ကျောက်မဲမြို့တွင် နေအိမ် ၂ လုံးမှ ဘိန်းစိမ်းနှင့် စိတ်ကြွရူးသွပ် ဆေးပြားများ ဖမ်းဆီးရမိ

နောင်(မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ ကျောက်မဲမြို့ရပ်ကွက် (၈) ရှိ နေအိမ် ၂ လုံးတွင် ဒီဇင်ဘာလ ၆ ရက်က ဘိန်းစိမ်းနှင့် စိတ်ကြွရူးသွပ် ဆေးပြားများ ဖမ်းဆီးရမိခဲ့ကြောင်း ကျောက်မဲမြို့မ ရဲစခန်းမှ သိရှိရသည်။

.

.

ကျောက်မဲမြို့မ ရဲတပ်ဖွဲ့ဝင်များနှင့် ပူးပေါင်းအဖွဲ့သည် ကျောက်မဲမြို့ရပ်ကွက် (၈) နယ်မြေ (၆)၊ ယက္ကန်းကျောင်း လမ်းရှိ စိုင်းထွန်းအောင် နေအိမ်အား ဝင်ရောက်ရှာဖွေရာမှ အိပ်ခန်းအတွင်း အနက်ရောင် ကြွပ်ကြွပ်အိတ်ဖြင့် ထုပ်ထားပြီး ဘိန်းစိမ်းဟု ယူဆရသော အမည်းရောင်အစေး အလေးချိန် ၃၄ ဒသမ၃၃ ဂရမ်အား တွေ့ရှိဖမ်းဆီးရမိခဲ့ကြောင်း သိရသည်။

.

“မူးယစ်သတင်းအရ ဖမ်းဝရမ်းနဲ့ ဝင်ရောက်ရှာဖွေရာကနေ ဖမ်းမိတာပါ”ဟု ကျောက်မဲမြို့မ ရဲစခန်းမှ တာဝန်ရှိသူ တစ်ဦးက ပြောသည်။

.

အဆိုပါ နေအိမ်အားရှာဖွေပြီးနောက် ဆက်လက်၍ ကျောက်မဲမြို့ ရပ်ကွက် (၈) နယ်မြေ (၈) ယက္ကန်း ကျောင်းလမ်းနေ ကျော်မင်းလတ် (၃၉)နှစ်၏ နေအိမ်အား ဝင်ရောက်ရှာဖွေရာမှ ၎င်းဝတ်ဆင်ထားသော ဘောင်းဘီးအိပ်ကပ်အတွင်းမှ ဖြူဝါရောင်အမှုန့် အလေးချိန် ၀ ဒသမ ၄ ဂရမ်နှင့် စိတ်ကြွရူးသွပ်ဆေးပြား ၈၄ ပြားတို့အား ရှာဖွေတွေ့ရှိခဲ့ကြောင်း သိရသည်။

.

အဆိုပါ ဘိန်းစိမ်းဟုယူဆရသော အမည်းရောင်အစေးများအား သုံးစွဲရောင်းချရန်အတွက် လက်ဝယ်ထားရှိသူ ကျောက်မဲမြို့ ရပ်ကွက် (၈) နယ်မြေ (၆)၊ ယက္ကန်းကျောင်းလမ်းနေ စိုင်းထွန်းအောင် (၄၀)နှစ်အား ကျောက်မဲ မြို့မ ရဲစခန်းမှ မယ(ပ) ၃၅/၂၀၁၈၊ မူးစိတ်ပုဒ်မ- ၁၆(ဂ)နှင့် ကျောက်မဲမြို့ရပ်ကွက် (၈) နယ်မြေ (၈) ယက္ကန်း ကျောင်းလမ်းနေ ကျော်မင်းလတ် (၃၉)နှစ်အား မူးယစ်ဆေးဝါးများနှင့်အတူ သုံးစွဲရောင်းချရန် လက်ဝယ်တွေ့ရှိ သဖြင့် ကျောက်မဲမြို့မ ရဲစခန်းမှ မယ(ပ)၃၆/၂၀၁၈ ၊ မူးစိတ်ပုဒ်မ-၁၉(က)ဖြင့် အမှုဖွင့်အရေးယူထားကြောင်း သိရသည်။

.

.

.

#KBZTai #Shan