တာခ်ီလိတ္၌ ဟိုတယ္လုံၿခဳံေရးဝန္ထမ္း လူငယ္တစ္ဦး ေသနတ္ပစ္ခံရ - Kanbawza Tai News

Kanbawza Tai News

Represent For Shan State, Myanmar

Breaking

Tuesday, May 14, 2019

တာခ်ီလိတ္၌ ဟိုတယ္လုံၿခဳံေရးဝန္ထမ္း လူငယ္တစ္ဦး ေသနတ္ပစ္ခံရ


မိုင္းေမာ (ႀတိဂံနယ္ေျမ)
.
ရွမ္းျပည္နယ္အေရွ႕ပိုင္း၊ တာခ်ီလိတ္ၿမိဳ႕၊ မယ္ေခါင္ရပ္ကြက္၊ ေရႊေျမသာယာေစ်းအနီးတြင္ ေမလ ၁၃ ရက္၊ ေန႔လယ္ပိုင္းက ေမာ္ေတာ္ဆုိင္ကယ္ေနာက္တြင္ စီးနင္းလာသည့္ ဟိုတယ္ဝန္ထမ္း လူငယ္တစ္ဦး ေသနတ္ပစ္ခံရကာ ဒဏ္ရာရရွိခဲ့ေၾကာင္း သိရသည္။
.
.
ဟုိတယ္ဝန္ထမ္း ေအာင္ျပည့္ၿဖိဳး (၂၁ ႏွစ္) သည္ ေမလ ၁၃ ရက္၊ ေန႔လယ္ပိုင္းက သူငယ္ခ်င္း ခ်စ္ေမႊးဦး ေမာင္းႏွင္သည့္ ေမာ္ေတာ္ဆုိင္ကယ္ ေနာက္တြင္ လိုက္ပါလာစဥ္ တာခ်ီလိတ္ၿမိဳ႕၊ မယ္ေခါင္ရပ္ကြက္၊ လားဟူ ေဈးလမ္းအတိုင္း ေတာ့္ေကာ့ဘက္သို႔ ထြက္လာစဥ္ လားဟူေစ်းအေနာက္ လမ္းၾကားအေရာက္ အမည္မသိ အမ်ဳိးသား၊ ခဲေရာင္ရွာထိုးဦးထုပ္ ေဆာင္ထားသူမွ click ဆိုင္ကယ္ျဖင့္ ေနာက္မွ လိုက္ပါလာၿပီး ဆိုင္ ကယ္ေနာက္တြင္ စီးနင္းလိုက္ပါလာသူ ေအာင္ျပည့္ၿဖိဳးအား ေသနတ္အတိုျဖင့္ ေလး/ငါးခ်က္ခန္႔ ပစ္ခတ္ရာ ေအာင္ျပည့္ၿဖိဳး၏ ေနာက္ေက်ာယာဘက္ လက္ ျပင္တြင္ က်ည္ေဖာက္၀င္ဒဏ္ရာ တစ္ခ်က္ႏွင့္ ေရွ႕ရင္အုံအထက္ခ်ဳိင္းစပ္တြင္ က်ည္ေဖာ္ထြက္ဒဏ္ရာ တစ္ခ်က္တို႔ ရရွိခဲ့ေၾကာင္း သိရသည္။
.
“ကၽြန္ေတာ္တုိ႔က ဂိမ္းကူးဖုိ႔ ထြက္လာတာ။ ပထမ ေသနတ္နဲ႔ ၂ ခ်က္ပစ္တယ္။ မထိလိုက္ဘူး။ အဲဒီအခ်ိန္မွာ လမ္းဆံုေရာက္လို႔ ညာဘက္ခ်ိဳးလိုက္တဲ့ အခ်ိန္မွာ ထပ္ပစ္လုိက္တာ အေနာက္က ထိုင္စီးလာတဲ့ ကၽြန္ေတာ့္ သူငယ္ခ်င္းကို ေသနတ္မွန္သြားခဲ့တယ္၊ ပစ္တဲ့လူက အသက္ ၃၀ ေက်ာ္ေလာက္ပဲ။ ဆုိင္ကယ္က Click ဘီးနဲ႔၊ ေသနတ္သံက အက်ယ္ႀကီးပဲ။ နားေတြပါ စူးသြားတယ္။ ကၽြန္ေတာ္တုိ႔ အရင္က ရန္ၿငိႇဳးရန္စလည္းမရွိဘူး။ ဘာျဖစ္လုိ႔ပစ္တာလဲ မသိပါဘူးဟု ေအာင္ျပည့္ၿဖိဳး ႏွင့္အတူ စီးနင္းလာသည့္ ခ်စ္ေမႊးဦးက ေျပာသည္။
.
သို႔ျဖစ္၍ ေမာင္ေအာင္ျပည့္ၿဖိဳး (၂၁ ႏွစ္)၊ ဟိုတယ္ လုံၿခံေရး၀န္ထမ္း ေသနတ္ပစ္ခံရမႈႏွင့္ ပတ္သက္ၿပီး တာခ်ီလိတ္ၿမိဳ႕မရဲစခန္းက (ပ)၂၆၀/၂၀၁၉၊ ရာဇသတ္ႀကီးပုဒ္မ ၃၀၇/၃၂၆ ျဖင့္ အမႈဖြင့္ကာ တရားခံ ဖမ္းဆီးရ မိေရးအတြက္ စစ္ေဆးေဆာင္ရြက္လ်က္ရွိေၾကာင္း သိရသည္။
.
တာချီလိတ်၌ ဟိုတယ်လုံခြုံရေးဝန်ထမ်း လူငယ်တစ်ဦး သေနတ်ပစ်ခံရ
.
မိုင်းမော (တြိဂံနယ်မြေ)
.
ရှမ်းပြည်နယ်အရှေ့ပိုင်း၊ တာချီလိတ်မြို့၊ မယ်ခေါင်ရပ်ကွက်၊ ရွှေမြေသာယာစျေးအနီးတွင် မေလ ၁၃ ရက်၊ နေ့လယ်ပိုင်းက မော်တော်ဆိုင်ကယ်နောက်တွင် စီးနင်းလာသည့် ဟိုတယ်ဝန်ထမ်း လူငယ်တစ်ဦး သေနတ်ပစ်ခံရကာ ဒဏ်ရာရရှိခဲ့ကြောင်း သိရသည်။
.
ဟိုတယ်ဝန်ထမ်း အောင်ပြည့်ဖြိုး (၂၁ နှစ်) သည် မေလ ၁၃ ရက်၊ နေ့လယ်ပိုင်းက သူငယ်ချင်း ချစ်မွှေးဦး မောင်းနှင်သည့် မော်တော်ဆိုင်ကယ် နောက်တွင် လိုက်ပါလာစဉ် တာချီလိတ်မြို့၊ မယ်ခေါင်ရပ်ကွက်၊ လားဟူ ဈေးလမ်းအတိုင်း တော့်ကော့ဘက်သို့ ထွက်လာစဉ် လားဟူစျေးအနောက် လမ်းကြားအရောက် အမည်မသိ အမျိုးသား၊ ခဲရောင်ရှာထိုးဦးထုပ် ဆောင်ထားသူမှ click ဆိုင်ကယ်ဖြင့် နောက်မှ လိုက်ပါလာပြီး ဆိုင် ကယ်နောက်တွင် စီးနင်းလိုက်ပါလာသူ အောင်ပြည့်ဖြိုးအား သေနတ်အတိုဖြင့် လေး/ငါးချက်ခန့် ပစ်ခတ်ရာ အောင်ပြည့်ဖြိုး၏ နောက်ကျောယာဘက် လက် ပြင်တွင် ကျည်ဖောက်ဝင်ဒဏ်ရာ တစ်ချက်နှင့် ရှေ့ရင်အုံအထက်ချိုင်းစပ်တွင် ကျည်ဖော်ထွက်ဒဏ်ရာ တစ်ချက်တို့ ရရှိခဲ့ကြောင်း သိရသည်။
.
“ကျွန်တော်တို့က ဂိမ်းကူးဖို့ ထွက်လာတာ။ ပထမ သေနတ်နဲ့ ၂ ချက်ပစ်တယ်။ မထိလိုက်ဘူး။ အဲဒီအချိန်မှာ လမ်းဆုံရောက်လို့ ညာဘက်ချိုးလိုက်တဲ့ အချိန်မှာ ထပ်ပစ်လိုက်တာ အနောက်က ထိုင်စီးလာတဲ့ ကျွန်တော့် သူငယ်ချင်းကို သေနတ်မှန်သွားခဲ့တယ်၊ ပစ်တဲ့လူက အသက် ၃၀ ကျော်လောက်ပဲ။ ဆိုင်ကယ်က Click ဘီးနဲ့၊ သေနတ်သံက အကျယ်ကြီးပဲ။ နားတွေပါ စူးသွားတယ်။ ကျွန်တော်တို့ အရင်က ရန်ငြိှုးရန်စလည်းမရှိဘူး။ ဘာဖြစ်လို့ပစ်တာလဲ မသိပါဘူး”ဟု အောင်ပြည့်ဖြိုး နှင့်အတူ စီးနင်းလာသည့် ချစ်မွှေးဦးက ပြောသည်။
.
သို့ဖြစ်၍ မောင်အောင်ပြည့်ဖြိုး (၂၁ နှစ်)၊ ဟိုတယ် လုံခြံရေးဝန်ထမ်း သေနတ်ပစ်ခံရမှုနှင့် ပတ်သက်ပြီး တာချီလိတ်မြို့မရဲစခန်းက (ပ)၂၆၀/၂၀၁၉၊ ရာဇသတ်ကြီးပုဒ်မ ၃၀၇/၃၂၆ ဖြင့် အမှုဖွင့်ကာ တရားခံ ဖမ်းဆီးရ မိရေးအတွက် စစ်ဆေးဆောင်ရွက်လျက်ရှိကြောင်း သိရသည်။
.

No comments:

Post a Comment