ရှမ်းပြည်ညီညွတ်ရေးကော်မတီ (CSSU) အလှည့်ကျသဘာပတိတာဝန်ကို SSJAC သို့ လွှဲပြောင်း - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Thursday, March 7, 2019

ရှမ်းပြည်ညီညွတ်ရေးကော်မတီ (CSSU) အလှည့်ကျသဘာပတိတာဝန်ကို SSJAC သို့ လွှဲပြောင်း


မင်းဇော်မင်း
.
ရှမ်းပြည်ညီညွတ်ရေးကော်မတီ (CSSU) အစည်းအဝေးကို တောင်ကြီးမြို့၊ ၄ မိုင်ရှိ ရှမ်းတိုင်းရင်းသားများ ဒီမိုကရက်တစ်ပါတီရုံးတွင် မတ်လ ၅ ရက်မှ ၆ ရက် အထိ ၂ ရက်တိုင်တိုင် ကျင်းပပြုလုပ်ခဲ့ပြီး အဆိုပါ အစည်းအဝေးမှ ၂၀၁၉ ခုနှစ်အတွက် CSSU ၏ အလှည့်ကျ သဘာပတိတာဝန်ကို ရှမ်းပြည် ပူးပေါင်း ဆောင်ရွက်ရေးကော်မတီ (SSJAC) သို့ လွှဲပြောင်းပေးအပ်ခဲ့ကြောင်း သိရသည်။
.
.
“၂၀၁၈ ခုနှစ် အလှည့်ကျသဘာပတိအဖြစ် တာဝန်ထမ်းဆောင်ခဲ့တဲ့ ရှမ်းတိုင်းရင်းသားများ ဒီမိုကရက်တစ်ပါတီ (SNDP) ဥက္ကဌ ဦးစိုင်းအိုက်ပေါင်းကနေ SSJAC ကို လွှဲပြောင်းပေးခဲ့တာဖြစ်ပါတယ်” ဟု ရှမ်းတိုင်းရင်းသားများ ဒီမိုကရက်တစ်ပါတီ တွဲဘက်အတွင်းရေးမှူး ဦးစိုင်းအောင်မြင့်ခိုင်က ပြောသည်။
.
အဆိုပါအစည်းအဝေးသို့ CSSU အဖွဲ့ဝင် ၇ ဖွဲ့ဖြစ်သည့် ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီ၊ ရှမ်းပြည်ပြန်လည်ထူထောင်ရေးကောင်စီ (RCSS)၊ ရှမ်းပြည်တိုးတက်ရေးပါတီ (SSPP)၊ တတ်သိပညာရှင်များအဖွဲ့၊ TYO၊ TYN၊ TYCT (ထိုင်းနိ်ုင်ငံ)တို့မှ ကိုယ်စားလှယ် ၄၂ ဦးတက်ရောက်ခဲ့ပြီး အစည်းအဝေးအပြီး ထုတ်ပြန်ကြေညာ ချက်တွင် ပြည်တွင်း၌ ဖြစ်ပေါ်နေသည့် စစ်ရေးပဋိပက္ခများအား ငြိမ်းချမ်းစွာ ဖြေရှင်းရေး ဦးစားပေးလုပ်ဆောင်ရန်၊ ဖွဲ့စည်းပုံအခြေခံဥပဒေ ပြင်ဆင်ရာတွင် ပြည်သူများလိုလားသည့် ပြင်ဆင်မှု မှန်သမျှကို ပူးပေါင်း ပါဝင်လုပ်ဆောင်ရန် စသည့်အချက်များ ပါဝင်ခဲ့သည်ဟု သိရသည်။
.
၂၀၁၉ ခုနှစ်အတွက် အလှည့်ကျသဘာပတိ တာဝန်ယူရသည့် SSJAC အနေဖြင့် တစ်နှစ်စာ လုပ်ငန်းစဉ်များ ထပ်မံဆွေနွေးအကောင်အထည်ဖော်သွားရန်ရှိကြောင်း သိရသည်။
.
အဆိုပါ ရှမ်းပြည်ပူးပေါင်းဆောင်ရွက်ရေးကော်မတီ (SSJAC) ကို ၁၉၉၆ ခုနှစ်တွင် စတင်ဖွဲ့စည်းခဲ့ခြင်းဖြစ်ပြီး ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)၊ ရှမ်းပြည်တိုးတက်ရေးပါတီ (SSPP)၊ ဆင်ကျော့ ပြည်သူ့စစ် တို့ဖြင့် ပါဝင်ဖွဲ့စည်းထားကြောင်း သိရသည်။
.
ရှမ်းပြည်ညီညွတ်ရေးကော်မတီ (Comette of Shan State Unity-CSSU)ကို ၂၀၁၃ ခုနှစ်တွင် စတင်ဖွဲ့စည်း ခဲ့ပြီး လက်ရှိတွင် ရှမ်းပြည်ပြန်လည်ထူထောင်ရေးကောင်စီ (RCSS)၊ ရှမ်းပြည်တိုးတက်ရေးပါတီ (SSPP)၊ စိန်ကျော့ ပြည်သူ့စစ်၊ နိုင်ငံရေးပါတီများဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီ (SNLD)၊ ရှမ်းတိုင်းရင်း သားများ ဒီမိုကရက်တစ်ပါတီ (SNDP) ၊ ရှမ်းနီပါတီများ၊ ရှမ်းအရှေ့ဖွံ့ဖြိုးတိုးတက်ရေးပါတီ (အိုးစည်)၊ တတ်သိပညာရှင်များ၊ ရှမ်းလူငယ်လူမှုအဖွဲ့အစည်းများဖြင့် ဖွဲ့စည်းထားရှိကာ ရှမ်းပြည်ညီညွတ်ရေးကိစ္စရပ်များကို လုပ်ဆောင်လျက်ရှိကြောင်း သိရသည်။
.

No comments:

Post a Comment

Recent Tube