ပြည်သူ့ဆန္ဒကို အလေးထားကာ - Kanbawza Tai News

Kanbawza Tai News

Represent For Shan State, Myanmar

Breaking

Thursday, February 28, 2019

ပြည်သူ့ဆန္ဒကို အလေးထားကာ


ကမ္ဘောဇတိုင်း
.

ပြီးခဲ့သည့် ဖေဖော်ဝါရီလ ၂၃ ရက်၊ မွန်းလွဲပိုင်းက ရန်ကုန်တိုင်းစစ်ဌာနချုပ်၊ ရတနာသီရိဂေါက်ကလပ်တွင် ဖွဲ့စည်းပုံအခြေခံဥပဒေ ပြင်ဆင်ရေး၊ ပြည်တွင်းငြိမ်းချမ်းရေး စသည့်အရေးကိစ္စများနှင့် ပတ်သက်၍ တပ်မတော်မှ သတင်းစာရှင်းလင်းပွဲတစ်ရပ်ကို ပြုလုပ်ခဲ့ပါသည်။
.
သတင်းစာရှင်းလင်းပွဲတွင် ဖွဲ့စည်းပုံအခြေခံဥပဒေပြင်ဆင်ရေးနှင့် ပတ်သက်၍ မီဒီယာများ၏ မေးမြန်းမှုကို တပ် မတော်ဘက်မှ ပြန်လည်ဖြေကြားရာတွင် ဖွဲ့စည်းပုံ၏ အခြေခံမူ ၄၈ ချက်ရှိပြီး ယင်းအနှစ်သာရများ ပျက်ယွင်းစေ မည့်ကိစ္စကို လက်ခံမည်မဟုတ်ကြောင်း၊ ယင်းဖွဲ့စည်းပုံ အခြေခံဥပဒေမှ သွေဖယ်သွားမည့်ကိစ္စရပ်များကို တပ်မ တော်သားကိုယ်စားလှယ်များမှ ထိန်းသိမ်းရမည့် တာဝန်ရှိကြောင်း ပြောကြားခဲ့ပါသည်။
.
၂ဝဝ၈ ဖွဲ့စည်းပုံအခြေခံဥပဒေ၏ ဖြစ်ပေါ်လာပုံ သမိုင်းကြောင်းကို ပြန်လည်လေ့လာကြည့်သော ၁၉၉ဝ ပြည့် နှစ် ပြည်လုံးကျွတ်အထွေထွေရွေးကောက်ပွဲကျင်းပပြီးနောက် အာဏာသိမ်းစစ်အစိုးရမှ ရွေးကောက်ပွဲအနိုင်ရ အမျိုး သားဒီမိုကရေစီအဖွဲ့ချုပ် ကိုယ်စားလှယ်အများစုပါဝင်သည့် လွှတ်တော်ကိုယ်စားလှယ်များအား အာဏာလွှဲအပ် ခြင်းမပြုဘဲ နိုင်ငံတော်ဖွဲ့စည်းပုံအခြေခံဥပဒေရေးဆွဲရန် တာဝန်ပေးအပ်ကာ အမျိုးသားညီလာခံကို စတင်ကျင်းပခဲ့ ပါသည်။
.
သို့ရာတွင် အကြောင်းအမျိုးမျိုးကြောင့် ၁၉၉၆ ခုနှစ်၌ အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်များ  နုတ်ထွက်သွားခဲ့ပြီးနောက် အမျိုးသားညီလာခံမှာ နှစ်အတန်ကြာ ရပ်တန့်နေခဲ့ရပြီး ၂ဝဝ၄ ခုနှစ်တွင်မှ ပြန်လည် ကျင်းပနိုင်ခဲ့ကာ ဖွဲ့စည်းပုံအခြေခံဥပဒေကို ၂ဝဝ၇ ခုနှစ်တွင် အပြီးသတ်ရေးဆွဲနိုင်ခဲ့သည်။ ထို့နောက် ၂ဝဝ၈ ခုနှစ်၊ မေလအတွင်း ကမ္ဘာကျော် နာဂစ်မုန်တိုင်း၏ဒဏ်ကြောင့် ပြည်သူများ အတိဒုက္ခရောက်နေချိန်တွင် ယင်းဖွဲ့ စည်းပုံအခြေခံဥပဒေကို လူထုဆန္ဒခံယူပွဲပြုလုပ်ကာ အတည်ပြုခဲ့သည်။
.
နိုင်ငံတော်ဖွဲ့စည်းပုံအခြေခံဥပဒေ ဆိုသည်မှာ နိုင်ငံတစ်နိုင်ငံ၏ အသက်သွေးကြောသဖွယ် အရေးပါလှသည့် ဥပဒေတစ်ရပ်ဖြစ်ပြီး နိုင်ငံသားအားလုံးနှင့် သက်ဆိုင်ပါသည်။ ထို့အပြင် ပြောင်းလဲလာသော ခေတ်စနစ် အခြေအနေ အနေအထားအရ ယင်းဖွဲ့စည်းပုံအခြေခံဥပဒေကို ပြင်ဆင်လိုက ပြင်ဆင်နိုင်သည့် အခွင့်အရေးများကိုလည်း ထည့် သွင်းရေးဆွဲထားကြရမြဲဖြစ်သည်။
.
လက်ရှိ မြန်မာနိုင်ငံ၏ ဖွဲ့စည်းပုံအခြေခံဥပဒေကို ပြန်လည်လေ့လာကြည့်မည် ဆိုလျှင် ဖွဲ့စည်းပုံအခြေခံ ဥပဒေ ပြင်ဆင်ခြင်းအခန်း၊ ပုဒ်မ ၄၃၆ တွင် ပြဌာန်းထားချက်များအရ ဥပဒေပါ မည်သည့် ဥပဒေပုဒ်မကိုမဆို ပြင်ဆင်လိုလျှင် အနည်းဆုံး ပြည်ထောင်စုလွှတ်တော်ကိုယ်စားလှယ် အားလုံး၏ ၇၅ ရာခိုင်နှုန်း ထောက်ခံဆန္ဒမဲရရှိရန် လိုအပ်ကြောင်း ပြဌာန်းထားပြီး နိုင်ငံတော်၏ အခြေခံမူ၊ နိုင်ငံတော် ဖွဲ့စည်းတည်ဆောက်ပုံနှင့်၊ နိုင်ငံတော်အကြီး အကဲအပါအဝင် အချို့သောအခန်းများမှ အရေးကြီးသော ဥပဒေပြဌာန်းချက်များကို ပြင်ဆင်ရာတွင် ပြည်ထောင်စုလွှတ်တော် ကိုယ်စားလှယ်အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူလက်ခံပြီးနောက် ပြည်လုံးကျွတ်ဆန္ဒ ခံယူပွဲကျင်းပ၍ ပြင်ဆင်ရမည်ဟု ပြဋ္ဌာန်းဖော်ပြထားပါသည်။ ပြင်ဆင်ရန် ခက်ခဲစေမည့်ပြဌာန်းချက်များဖြစ်သဖြင့် ပြည်သူလူထုများမှလည်း ယင်းပုဒ်မကို ပြင်ဆင်ရေးအတွက် လှုံ့ဆော်ကမ်းပိန်းများ ပြုလုပ်ခဲ့ကြဖူးပါသည်။
.
စစ်တပ်အလိုကျ ရေးဆွဲထားခဲ့သည့် ၂ဝဝ၈ ခုနှစ် ဖွဲ့စည်းပုံအခြေခံဥပဒေသည် ဒီမိုကရေစီစံနှုန်းများနှင့် ကိုက် ညီမှုမရှိသည့်အချက်များကို အများအပြား မြင်တွေ့ရမည်ဖြစ်သည်။ အထူးသဖြင့် လွှတ်တော်နှင့်အစိုးရတွင် တပ်မ တော်သားပါဝင်မှု၊ တိုင်းဒေသကြီး (သို့မဟုတ်) ပြည်နယ်များ၏ အခန်းကဏ္ဍ၊ တိုင်းဒေသကြီး (သို့မဟုတ်) ပြည်နယ် ဝန်ကြီးချုပ် ခန့်ထားရေးတို့အပြင် ကူးပြောင်းရေးကာလ ပြဌာန်းချက်များအခန်း၊ ပုဒ်မ ၄၄၅ ကဲ့သို့ ယခင် နဝတနှင့် နဝတ တာဝန်ရှိသူများကို အကာအကွယ်ပေးထားမှုကလည်း ဝေဖန်စရာတစ်ခု ဖြစ်နေသည်။
.
လက်ရှိ ဖွဲ့စည်းပုံအခြေခံဥပဒေ ပြင်ဆင်ရေးဆောင်ရွက်မှုများနှင့် ပတ်သက်၍ တိုင်းရင်းသားနိုင်ငံရေးပါတီများ ဖြင့် ဖွဲ့စည်းထားသော ညီနောင်တိုင်းရင်းသားပါတီများ ဖက်ဒရေးရှင်း (NLD) ကလည်း တိုင်းဒေသကြီးနှင့် ပြည်နယ် ဝန်ကြီးချုပ်များ ခန့်ထားရေးဆိုင်ရာ ပုဒ်မ ၂၆၁ နှင့် ပတ်သက်၍ သက်ဆိုင်ရာ တိုင်းဒေသကြီးနှင့် ပြည်နယ်လွှတ် တော်ကိုယ်စားလှယ်များက ဝန်ကြီးချုပ်များကို ရွေးချယ်ပိုင်ခွင့်ရှိသည်ဟု ယုံကြည်ကြောင်း သတင်းထုတ်ပြန်ချက် တစ်ရပ်ကို ထုတ်ပြန်ကြေညာခဲ့ပါသည်။
.
မည်သို့ပင်ဆိုစေ အာဏာရပါတီကလည်း ဖွဲ့စည်းပုံအခြေခံကို ပြင်ဆင်လိုကြသည်။ တိုင်းရင်းသားများကလည်း ပြင်ဆင်လိုကြသည်။ တပ်မတော်နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီတို့ကလည်း ဖွဲ့စည်းပုံပြင်ဆင်ရေး ပူးပေါင်းကော်မတီတွင် ပါဝင်ကာ ပူးပေါင်းဆောင်ရွက်လာကြပြီဖြစ်ပါသည်။ ပြည်သူလူထုအများစု လိုလားတောင့် တနေသည့် ဖွဲ့စည်းပုံအခြေခံ ပြင်ဆင်ရေးလမ်းကြောင်းပေါ်သို့ စတင်လျှောက်လှမ်းနေပြီလည်း ဖြစ်ပါသည်။ နိုင်ငံ ရေးပါတီအသီးသီးနှင့် တပ်မတော်သား လွှတ်တော်ကိုယ်စားလှယ်မင်းများအနေဖြင့် ပြည်သူ့မျက်နှာကို ထောက်ကာ၊ ပြည်သူ့ဆန္ဒကို အလေးထားကာ ဖွဲ့စည်းပုံပြင်ဆင်ရေးလုပ်ငန်းစဉ်များကို အောင်အောင်မြင်မြင် လှမ်းလျှောက်ချီတက် နိုင်ပါစေကြောင်း ဆုမွန်ကောင်းတောင်းအပ်ပါသည်။  
.

No comments:

Post a Comment