စာများများ ဖတ်ကြစို့ - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Wednesday, January 30, 2019

စာများများ ဖတ်ကြစို့



ကမ္ဘောဇတိုင်း
.
ယနေ့ ၂၁ ရာစု၏ နည်းပညာခေတ်တွင် ရှင်သန်နေထိုင်ကြသော လူသားများ အားလုံးတို့သည် အနည်းနှင့် အများဆိုသလို နည်းပညာတော်လှန်ရေးခေတ်၏ ရိုက်ခတ်မှုဒဏ်ကို ခံစားကြရစမြဲ ဖြစ်သည်။ ထိုဒဏ်ကို ခံစားရသော နိုင်ငံများအနက် သေချာစေ့ငုံစွာ သုံးသပ်ကြည့်ပါက ဖွံ့ဖြိုးပြီး နိုင်ငံများထက် ဖွံ့ဖြိုးဆဲနိုင်ငံများတွင် ပိုမိုခံစားရသည်ကို မြင်တွေ့ရမည် ဖြစ်ပေသည်။
.
တစ်နေ့တစ်ခြား ကျဉ်းမြောင်းလာသော ကမ္ဘာ့ရွာဖြစ်စဉ်ကြီးအရ ကမ္ဘာ့အရှေ့ခြမ်း၊ အနောက်ခြမ်း နည်းပညာများ၊ ယဉ်ကျေးမှုများသည် ကူးစက်ရောနှောလာပြီး ကောင်းကျိုး ဆိုးပြစ်များကို ကြုံတွေ့ခံစားလာရသည်။ အမျိုးသားရေး ကိုယ်ခံ အားနည်းသော နိုင်ငံများတွင် ကိုယ်ပိုင်စာပေ၊ ကိုယ်ပိုင်ယဉ်ကျေးမှုများ ဆိတ်သုဉ်းပျောက်ကွယ်လာရသည်။
.
ကမ္ဘာ့နိုင်ငံအသီးသီးရှိ လူမျိုးစု အားလုံးလိုတွင် ကိုယ်ပိုင်ဘာသာစကားနှင့် စာပေယဉ်ကျေးမှုများ ရှိကြပါသည်။ သို့သော် ယနေ့ကမ္ဘာတွင် ယင်းဘာသာစာပေအချို့သည် တဖြည်းဖြည်း တိမ်မြုပ်ပျောက်ကွယ်လာနေသည်ကို တွေ့ရ မည်လည်း ဖြစ်သည်။
.
တစ်နေ့တစ်ခြား တိုးတက်များပြားလာသော အိုင်တီနည်းပညာ အသုံးအဆောင်ပစ္စည်းများက လူသားတို့၏ နေ့စဉ်လူနေမှုဘဝထဲကို စိုးမိုးချယ်လှယ်လာသည်။ အသိပညာ၊ အတတ်ပညာ၊ သုတ၊ ရသစာအုပ်စာပေများကို လူအများစု ဖတ်ရှုရကောင်းမှန်း မသိကြတော့ပေ။ လူမှုကွန်ရက်လို နေရာများတွင်သာ အချိန်ကုန်နေကြသည်။
.
ယနေ့ခေတ် လူအများစုသည် စာဖတ်စွမ်းရည် အလွန်နိမ့်လာပါသည်။ နိုင်ငံတစ်နိုင်ငံတွင် စာမဖတ်သူ များ ပြားလာလျှင်၊ စာပေဗဟုသုတ နည်းပါးလာလျှင် ထိုနိုင်ငံသည် မုချမသွေ ကမ္ဘာ့အလယ်တွင် နောက်ကျကျန်ရစ်ခဲ့မည် မှာ အမှန်ပင်ဖြစ်သည်။ လူငယ်များ စာမဖတ်ကြခြင်းက တိုင်းပြည်၏ အနာဂတ်အတွက် အလွန်စိုးရိမ်ဖွယ်ရာ ဖြစ်ပါ သည်။
.
စာမဖတ်ကြခြင်း၏ အကြောင်းများတွင် စာကြည့်တိုက်များ မရှိခြင်း၊ စာကြည့်တိုက် ရှိသော်လည်း လုပ်ငန်း လည်ပတ်နိုင်မှု မရှိခြင်း စသည့် အကြောင်းများကလည်း တစ်ထောင့်တစ်နေရာမှ ပါဝင်နေပါသည်။ အခြေခံပညာ ကျောင်းများတွင် စာကြည့်တိုက်များကို ထည့်သွင်း တည်ဆောက်ပေးထားသော်လည်း ယင်းစာကြည့်တိုက်များကို ကျောင်းသားများ ဝင်ခွင့် မရခဲ့ဘဲ လူကြီးလာသည့်အချိန်မှသာ ဟန်ပြသဘောမျိုး ဖွင့်လှစ်ပြသခြင်း (င်္သမှ့သတ) များကိုလည်း အချို့သော ကျောင်းများတွင် တွေ့မြင်နေရသည်။ ရပ်ရွာစာကြည့်တိုက်များမှာလည်း ထိန်းသိမ်းစောင့် ရှောက်မည့်သူ မရှိသည့်အတွက် ရေရှည်ရပ်တည်နိုင်ခြင်းမရှိဘဲ လုပ်ငန်းရပ်တန့်နေခြင်းများလည်း ရှိနေပါသည်။
.
စာအုပ်စာပေ လူ့မိတ်ဆွေဟု ဆိုရာဝယ် ယင်းလူ့မိတ်ဆွေသည် လူထု၏ လက်တစ်ကမ်းတွင် ရှိနေရန်မှာလည်း လွန်စွာမှ အရေးကြီးလှပါသည်။ စာအုပ်ဈေး ခေါင်ခိုက်နေသည့် ယနေ့ခေတ်အချိန်တွင် သာမန် တစ်နေ့လုပ် တစ် နေ့စား အလုပ်သမားများ မဆိုထားဘိ ပုံမှန်လစာဝင်ငွေရရှိနေသော အစိုးရဝန်ထမ်းတစ်ဦးပင်လျှင် စာအုပ် တစ် အုပ်ဝယ်ယူရန် များစွာချင့်ချိန်တွက်ချက်နေရပါသည်။ ထို့ကြောင့် လူထုနှင့် စာအုပ်စာပေတို့ နီးစပ်နိုင်ရေးမှာ စာ ကြည့်တိုက်များ၏ အခန်းကဏ္ဍသည် လွန်စွာမှ အရေးပါအရာရောက်သည်ကို သိရှိနိုင်မည်ဖြစ်သည်။
.
လူတိုင်းအတွက် လိုအပ်ချက်ဖြစ်သော တစ်သက်တာ သင်ယူမှုဆိုင်ရာ အထောက်အကူပြုနိုင်သည့် နေရာ ဌာနမှာ စာကြည့်တိုက်များပင်ဖြစ်သည်။ စာကြည့်တိုက်များတွင် ပညာရှာခြင်းသည် စရိတ်စကနှင့် အချိန်ကို များစွာ သက်သာစေပြီး လွယ်လင့်တကူ လက်လှမ်းမီရှိသည့်အတွက် စာကြည့်တိုက်များကို ဘဝတက္ကသိုလ်ဟုပင် တင်စား ခေါ်ဆိုခြင်းများ ရှိလာကြသည်။ ယင်းဘဝတက္ကသိုလ်များကို မည်သူမဆို တက်ရောက်လေ့လာဆည်းပူးသင့်ပါသည်။
.
ယနေ့အချိန်တွင် လူမှုရေးအသင်းအဖွဲ့များ အပါအဝင် အဖွဲ့အစည်းအသီးသီးမှ ပြည်သူလူထုများ စာဖတ် စေရေးအတွက် တတ်နိုင်သည့် ဘက်မှ အုတ်တစ်ချပ် သဲတစ်ပွင့် ဆောင်ရွက်နေသည်ကိုလည်း ဝမ်းမြောက်ဖွယ် တွေ့မြင်နေရပါသည်။
.
စာဖတ်ခြင်းအလေ့အကျင့်ကို ကလေးငယ်အရွယ်မှ စတင်ကာ မိဘများက ပြုစုပျိုးထောင်ပေးသင့်ပါသည်။ အနာ ဂတ်၏ ခေါင်းဆောင်များဖြစ်သော ယနေ့ ကလေးသူငယ်၊ လူငယ်များ စာဖတ်ကြမှာသာ အနာဂတ်တွင် တိုင်းပြည်အ ကျိုးကို ကောင်းစွာသယ်ပိုးထမ်းရွက်နိုင်မည်ဖြစ်ပါသည်။ တိုင်းပြည်အနာဂတ်လှပဖို့ စာများများဖတ်ကြပါစို့ဟု ဆန္ဒ ပြုတိုက်တွန်းလိုက်ရပါသည်။
.

No comments:

Post a Comment

Recent Tube