာချီလိတ်တွင် ထိုင်းနိုင်ငံသားများထံမှ လက်နက်နှင့် မူးယစ်ဆေးဝါးများ ဖမ်းဆီးရမိ
.
မိုင်းမော (တြိဂံနယ်မြေ)
.
ရှမ်းပြည်နယ်အရှေ့ပိုင်း၊ တာချီလိတ်မြို့၊ ဆေခမ်းရပ်ကွက်နှင့် တာလေမြို့၊ မိုင်းလင်းကျေးရွာရှိ သတ္တုတူးဖော်ရေး ကုမ္ပဏီဝင်းအတွင်း၌ ဇွန်လ ၂၃ ရက်၊ ညပိုင်းက လက်နက်ခဲယမ်းများနှင့်အတူ ဖမ်းဆီးရမိသော ထိုင်းနိုင်ငံသား တစ်ဦးထံမှ ကွင်းဆင်းအရ ငွေကျပ် ၆၅၄ သိန်းကျော်ခန့်တန်ဖိုးရှိ မူးယစ်ဆေးဝါးများ၊ လက်နက်မျိုးစုံ ၁၈ လက်၊ ကျည်မျိုးစုံ ၁၅၄၄ တောင့်၊ မော်တော်ယာဉ် ၆ စီး၊ ဆိုင်ကယ် ၃ စီး တို့ကို ဖမ်းဆီးရမိခဲ့ကြောင်း သိရသည်။
.
တာချီလိတ်မြို့နယ်၊ ဖန်မင် ကျေးရွာအုပ်စု၊ မယ်ယန်းပူးပေါင်းစစ်ဆေးရေးဂိတ်၌ လုံခြုံရေးတပ်ဖွဲ့ဝင်များက စစ်ဆေးဆောင်ရွက်လျက်ရှိစဉ် ဇွန် ၂၂ ရက် ညနေပိုင်းတွင် တာလေ-မိုင်းလင်းမှ တာချီလိတ်သို့ ထိုင်းနိုင်ငံသား အနုချိုင်းကာတဲ မောင်းနှင်လာသည့် Super Benelli-300 အမျိုးအစား ဆိုင်ကယ်(လိုင်စင်မဲ့)အား ရပ် တန့်စစ်ဆေးရာ ၄င်းထံမှ ကျည်မျိုးစုံ ၆၉၇ တောင့်၊ ၉ မမကျည်အိမ် နှစ်ခု၊ အနံ့ဆေးရည်ပုလင်း ၁၂ ပုလင်းတို့နှင့်အတူဖမ်းဆီးရမိခဲ့သည်။
.
ဖမ်းဆီးရမိသူ၏ ထွက်ဆိုချက်အရ တာချီလိတ်မြို့၊ ဆေခမ်းရပ်ကွက်ရှိ ပီနိုင်(ခ)ညီညီနိုင်၏ နေအိမ်အား ဇွန် ၂၃ ရက် နံနက်ပိုင်း တွင် လုံခြုံရေးတပ်ဖွဲ့ဝင်များက ထပ်မံသွားရောက်စစ်ဆေးရှာဖွေခဲ့ရာ နေအိမ်အတွင်း၌ ပီနိုင်(ခ)ညီညီနိုင်အား မတွေ့ရဘဲ အိမ်စောင့် ဖြစ်သူ စိုင်းဆိုင်မိုင်း(ခ)ကိုဇော်နှင့် စိုင်းဝမ်း(ဘ)ဦးအိုက်ဝမ်းတို့အား တွေ့ရှိရပြီးနေအိမ်အတွင်းမှ ပစ္စတိုသေနတ်မျိုးစုံ ရှစ်လက်၊ ၉ မမ CAI အမျိုး အစားသေနတ်တစ်လက်၊ အမ်-၂၂ သေနတ်(မှန်ပြောင်းပါ)တစ်လက်၊ အိပ်ချ်ကေ-၃၃ သေနတ်တစ်လက်၊ တစ်လုံးထိုးသေနတ်အတိုတစ်လက်၊ ပွိုင့်-၂၂ သေနတ်(မှန်ပြောင်းပါ) ၂ လက်၊ လက်ဖြောင့်သေနတ်တစ်လက်၊ စုစုပေါင်းလက်နက်မျိုးစုံ ၁၅ လက်၊ ကျည်မျိုးစုံ ၁၄ဝ၆ တောင့်၊ ကျည်အိမ်မျိုးစုံ ၃၄ ခုနှင့် WY စာတန်းပါ စိတ်ကြွရူးသွပ်ဆေးပြား ၁၄ဝဝ ပြား၊ ဘိန်းဖြူ ၆၆ဝ ဂရမ်ခန့်၊ အိုက်စ် ၂၇၃ ဂရမ်ခန့်၊ ကဖင်း ၄၇၃ ကီလိုဂရမ်(စုစုပေါင်း ဒေသတန်ဖိုးငွေကျပ် ၆၅၄ သိန်းကျော်)၊ လိုင်စင်မဲ့ မော်တော်ယာဉ်နှစ်စီး၊ မော်တော်ဆိုင်ကယ်နှစ်စီးနှင့်အတူ ဖမ်းဆီးရမိခဲ့သည်။
.
ဆက်လက်၍ စိုင်းဆိုင်မိုင်း(ခ)ကိုဇော်နှင့် စိုင်းဝမ်း(ဘ)ဦးအိုက်ဝမ်းတို့၏ ထွက်ဆိုချက်အရ တာလေမြို့၊ မိုင်းလင်း (ရှေ့)အုပ်စု၊ မိုင်းလင်းကျေးရွာရှိ ပီနို်(ခ)ညီညီနိုင်၏ နိုင်ရတနာရွှေတြိဂံအမည်ရှိ သတ္တုတူးဖော်ရေး ကုမ္ပဏီဝင်း အတွင်းရှိ ဂိုဒေါင်အား ဆက်လက်စစ်ဆေးရာ အာရ် ပီဂျီ တစ်လက်၊ အမ်-၂၂ သေနတ်(မှန်ပြောင်းပါ) တစ်လက်၊ ကျည်မျိုးစုံ ၁၃ဝ တောင့်၊ ကျည်အိမ်နှစ်ခု၊ ဆေးပြားရိုက်စက်တစ်လုံး၊ ဆေးပြားရိုက် ရာတွင်အသုံးပြုသော မို ၂၈ ချောင်း၊ ဆေးပြားအခြောက်ခံပန်း ၃ ခု၊ ဘက်ဟိုးယာဉ်တစ်စီး၊ မော်တော်ယာဉ် ၃ စီးနှင့် မော်တော်ဆိုင်ကယ် တစ်စီး တို့အားလည်းကောင်း၊ မီးခံသေတ္တာအတွင်းမှ ပွိုင့် ၄၅ သေနတ် တစ်လက်၊ ကျည်အိမ် ၂ ခု၊ ၄င်းကျည် ၈ တောင့်၊ ရွှေထည်မျိုးစုံ ၁၃ မျိုး၊ စုစုပေါင်း အလေးချိန် ၈၇၅ ဂရမ်ခန့်၊ ရွှေရည်စိမ် (အတု)မျိုးစုံ ၁၈ မျိုး၊ ငွေထည်ပစ္စည်းမျိုးစုံ ၁၁ မျိုး၊ ပတ္တမြားဟု ယူဆရသော အနီရောင် ကျောက်ရိုင်းမျိုးစုံ ၆ ထုပ်၊ စုစုပေါင်းအလေးချိန် ၁၂ ဒသမ ၃၉၃၅ ကီလို၊ ကျောက်စိမ်းပြား တစ်ချပ်၊ အလေးချိန် ၂၇၈ ဂရမ်ခန့်၊ ရောင်စုံကျောက်မျိုးစုံ ၁၂ မျိုး စုစုပေါင်းအပွင့်ရေ ၃ဝဝ ပွင့်၊ ဖုန်း/ဂျီပီအက်စ်/အသံဖမ်းစက်/Tablet တစ်လုံးစီ၊ စကားပြောစက် ၃ လုံး၊ အိုက်ကွန်အထိုင်စက် ၂ လုံးတို့အား လည်းကောင်းထပ်မံသိမ်းဆည်းရမိခဲ့သည်။
.
အဆိုပါဖြစ်စဉ်တွင် ပီနို်(ခ)ညီညီနိုင်၏ နေအိမ်ခြံဝင်းနှင့် ၄င်းပိုင် နိုင်ရတနာရွှေတြိဂံအမည်ရှိ သတ္တုတူးဖော်ရေး ကုမ္ပဏီဝင်းအတွင်း နှစ်နေ ရာ၌ သိမ်းဆည်းရမိသည့် ကျပ်ငွေ ၆၅၄ သိန်းကျော်ခန့်တန်ဖိုးရှိ မူးယစ်ဆေးဝါးများ၊ လက်နက်မျိုးစုံ ၁၈ လက်၊ ကျည်မျိုးစုံ ၁၅၄၄ တောင့်၊ မော်တော်ယာဉ်စုစုပေါင်း ၆ စီး၊ ဆိုင်ကယ် ၃ စီးတို့အား သိမ်း ဆည်းရမိသည်။
.
သို့ဖြစ်၍ မူးယစ်ဆေးဝါး/လက်နက်ခဲယမ်းများနှင့်အတူ ဖမ်းဆီးရမိသည့် စိုင်းဆိုင်မိုင်း(ခ)ကိုဇော်(၄၁ နှစ်၊ စိုင်းဝမ်း(ခ)အိုက်ဝမ်း (၁၉ နှစ်) နှင့် ပီနိုင်(ခ)ညီညီနိုင်(ဖမ်းမမိသေး)(၄၃ နှစ်)တို့ ၃ ဦးအား တာချီလိတ်မြို့မရဲစခန်း တွင် မယ(ပ)၈၇/၂ဝ၁၉၊ မူး/စိတ်ပုဒ်မ ၁၉(က)/၁၆(ခ)/၂၂(ခ)/၂၁ တို့ဖြင့် ဇွန် ၂၃ ရက်ည ၈ နာရီတွင် အမှုဖွင့်လှစ်ကာ အမှုမှ ကွင်းဆက်တရားခံ ပီနိုင်း(ခ)ညီညီနိုင်အား ဖမ်းဆီးရမိရေးအတွက် ပူးပေါင်းအဖွဲ့များ ဖြင့် စုံစမ်းဖော်ထုတ်လျက်ရှိကြောင်း သိရသည်။
.

No comments:

Post a Comment

Journal Download

Photo of three cats