နောင် (မြစ်မခ)/ကမ္ဘောဇတိုင်း
.
ရှမ်းပြည်နယ်မြောက်ပိုင်း၊ သီပေါမြို့နယ်၊ နမ္မတူချောင်းအတွင်း ရေနစ်ပျောက်ဆုံးနေသော
ကိုရီးယားနိုင်ငံသူ အားရှာဖွေရန်အတွက် ဝေဠုကျော်ဖောင်ဒေးရှင်း (မန္တလေး) နှင့်
Mandalay Rescue Drive Team တို့ လာရောက်ပူး ပေါင်းရှာဖွေပေးလျက်ရှိကြောင်း သိရှိရသည်။
.
.
သီပေါမြို့နယ်၊ မိုးတေကျေးရွာအနီးတွင် တောတွင်းခရီးသွားစဉ် နမ္မတူ
ချောင်းအတွင်းရေနစ်ပျောက်ဆုံးနေသော ကိုရီးယားနိုင်ငံသူအား ကိုရီးယားနိုင်ငံမှ ရေငုပ်ကျွမ်းကျင်သူတစ်ဦးနှင့်
နယ်မြေခံ ကယ်ဆယ်ရေးအဖွဲ့များက ရှာဖွေ မှုများ ပြုလုပ်လျက်ရှိရာ ရှာဖွေရေးလုပ်ငန်းစဉ်များတွင်
ဝိုင်းဝန်ကူညီရန်အတွက် ယင်းအဖွဲ့ ၂ ဖွဲ့မှ ဒီဇင်ဘာ ၁၃ ရက် က သီပေါမြို့သို့ ရောက်ရှိလာကြောင်း
သိရသည်။
“သူတို့ ကိုရီးယားနိုင်ငံ မရိန်းတပ်က ရေငုပ်ကျွမ်းကျင်သူ ရောက်ပြီး
ရှာဖွေနေတာကို ကူညီပေးဖို့အတွက် မန္တလေး က အဖွဲ့တွေရောက်လာတာလို့ သိရပါတယ်” ဟု ဒီဇင်ဘာ
၁၄ ရက်၊ နံနက်ပိုင်းတွင် သီပေါမြို့မ ရဲစခန်းမှ ရဲအရာရှိ တစ်ဦးက ပြောသည်။
.
အဆိုပါ နမ္မတူချောင်းအတွင်း နိုဝင်ဘာ ၂၃ ရက်က ဘောကွင်းစီးရာမှ ရေနစ်ပျောက်ဆုံးသွားခဲ့သည့်
ကိုရီးယား နိုင်ငံသူကို ဒေသခံပြည်သူများ၊ လူမှုကယ်ဆယ်ရေးအဖွဲ့များ၊ ကိုရီးယားနိုင်ငံသားရေငုပ်ကျွမ်းကျင်သူများက
ရေငုပ်ပစ္စည်းများဖြင့် ဒီဇင်ဘာ ၈ ရက်မှ စတင်ရှာဖွေနေသော်လည်း ဒီဇင်ဘာ ၁၃ ရက်ထိ ထူးခြားမှု
မရှိသေးကြောင်း သိရသည်။
.
“ဒီနေ့ (ဒီဇင်ဘာ ၁၄ ရက်)မှာကတော့ နယ်မြေအခြေအနေအရ ရှာဖွေရေးခဏရပ်ထားပါတယ်။
ဒေသခံပြည်သူ တွေကလည်း နေ့တိုင်းရှာပေးနေတာပါ။ ဌာနဆိုင်ရာတွေကလည်း ကူညီပေးနေတာတွေ့ရပါတယ်။
အခုကတော့ ကူညီရှာဖွေသူတွေများလာပါတယ်။ ရေစီးအရမ်းသန်ပြီးတော့ အရမ်းနက်တယ်။ အန္တရာယ်အရမ်းများတယ်လို့
ကိုရီးယားနိုင်ငံသားကပြောပါတယ်” ဟု ရေနစ်သူအား ကူညီရှာဖွေပေးသော သီပေါမြို့ ဒေသခံ တစ်ဦးက
ပြောသည်။
.
အဆိုပါ ကိုရီးယားနိုင်ငံသူသည် နိုဝင်ဘာ ၂၁ ရက်တွင် အခြားနိုင်ငံခြားသား
၎ ဦးနှင့်အတူ သီပေါမြို့နယ် မိုးတေ ကျေး ရွာဝန်းကျင်ရှိ တောအတွင်းခရီးသွားရာမှ နိုဝင်ဘာ
၂၃ ရက်တွင် နမ္မတူချောင်းအတွင်း ဘောကွင်းစီးရာမှ ပြုတ် ကျကာ ရေနစ်ပျောက်ဆုံးခဲ့ရခြင်းဖြစ်သည်။
.
.
.
#KBZTai #Shan
