အသစ် ပြင်ဆင်ကောက်ခံမည့် အခွန်နှုန်းထားအသစ်နှင့် ပတ်သက်၍ ကန့်ကွက်နိုင်ကြောင်း ကျိုင်းတုံစည်ပင်မှ ကြေညာထား - Kanbawza Tai News

Kanbawza Tai News

Represent For Shan State, Myanmar

Breaking

Monday, February 25, 2019

အသစ် ပြင်ဆင်ကောက်ခံမည့် အခွန်နှုန်းထားအသစ်နှင့် ပတ်သက်၍ ကန့်ကွက်နိုင်ကြောင်း ကျိုင်းတုံစည်ပင်မှ ကြေညာထား


ထက်တိုင်းကျော်
.
ရှမ်းပြည်နယ်အရှေ့ပိုင်း၊ ကျိုင်း တုံမြို့နယ်စည်ပင်သာယာရေး နယ် နိမိတ်အတွင်းရှိ စီးပွားရေးလုပ်ငန်း ကြော်ငြာ များနှင့် ပတ်သက်သည့် အခွန်အခများကို ခေတ်ကာလနှင့် လျော်ညီစွာ ပြင်ဆင်သတ်မှတ် ကောက်ခံသွားမည် ဖြစ်သဖြင့် ကန့်ကွက်လိုသူများသည် အကြောင်းပြချက် ခိုင်လုံစွာတင်ပြ၍ ဖေဖော်ဝါရီလ ၂၆ ရက် နောက်ဆုံးထားပြီး ကန့်ကွက်နိုင်ကြောင်း ကျိုင်းတုံမြို့ နယ်စည်ပင်သာယာရေးကော်မတီမှ ဖေဖော်ဝါရီလ ၁၄ ရက်တွင် ထုတ်ပြန် ကြေညာထားကြောင်း သိရသည်။
.
.
အဆိုပါ ကြေညာချက်တွင် ကျိုင်း တုံမြို့နယ်စည်ပင်သာယာရေးကော်မတီမှ စည်းကြပ်ကောက်ခံနေသည့် အခွန်အခများကို ခေတ်ကာလနှင့် လျော်ညီစွာ ပြင်ဆင်စည်းကြပ် ကောက်ခံသွားမည်ဖြစ်ပြီး ကန့်ကွက် လိုသူများသည် ကြော်ငြာပါသည့်နေ့ မှစ၍ ဖေဖော်ဝါရီလ ၂၆ ရက် အတွင်း အထောက်အထား ခိုင်လုံစွာဖြင့် အ ကြောင်းအကျိုး ဖော်ပြ၍ ကန့်ကွက်နိုင်သည်ဟုဖော်ပြပါရှိသည်။
.
ထို့အပြင် သတ်မှတ်ထားသည့် နေ့ရက်အထိ ကန့်ကွက်သူမရှိပါက ၂ဝ၁၉-၂ဝ၂ဝ ဘဏ္ဍာရေးနှစ်မှ စတင်၍ အသစ်ပြင်ဆင်သတ်မှတ်ထားသော နှုန်းထားအသစ်ဖြင့် အခွန်များအား တိုးမြှင့်ကောက်ခံသွားမည်ဖြစ်ကြောင်း ဖော်ပြထားသည်။
.
စီးပွားရေးလုပ်ငန်း ကြော်ငြာ ဆိုင်းဘုတ်များနှင့် ပတ်သက်၍ မူလနှုန်းထားဟောင်းတွင် အမျိုးအစားပေါ်မူတည်၍ ပထမတန်းစား တစ်စတုရန်းပေအတွက် ၁၂ဝဝ ကျပ်၊ ဒုတိယတန်းစား ၉ဝဝ ကျပ်နှင့် တတိယတန်းစား ၆ဝဝ ကျပ် အဖြစ် သတ်မှတ်ထားပြီးနှုန်းထား အသစ်မှာ တစ်စတုရန်းပေ ကြော်ငြာဆိုဒ် အတွက် ပထမတန်းစား ၁၅ဝဝ ကျပ်၊ ဒုတိယတန်းစား ၉ဝဝ ကျပ်နှင့် တတိယတန်းစား ၆ဝဝ ကျပ် ဖြစ် သည်ဟု ကျိုင်းတုံမြို့နယ်စည်ပင် သာယာရေး ကော်မတီမှ ကြေညာထားသည်။
.
ယင်းကဲ့သို့ အခွန်နှုန်းထားများ ပြင်ဆင်ကောက်ခံသွားမည့် အစီအစဉ်နှင့် ပတ်သက်၍ ကျိုင်းတုံမြို့နယ် စည်ပင်သာယာရေးဌာန၊ အခွန်ဌာနစိတ် တာဝန်ခံဒုတိယဦးစီးမှူး ဦး စိုင်းဘုန်းကျော်က ''ထပ်ပြီး ထူးခြားတာ ကတော့ ဟိုအရင်က ကောက်ခံ ခဲ့ဖူးခြင်းမရှိတဲ့ ယာယီစီးပွားရေးလုပ်ငန်း ကြော်ငြာတွေအတွက် တစ်စတုရန်းပေကို ၃ဝဝ ကျပ်နှုန်း ကောက်ခံသွားမယ့် အစီအစဉ်ပါဝင်နေပါတယ်။ ဘာသာရေးနဲ့ လူမှုရေးပရဟိတလုပ်ငန်း ကြော်ငြာ ဆိုရင်တော့ စည်ပင်သာယာရေးကော်မတီကို ကြိုတင်ဆက်သွယ် ညှိနှိုင်းဆောင်ရွက်ဖို့ လိုအပ်မှာဖြစ်ပါတယ်''ဟု ပြောသည်။
.
အသစ်ပြင်ဆင်သတ်မှတ်ထား သည့် အခွန်နှုန်းထားများနှင့် ပတ်သက်၍ ကျိုင်းတုံမြို့နေ ဒေသခံ တိုင်းရင်းသား လုပ်ငန်းရှင်တစ်ဦးဖြစ်သူ ဦးစိုင်းတီက''အစိုးရဆိုတာ ပြည်သူ တွေဆီကနေ ကောက်ခံရရှိတဲ့ အခွန်အခနဲ့ ရပ်တည်ပြီး ဒေသဖွံ့ဖြိုးရေးလုပ် ငန်းတွေ လုပ်ပေးတာနဲ့ ဝန်ထမ်း လစာ၊ စရိတ်တွေ ပေးနေရတာကို သဘော ပေါက်ပါတယ်။ ဒါပေမဲ့ ငွေယိုပေါက်နဲ့ အကျင့်ပျက်ခြစားတာ မျိုးတွေတော့ ကင်းရှင်းဖို့ လိုအပ်မယ်လို့ ထင်ပါတယ်''ဟု ပြောသည်။
.
အခွန်အခ သတ်မှတ်၍ကောက် ခံလျက်ရှိသော စီးပွားရေး လုပ်ငန်း ကြော်ငြာများတွင် ပထမတန်းစား အဖြစ် လမ်းမကြီးများ၏ မျက်နှာစာရှိ Bill Board နှင့် ဈေးဆိုင်များရှိ ကြော်ငြာဆိုင်းဘုတ်များ ပါဝင်ပြီး ဒုတိယတန်းစားမှာ ဖုန်းကုမ္ပဏီများ ကဲ့သို့သော အလတ်စား ကြော်ငြာ များဖြစ်ပြီး သာမန် ကွမ်းယာဆိုင်နှင့် အလားတူနေရာများတွင် ကပ်ထား သော ကြော်ငြာများမှာ တတိယတန်းစားတွင် ပါဝင်ကြောင်း သိရသည်။
.

No comments:

Post a Comment