တောင်ကြီးမြို့၊ ရွှေမုဋ္ဌောဘုရားအတက်လမ်းတွင် ဒဏ်ရာများဖြင့် သေဆုံးနေသည့် သံဃာတော် ၂ ပါး တွေ့ရှိ - Kanbawza Tai News

Kanbawza Tai News

Represent For Shan State, Myanmar

Breaking

Monday, February 25, 2019

တောင်ကြီးမြို့၊ ရွှေမုဋ္ဌောဘုရားအတက်လမ်းတွင် ဒဏ်ရာများဖြင့် သေဆုံးနေသည့် သံဃာတော် ၂ ပါး တွေ့ရှိ


ကမ္ဘောဇတိုင်း
.
ရှမ်းပြည်နယ်တောင်ပိုင်း၊ တောင်ကြီးမြို့၊ သစ်တောရပ်ကွက်၊ တက္ကသိုလ်မီးပွိုင့်အနီး၊ ရွှေမုဋ္ဌောဘုရားအတက် စောင်းတန်းတွင် ယနေ့ ဖေဖော်ဝါရီလ ၂၅ ရက်၊ နံနက်ပိုင်းက ဦးခေါင်းပေါက်ပြဲဒဏ်ရာ များဖြင့် သေဆုံးနေသည့် သံဃာတော် ၂ ပါးအား တွေ့ရှိခဲ့ကြောင်း သိရသည်။
.
.
တောင်ကြီးမြို့၊ ရွှေမုဋ္ဌောကျောင်းတိုက်မှ ဆရာတော် ဦးအင်ဂုရသည် ဆွမ်းခံကြွလာစဉ် အဆိုပါ သံဃာတော် ၂ ပါးအား ဒဏ်ရာများဖြင့် လဲကျသေဆုံးနေသည်ကို တွေ့ရှိရသဖြင့် သက်ဆိုင်ရာသို့ အကြောင်းကြားခဲ့ရာ တောင်ကြီး ခရိုင်ရဲတပ်ဖွဲ့မှူး၊ ဒုတိယရဲမှူးကြီး ခင်မောင်ဦး၊ တောင်ကြီးမြို့နယ်ရဲတပ်ဖွဲ့မှူး ရဲမှူးမောင်မောင်နိုင်၊ မှုခင်းရဲတပ်ဖွဲ့မှ ရဲမှူး လှချို၊ သတင်းရဲတပ်ဖွဲ့မှ ရဲအုပ်မောင်မောင်စိုးနှင့် ရဲတပ်ဖွဲ့ဝင်များ၊ သက်ဆိုင်ရာ တာဝန်ရှိသူများမှ အခင်းဖြစ်ရပ် အား စစ်ဆေးဆောင်ရွက်လျက်ရှိကြောင်း သိရသည်။
.
အဆိုပါ သေဆုံးနေသည့် သံဃာတော် ၂ ပါးသည် ရွှေမုဋ္ဌောကျောင်းတိုက်ုမှ သံဃာများ မဟုတ်ဘဲ အခင်းဖြစ်ရာ နေရာအနီးသို့ ၂၀၁၉ ခုနှစ်၊ ဖေဖော်ဝါရီလဆန်းတွင် ရောက်ရှိလာပြီး ယာယီရွက်ဖျင်တဲထိုးကာ နေထိုင်လျက် ရှိသည့် အာဂန္တုသံဃာများ ဖြစ်နိုင်ကြောင်း ကနဦး သိရှိရသည်။
.

No comments:

Post a Comment