ပြည်သူများအနေဖြင့် မြေယာဝယ်ယူရာတွင် မြေယာနှင့်ပတ်သက်သည့် အသိပညာ အားနည်းနေဟု ဆို - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Thursday, January 3, 2019

ပြည်သူများအနေဖြင့် မြေယာဝယ်ယူရာတွင် မြေယာနှင့်ပတ်သက်သည့် အသိပညာ အားနည်းနေဟု ဆို



ရဲရင့်ဇွဲ
.
ရှမ်းပြည်နယ်တောင်ပိုင်း၊တောင် ကြီးမြို့ပေါ်ရှိ ပြည်သူများအနေဖြင့် မြေယာဝယ်ယူရာတွင် အသိပညာ အားနည်းနေသည်ဟု တောင်ကြီးမြို့ နယ် ဒုတိယ အုပ်ချုပ်ရေးမှူး ဦးအောင်စိုးက ပြောကြားခဲ့သည်။
.
.
''ကျွန်တော်တို့ မြို့နယ်ထဲမှာမြေ ယာရောင်းဝယ်မှုတွေကို ကြည့်မယ်ဆို ရင် ပြည်သူတွေ အနေနဲ့ အသိပညာ အားနည်းနေပြီး လွဲမှားစွာ ရောင်း ဝယ်နေတဲ့ အခြေအနေတွေကြောင့် ပြည်သူတွေ ထိခိုက်နစ်နာနေရတာ တွေ ရှိပါတယ်။ အစိုးရပိုင်မြေတွေ ပေါ်မှာ နည်းမျိုးစုံနဲ့ ပိုင်ဆိုင်မှုဖြစ် အောင် လုပ်ယူပြီး တဆင့်ပြန်ရောင်း ကြတာတွေ ရှိပါတယ်။ အစိုးရကနေ ပြီး ဒေသန္တရဖွံ့ဖြိုးရေး ကိစ္စတွေ လုပ် တဲ့အခါမှာ ဝယ်ယူထားတဲ့ ပြည်သူ တွေ အနေနဲ့ နစ်နာရတယ်။ ဒါကြောင့် ပြည်သူတွေအနေနဲ့မြေယာ ဝယ်ယူ မယ်ဆိုရင် သက်ဆိုင်ရာ အုပ်ချုပ်ရေး မှူးတွေဆီမှာ သေချာမေးမြန်းလေ့ လာကြပါ။ ဒါ့အပြင် သက်ဆိုင်ရာ လယ်ယာမြေ စီမံခန့်ခွဲရေးနဲ့ စာရင်း အင်း ဦးစီးဌာနတွေမှာ စုံစမ်းပြီးမှ ဝယ်ယူကြပါလို့ ပြောချင်ပါတယ်''ဟု ဦးအောင်စိုးက ပြောသည်။
.
တောင်ကြီးမြို့၊ ကံကြီးရပ်ကွက်၊ တောင်ကြီး-ဟိုပုံး ကားလမ်းဘေး၊ မြန်မာ့လျှပ်စစ်ဓာတ်အား ဖြန့်ဖြူးရေး လုပ်ငန်းရုံး မြောက်ဘက်ရှိ အစိုးရစီမံ ခန့်ခွဲပိုင်ခွင့် ရှိသော မြေနေရာတွင် တရားမဝင် မြေကွက်ရောင်းဝယ်ကာ ခြံစည်းရိုး ကာရံထားမှုများကြောင့် ဖယ်ရှားပေးရန် ပြီးခဲ့သည့် ဒီဇင်ဘာ လ ၃ ရက်က တောင်ကြီးခရိုင် အ ထွေထွေ အုပ်ချုပ်ရေး ဦးစီးဌာနမှအ ကြောင်းကြားစာ ပေးပို့ခဲ့ရာ ဝယ်ယူ ထားသူများကိုယ်တိုင် ခြံစည်းရိုးကာရံ ထားသော သံဆူးကြိုးများအား ရှင်း လင်းဖယ်ရှားပေးခဲ့ရကြောင်း သိရ သည်။
.
ထို့အပြင် တောင်ကြီးမြို့ပေါ်ရှိ မြေနေရာအားလုံးကို စည်ပင်သာယာ ရေး နယ်နိမိတ်အတွင်းသို့ ထည့်သွင်း နိုင်ရန်အတွက် စတင်ကြိုးပမ်းဆောင် ရွက်လျက်ရှိပြီး သက်ဆိုင်ရာ ရပ် ကွက်အတွင်းရှိ နယ်မြေများကို မြို့ မြေအဖြစ် ပြောင်းလဲသည့် အခြေအ နေများတွင် မြို့မြေအတွင်း မပါရှိခြင်း၊ ကွက်စိတ်မတိုင်းတာနိုင်ခြင်း စသည့် အခက်အခဲ အရှုပ်အရှင်းများ ရှိနေ ပြီး ယင်းကဲ့သို့ မြို့မြေအဖြစ် သတ် မှတ်နိုင်ရေးအတွက် လယ်ယာမြေစီမံ ခန့်ခွဲရေးနှင့် စာရင်းအင်း ဦးစီးဌာနမှ ဆောင်ရွက်လျက်ရှိကြောင်း သိရသည်။
.

Recent Tube