၇၁ နှစ်မြောက် လွတ်လပ်ရေးနေ့မှသည် - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Wednesday, January 2, 2019

၇၁ နှစ်မြောက် လွတ်လပ်ရေးနေ့မှသည်



ကမ္ဘောဇတိုင်း
.
၂ဝ၁၉ ခုနှစ်၊ ဇန်နဝါရီလ ၄ ရက်ဆိုလျှင် မြန်မာနိုင်ငံ လွတ်လပ်ရေး ရရှိခဲ့သည်မှာ ၇၁ နှစ် ပြည့်မြောက်ခဲ့ပြီဖြစ်သည်။ နယ်ချဲ့အင်္ဂလိပ်တို့မှ ၁၈၂၄ ခုနှစ်တွင် တစ်ကြိမ်၊ ၁၈၅၃ ခုနှစ်တွင် တစ်ကြိမ်၊ ၁၈၈၅ ခုနှစ်တွင် တစ်ကြိမ် စသည်ဖြင့် မြန်မာနိုင်ငံကို ကျူးကျော်စစ်ပွဲ ဆင်နွှဲကာ မတရားသိမ်းယူခဲ့ခြင်းကြောင့် မြန်မာနိုင်ငံသည် လွတ်လပ်ရေး ဆုံးရှုံးခဲ့ရသည်။
.
ယင်းကဲ့သို့ မြန်မာနိုင်ငံအား ကျွန်ပြုအုပ်ချုပ်ခဲ့သည့် နယ်ချဲ့အင်္ဂလိပ်တို့ကို မြန်မာတိုင်းရင်းသားများမှ ရရာလက် နက်စွဲကိုင်၍ တွန်းလှန်တိုက်ခိုက်ခဲ့ကြသော်လည်း လူအင်အား၊ လက်နက်အင်အား မမျှတမှုကြောင့် အချည်းအနှီးသာ ဖြစ်ခဲ့ရသည်။ ဗိုလ်ချုပ်အောင်ဆန်းနှင့်တကွ အမျိုးသားခေါင်းဆောင်ကြီးများ၏ ကြိုးပမ်းအားထုတ်မှုကြောင့် ၁၉၄၈ ခုနှစ်၊ ဇန်နဝါရီလ ၄ ရက်တွင် မြန်မာနိုင်ငံသည် လွတ်လပ်သော အချုပ်အခြာအာဏာပိုင် နိုင်ငံတစ်ခုအဖြစ် လွတ်လပ်ရေးပြန်လည်ရရှိခဲ့သည်။
.
၁၉၄၇ ခုနှစ်၊ ဒီဇင်ဘာ ၁ဝ ရက်တွင် ဗြိတိသျှပါလီမန်က မြန်မာနိုင်ငံလွတ်လပ်ရေး ဥပဒေကြမ်းကို မဲခွဲဆုံးဖြတ်ခဲ့ရာ ၂၂၈ မဲ၊ ၁၁၄ မဲဖြင့် အတည်ပြုနိုင်ခဲ့ပြီး ၁၉၄၈ ခုနှစ်၊ ဇန်နဝါရီလ ၄ ရက်တွင် မြန်မာနိုင်ငံသည် လွတ်လပ်သော အချုပ်အခြာအာဏာပိုင်နိုင်ငံအဖြစ် ဗြိတိသျှတို့ထံမှ လွတ်လပ်ရေးရယူနိုင်ခဲ့ခြင်း ဖြစ်သည်။
.
ယခုအခါ လွတ်လပ်ရေးရရှိခဲ့သည်မှာ ဆယ်စုနှစ် ၇ ခုကျော်ကာလတိုင် ရောက်ရှိလာပြီဖြစ်သော်လည်း မြန်မာ နိုင်ငံတွင် လွတ်လပ်ရေးနှင့်အတူ ဖွားဖက်တော်အဖြစ် ပါဝင်လာခဲ့သည့် ပြည်တွင်းစစ်မီးမှာ တောက်လောင်နေဆဲဖြစ် သည်။ ဖက်ဒရယ်ဒီမိုကရေစီပြည်ထောင်စုဟူသော ရည်ရွယ်ချက်ပန်းတိုင်ချင်း တူညီကြသော်လည်း ချဉ်းကပ်ပုံ နည်းလမ်းအမျိုးမျိုး၊ ဝိဝါဒအမျိုးမျိုး ကွဲပြားမှုကြောင့် ပြည်တွင်းစစ်မီးသည် သက်ဆိုးရှည်နေဆဲ ဖြစ်သည်။
.
ယခုနှစ်တွင် ကျရောက်မည့် (၇၁) နှစ်မြောက် လွတ်လပ်ရေးနေ့တွင် ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးတို့အတွက် တိုင်းရင်းသားအားလုံး စုပေါင်းအင်အားဖြင့် ကာကွယ်စောင့်ရှောက်ရေး၊ ဒီမိုကရေစီဖက်ဒရယ်ပြည်ထောင်စု ဖြစ်ပေါ်ရေးအတွက် ဒီမိုကရေ စီ စံချိန်စံညွှန်းများနှင့်အညီ နိုင်ငံတော်နှင့် သင့်လျော်သည့် ဖွဲ့စည်းပုံအခြေခံ ဥပဒေတစ်ရပ်ပေါ်ပေါက်ရန် ကြိုး ပမ်းဆောင်ရွက်ရေး၊ နိုင်ငံသူ၊ နိုင်ငံသားများ၏ ကျန်းမာရေးနှင့် အကျင့်စာရိတ္တကို ထိခိုက်ပျက်ပြားစေသည့် မူး ယစ်ဆေးဝါး သုံးစွဲမှုများကို ထိရောက်စွာ တားဆီးကာကွယ်ရေး၊ တိုင်းဒေသကြီးနှင့် ပြည်နယ်များအလိုက်ဘက် ညီမျှတစွာ ဖွံ့ဖြိုးတိုးတက်လာစေရေးအတွက် စဉ်ဆက်မပြတ် အလေးထား ဆောင်ရွက်ရေး၊ ဈေးကွက်စီးပွားရေးစနစ် ပီပြင်စွာ ဖြစ်ပေါ်ရေးနှင့် ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်၏ ကြိုးပမ်းဆောင်ရွက်ချက်များကို ဘက်ပေါင်းစုံမှ ကူညီပံ့ပိုးရေး စသည့် အမျိုးသားရေးဦးတည်ချက်များဖြင့် ကျင်းပသွားမည်ဟု သိရပါသည်။
.
ယင်းကဲ့သို့ ကောင်းမွန်သော အမျိုးသားရေးဦးတည်ချက်များနှင့်အတူ ကျင်းပမည့် (၇၁) နှစ်မြောက် လွတ်လပ် ရေးနေ့ အခါသမယမှသည် နှစ်ပေါင်းရာထောင်တိုင် ပြည်ထောင်စုကြီး အဓွန့်ရှည် တည်တံ့ကာ ထာဝရငြိမ်းချမ်းရေး အမြန်ဆုံး ရရှိနိုင်ပါစေကြောင်း ဆုမွန်ကောင်း တောင်းအပ်ပါသည်။
.

Recent Tube