မြေယာအငြင်းပွားမှု ပြဿနာများကို တောင်သူများနှင့် ထိပ်တိုက်တွေ့ဆုံ ဖြေရှင်းခြင်းသည်သာ ရလဒ်ကောင်း ပေါ်ထွက်မည်ဟု ပဒေသာမိုး အရပ်ဘက်အဖွဲ့အစည်း စီမံကိန်းမန်နေဂျာ ပြောကြား - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Wednesday, February 6, 2019

မြေယာအငြင်းပွားမှု ပြဿနာများကို တောင်သူများနှင့် ထိပ်တိုက်တွေ့ဆုံ ဖြေရှင်းခြင်းသည်သာ ရလဒ်ကောင်း ပေါ်ထွက်မည်ဟု ပဒေသာမိုး အရပ်ဘက်အဖွဲ့အစည်း စီမံကိန်းမန်နေဂျာ ပြောကြား


ထမံသီ
.
လက်ရှိ ဖြေရှင်းနေရဆဲဖြစ်သည့် ဒေသတွင်းမြေယာအငြင်းပွားမှု ပြဿနာများအား သက်ဆိုင်ရာမှ စားပွဲပေါ်ထိုင်၍ ဖြေရှင်းမည့်အစား တောင်သူများနှင့် ထိပ်တိုက်တွေ့ဆုံ ဖြေရှင်းခြင်းသည်သာ ရလဒ်ကောင်း များ ပေါ်ထွက်လာနိုင်မည်ဖြစ်သည်ဟု  ပဒေသာမိုး အရပ်ဘက်လူမှုအဖွဲ့အ စည်း BDM CSO ၏ ဒေသဆိုင်ရာ စီမံကိန်းမန်နေဂျာဖြစ်သူ ဒေါ်ဝင်းသန္တာကျော်က ကမ္ဘောဇတိုင်းသို့ ပြောသည်။
.

.
''အခြေခံဥပဒေ၊ သစ်တော ဥပဒေ၊ လယ်ယာမြေနဲ့ပတ်သက်တဲ့ ဥပဒေပိုင်းတွေက တစ်ခုနဲ့တစ်ခုချိတ်ဆက်မှု အားနည်းတယ်။ မြေပြင်မှာဖြစ်နေတဲ့ ပြဿနာတွေကို အရင်မဖြေရှင်းဘဲ ဥပဒေတွေကို ပြန်ပြင် တာတို့၊ အသစ် ရေးဆွဲတာတို့ လုပ်တယ်။ အဲဒါက တောင်သူတွေအတွက် ပိုမိုဆိုးရွားတဲ့ ရလဒ်တွေကိုဖြစ်စေတယ်။ အစိုးရ၊ သက်ဆိုင်ရာ ဝန်ကြီးဌာန၊ တိုင်း/ပြည်နယ်/ခရိုင်/မြို့နယ် ကအစ ကျေးရွာအဆုံး စားပွဲပေါ်မှာပဲ ရှင်းနေကြတယ်။ တောင်သူတွေကို ပြန်မချပြတော့ တောင်သူဘက်က တို့ပြဿနာတွေကို အလေးမထားဘူးလို့ မြင်ကြပါတယ်။ ဘာဖြစ်ဖြစ် လမ်းပေါ်ထွက် ဆန္ဒဖော်ထုတ်တဲ့ နည်းထက် ပိုကောင်းတဲ့နည်းလမ်းတွေ ရှိတယ်ဆိုတာကို သိစေချင် တယ်။ ဒါကြောင့် ကျွန်မတို့ CSO အဖွဲ့အစည်းက မတူကွဲပြားတဲ့ ကျေးရွာလူထုကြားမှာ ရပ်ရွာလူထု အခြေ ပြု စနစ်ကိုသုံးပြီး အသိပညာ၊ အတတ်ပညာဆိုင်ရာတွေကို သင်တန်း ပေးတယ်။ သူတို့ကိုယ်တိုင် ဦးဆောင် ဖြေရှင်းနိုင်ဖို့၊ သူတို့မှာရှိတဲ့ စွမ်း ဆောင်ရည်တွေ ဖွံ့ဖြိုးတိုးတက်ဖို့နဲ့ နီးစပ်တဲ့လူမှု အသိုင်းအဝိုင်းကို မြှင့် တင်ပေးနိုင်ဖို့ ကူညီနေတာပါ'' ဟု ဒေါ်ဝင်းသန္တာကျော်က ပြောသည်။
.
ပဒေသာမိုး အရပ်ဘက်လူမှု အဖွဲ့အစည်း (Badeidha Moe Civil Society Organization) ကို ၂ဝ၁ဝ ခုနှစ်၊ ဒီဇင်ဘာလ၌ စတင် ဖွဲ့ စည်းခဲ့ပြီး  Joint Peace Fund အဖွဲ့အစည်းနှင့် ပူးပေါင်းကာ ရှမ်း ပြည်နယ်အတွင်း မြေယာပြဿနာ အများဆုံးဖြစ်ပွားသည့် ရှမ်းပြည်နယ် အတွင်းရှိ တောင်ကြီး၊ ရပ်စောက်၊ ကလော၊ အောင်ပန်း၊ သီပေါ၊ နောင်ချိုမြို့များအပြင် ကချင်ပြည် နယ် မြစ်ကြီးနား၊ မွန်ပြည်နယ် မော် လမြိုင်ရှိ စီမံကိန်း ဧရိယာများသို့ သွားရောက်၍ ဒေသခံတောင်သူများ အတွက် မြေယာ၊ ကျန်းမာရေးနှင့် ငြိမ်းချမ်းရေးအမြင်ဖွင့် အသိပညာပေး ခေါင်းစဉ်ဖြင့် လည်းကောင်း၊ ဒေသ တွင်း အစိုးရအကြီးအကဲများ၊ လွှတ် တော် ကိုယ်စားလှယ်များ၊ နိုင်ငံရေး ပါတီများ၊ အရပ်ဘက်လူမှုအဖွဲ့အ စည်းများ၊ သက်ဆိုင်ရာဌာနများနှင့် တွေ့ဆုံ၍ မြေယာဆိုင်ရာနှီးနှော ဖလှယ်ပွဲ ခေါင်းစဉ်တို့ဖြင့်လည်း ကောင်း အသိပညာပေးနှီးနှောဖလှယ် ခြင်း၊ အကြံပြုချက်များရယူခြင်းတို့ ဖြင့် မြေယာအငြင်းပွားမှုပြဿနာ များကို လိုက်လံဖြေရှင်းလျက်ရှိ ကြောင်း သိရသည်။
.
အဆိုပါ ပဒေသာမိုး အရပ်ဘက် လူမှုအဖွဲ့အစည်းကို ရှမ်းပြည်နယ် တောင်ပိုင်း တောင်ကြီးမြို့၊ ကျောင်းကြီးစု ရပ်ကွက်တွင် အခြေစိုက်ရုံး ထားရှိပြီး၊  တောင်ကြီး၊ ရပ်စောက်၊ ကလော၊ အောင်ပန်းမြို့များရှိ စီမံကိန်း ဧရိယာများသို့ ဖွဲ့စည်းပုံ အခြေခံဥပဒေ၊ အမျိုးသားမြေအသုံးချမှု မူဝါဒ၊ ငြိမ်းချမ်းရေး အခြေခံသဘောတရား၊ ၂ဝဝ၈ ခုနှစ် သစ်တောဥပဒေ၊ လိင်နှင့် ကျားမရေးရာ (Gender) အ စရှိသည့် ခေါင်းစဉ်များဖြင့် အသိ ပညာပေးနှီးနှောပွဲများကို ဆက်လက် ဆောင်ရွက်သွားမည်ဖြစ်ကြောင်း သိရသည်။
.

No comments:

Post a Comment

Recent Tube