ရှမ်းလွှတ်တော်တွင် ပြည်တွင်းစစ်မီး အဆုံးသတ်ရေး မေးခွန်းများ၊ တပ်မတော်နှင့်ပတ်သက်သည်များ မေးမြန်းခွင့် မရဟု ဆို - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Friday, December 28, 2018

ရှမ်းလွှတ်တော်တွင် ပြည်တွင်းစစ်မီး အဆုံးသတ်ရေး မေးခွန်းများ၊ တပ်မတော်နှင့်ပတ်သက်သည်များ မေးမြန်းခွင့် မရဟု ဆို



စိုင်းသိင်္ခသူ၊ ကမ္ဘောဇတိုင်း
.
ရှမ်းပြည်နယ်လွှတ်တော်တွင် ပြည်သူလူထု၏ ဘဝလုံခြုံရေးအတွက် အဓိကလိုအပ်သည့် ပြည်တွင်းစစ်မီး အဆုံးသတ်ရေးနှင့်စပ် လျဉ်းသည့် မေးခွန်းများကို မေးမြန်း နိုင်ရန်တင်ပြခဲ့သော်လည်း တပ်မတော်နှင့် ပတ်သက်သည့်မေးခွန်းများ မေးမြန်းခွင့်မရခဲ့ကြောင်း မိုင်းကိုင် မြို့နယ် မဲဆန္ဒနယ်အမှတ်(၂)မှ ရှမ်းပြည်နယ် လွှတ်တော် ကိုယ်စားလှယ် ဦးစိုင်းလုံက ပြောသည်။
.

.
၂ဝ၁၈ ခုနှစ်၊ ဒီဇင်ဘာလ ၂ဝ ရက်ထုတ် ကမ္ဘောဇတိုင်းသတင်း ဂျာနယ်၏ အတွဲ (၄)၊ အမှတ် (၄၉) မှ အယ်ဒီတာ့အာဘော်တွင် လွှတ်တော်ကိုယ်စားလှယ်များအနေဖြင့် ပြည်သူလူထု၏ ရေ၊ မီး၊ လမ်း၊ တံတား၊ ပညာရေး၊ ကျန်းမာရေး၊ အထွေထွေလိုအပ်ချက်များကို ပြည် သူများကိုယ်စား မေးမြန်းခဲ့ကြသော်လည်း ပြည်တွင်းစစ်မီးကြောင့် အတိဒုက္ခရောက်နေမှုများအား ရပ်ဆိုင်းနိုင်ရန် ပြည်သူများ၏ ဘဝလုံခြုံရေးအတွက် အရေးကြီးသည့် မေးခွန်းများ၊ အဆိုများ မေးမြန်း တင်သွင်းစေလိုကြောင်း ရေးသား ထားမှုအပေါ် ဦးစိုင်းလုံမှ ယင်းကဲ့သို့ ပြန်လည်ပြောကြားခဲ့ခြင်းဖြစ်သည်။
.
''လွှတ်တော်ဥက္ကဌကို တွေ့ပြီး မေးပါတယ်။ ကြယ်ပွင့်ပြပြ၊ မပြပြ ပြည်ထောင်စုနဲ့ပဲဆိုင်တယ်လို့ ရုံးစာ ပြန်ထုတ်ပေး လိုက်တယ်။ လူထုကသိချင်လို့ လူထုအတွက် မေးမြန်းတာကို မေးခွင့်မရဘူးဆိုတော့ လူထုလည်း အဖြေမသိရ သလို မီဒီယာတွေလည်း မသိရတော့ ကိုယ်စားလှယ်တွေ မေး ပါတယ်၊ မေးခွင့်မရဘူးဆိုတာသိစေ ချင်ပါတယ်''ဟု ဦးစိုင်းလုံက ပြော သည်။
.
မိုင်းကိုင်လွှတ်တော်ကိုယ်စား လှယ်ဦးစိုင်းလုံမှ (၁၂) ကြိမ်မြောက် ပုံမှန်အစည်းအဝေးတွင် ကြယ်ပွင့်ပြ မေးခွန်း အနေဖြင့် မေးမြန်းလိုသည့် အချက်များကို လွှတ်တော်ဥက္ကဌထံ တင်ပြခဲ့ရာတွင် တရားခံတစ်ဦးအား ရဲမှ စတင် ဖမ်းဆီးသည့်နေ့မှစ၍ တရားသူကြီး အမိန့်ချမှတ်သည့် နေ့အထိ ချုပ်ရက်ကာလများသည် ကျခံရမည့် ထောင်ဒဏ် ကာလတွင် အကျုံးဝင်သည်ဟု သိရှိထားပါကြောင်းနှင့် အကယ်၍တပ်မတော် စစ်ကြောင်းမှ ကာလရှည်ကြာစွာ ဖမ်းဆီးပြီးမှ ရဲတပ်ဖွဲ့အား လာရောက်အပ်နှံသောအခါ တပ်မတော်စစ်ကြောင်းမှ ဖမ်းဆီးချုပ်နှောင် ထားသည့် ကာလသည် ရဲစခန်းချုပ် ရက်နည်းတူ ကျခံသင့်သော ထောင် ဒဏ်ကာလတွင် အကျုံးဝင်ခြင်း ရှိ မရှိ၊ တပ်မတော်မှ ပြည်သူများအား ရက်အကန့်အသတ်မရှိ ကြာရှည် စွာဖမ်းဆီးချုပ်နှောင်ခွင့် ရှိ/မရှိနှင့် အချိန်ကာလ မည်မျှအထိ ဖမ်း ဆီးချုပ်နှောင်ခွင့်ရှိသည်ကို သိရှိလို ကြောင်း မေးခွန်း မေးမြန်းခဲ့သော်လည်း လွှတ်တော်ဥက္ကဌမှ ရှမ်းပြည်နယ် လွှတ်တော်ဆိုင်ရာ နည်းဥပဒေ ၉၈ တွင် ရှမ်းပြည်နယ်အစိုးရအားမေး မြန်းထားသော မေးခွန်းတစ်ရပ်သည် ရှမ်းပြည်နယ်အစိုးရက ဆောင်ရွက် ရသော အများပြည်သူ ကိစ္စများနှင့် စပ်လျဉ်းစေရမည် သို့မဟုတ် ရှမ်းပြည် နယ်အစိုးရက တာဝန်ခံထားသော အုပ်ချုပ်မှုတစ်ရပ်ရပ်နှင့် သက်ဆိုင် စေရမည်ဟု ပြဌာန်းထားပါသဖြင့် ယင်းမေးခွန်းအား ပြည်ထောင်စုအ ဆင့်တွင်သာ မေးမြန်းသင့်ကြောင်း စာဖြင့် အကြောင်းပြန်ကြားခဲ့သည်ဟု သိရသည်။
.
မိုင်းကိုင်မြို့နယ်တွင် တရားမဝင် စကားပြောစက်ကိုင်ဆောင်မှုဖြင့် နယ်မြေခံတပ်တစ်တပ်မှ ၃ လ ခန့်ချုပ်နှောင် ခဲ့သည့် ဖြစ်စဉ်တွင် အဆိုပါသူအား တည်ဆဲဥပဒေများ အရ အကျိုးခံစားခွင့် ရှိ/မရှိကို အများပြည်သူက သိလိုသဖြင့် ပြည်နယ်လွှတ်တော်တွင် မေးခွန်း မေးမြန်းရန်တင်ပြရခြင်းဖြစ်ကြောင်း၊ မဲဆန္ဒနယ်မြေအတွင်း ဖြစ်ပွားမှုကို ပြည်နယ် အဆင့်အနေဖြင့် တင်ပြခွင့် မရဘဲ ယခုကဲ့သို့ လွှဲပြောင်းမေးရန် လမ်းညွှန်လာခြင်းမျိုးမှာ လူထုအတွက် အဖြေ မရှိသလို၊ လူထုအတွက် လွှတ်တော်ကိုယ်စားလှယ်များ၏ ကြိုး ပမ်းဆောင်ရွက်နေမှုကို သိရှိနိုင်မည် မဟုတ်ကြောင်း ဦးစိုင်းလုံက ဆက် လက်ပြောကြားခဲ့သည်။
.
အလားတူ မေးခွန်းမျိုးကိုပင် မေးမြန်းခွင့်မရခဲ့သည့် အခြားပြည် နယ် လွှတ်တော်ကိုယ်စားလှယ်များ လည်းရှိခဲ့ကြောင်း ဦးစိုင်းလုံက ပြော ကြားခဲ့သည်။
.
ယင်းကဲ့သို့ လွှတ်တော်တွင် မေး ခွန်းမေးမြန်းခွင့်မရမှုနှင့် ပတ်သက်၍ ရှမ်းပြည်နယ်လွှတ် ဒုတိယဥက္ကဌ ဖြစ်သူ ဦးစဝ်အောင်မြတ် ထံသို့ ကမ္ဘောဇတိုင်းမှ တယ်လီဖုန်းဖြင့် ဆက်သွယ်မေးမြန်းခဲ့ရာ ၎င်းအနေဖြင့် ခရီးသွားနေသည့် အတွက် ပြန်လည် ဖြေကြားနိုင်ခြင်း မရှိသေးကြောင်း ပြောကြားခဲ့သည်။
.

No comments:

Post a Comment

Recent Tube