ဓနုအမျိုးသားနေ့ကို ရွာငံမြို့၌ ပထမဆုံးအကြိမ်အဖြစ် ကျင်းပပြုလုပ်

ရဲရင့်ဇွဲ၊ ကမ္ဘောဇတိုင်း

.

ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်တွင် ဓနုတိုင်းရင်းသားရေးရာအဖွဲ့ချုပ် ၈ မြို့နယ်၏ ဆုံးဖြတ်ချက်အရ ပထမဆုံး အကြိမ်အဖြစ် ဓနုအမျိုးသားနေ့ကို ဒီဇင်ဘာလ ၁၅ ရက်၊ နံနက်ပိုင်းက စည်ကားသိုက်မြိုက်စွာ ကျင်းပပြုလုပ်ခဲ့ကြောင်း သိရသည်။

.

 

.

အဆိုပါ အခမ်းအနားတွင် ဓနုအမျိုးသားအလံတော်အား လွှင့်တင်ခြင်း၊ ဆရာတော်၊ သံဃာတော်များအား ဆွမ်းဆက်ကပ်လှူဒါန်းခြင်း၊ ဓနုတိုင်းရင်းသားရိုးရာ ယဉ်ကျေးမှုပြပွဲ၊ ဒေသထွက်ကုန်ပြပွဲ၊ ခရီးသွားလုပ်ငန်းပြပွဲများ ထည့်သွင်းကျင်းပခဲ့ကြောင်း သိရသည်။

.

ထို့အပြင် ဒီဇင်ဘာလ ၁၃ ရက်နှင့် ၁၄ ရက်များကလည်း ဓနုအမျိုးသားနေ့ အကြိုအဖြစ် ဓနုရိုးရာအကပြိုင်ပွဲ၊ ပိုက်ကျော်ခြင်းပြိုင်ပွဲ၊ ခေါင်းအုံးရိုက်ပြိုင်ပွဲ ချောတိုင်တက်ပြိုင်ပွဲများနှင့် ပျော်ပွဲရွှင်ပွဲအဖြစ် ကလေးကစားကွင်းများ၊ ဓနုဗြောတီးဝိုင်း၊ ဓနုအိုးစည်တီးဝိုင်း၊ ဓနုတေးဂီတဝိုင်းများဖြင့် ဖျော်ဖြေတင်ဆက်ခြင်း အပြင် စတုဒိသာ ကျွေးမွေးခြင်းများဖြင့် ကျင်းပပြုလုပ်ခဲ့ပြီး  စာအောင် ဓနုသံဃာတော်များ/သီလရှင်များ၊ တက္ကသိုလ်ဝင်တန်းအောင် ဘာသာစုံ ဂုဏ်ထူးရ ဓနုကျောင်းသား/သူများ၊ ပြိုင်ပွဲအသီးသီးတွင် ဆုရရှိခဲ့သည့် ဓနုတိုင်းရင်းသား ကျောင်းသား/သူများအား ဆုများ ပေးအပ်ချီးမြှင့်ခဲ့ကြောင်း သိရသည်။

.

အဆိုပါ ဓနုအမျိုးသားနေ့ကို ဓနုတိုင်းရင်းသားများ စည်းလုံးညီညွှတ်မှုရှိစေရန်၊ ဓနုတိုင်းရင်းသားရိုးရာယဉ်ကျေးမှု ဓလေ့စရိုက်များကို ထိန်းသိမ်းတတ်စေရန်၊ ဓနုအမျိုးသားရေးစရိုက် လက္ခဏာများ တိုးတက်လာစေရန်၊ အခြားတိုင်းရင်းသား ညီအစ်ကိုမောင်နှမများနှင့် စည်းလုံးညီညွှတ်စွာ အစဉ်လက်တွဲနေထိုင်ရန်၊ အမျိုးဂုဏ်၊ ဇာတိဂုဏ်မြင့်မားစေရန် စသည့်ရည်ရွယ်ချက်များဖြင့် ကျင်းပပြုလုပ်ရခြင်းဖြစ်ကြောင်း သိရသည်။

.

၂၀၀၈ ခုနှစ်၊ ဖွဲ့စည်းပုံအခြေခံဥပဒေအရ ရှမ်းပြည်နယ်တောင်ပိုင်းအတွင်းရှိ ပင်းတယမြို့နယ်နှင့် ရွာငံမြို့နယ် များကို ဓနုကိုယ်ပိုင်အုပ်ချုပ်ခွင့်ရဒေသအဖြစ် ပြဌာန်းဖော်ပြထားရာ ပြီးခဲ့သည့် ၂၀၁၇ ခုနှစ်က ဓနုအမျိုးသား ညီလာခံကို ပင်းတယမြို့တွင် ကျင်းပပြုလုပ်ခဲ့ပြီးဖြစ်သည့်အတွက် ယခုနှစ်တွင် ရွာငံမြို့၌ ပထမဆုံး အကြိမ် အဖြစ် ကျင်းပပြုလုပ်ခြင်းဖြစ်ကြောင်း သိရသည်။

.

.

.

#KBZTai #Shan