လားရှိုးမြို့နယ်တွင် တစ်ရက်အတွင်း အမျိုးသား အလောင်း နှစ်လောင်း တွေ့ရှိ

နောင် (မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ လားရှိုးမြို့နယ်တွင် ဒီဇင်ဘာ ၁၀ ရက် တစ်ရက်အတွင်း နေရာ နှစ်နေရာ၌ အမည်မသိ အမျိုးသား အလောင်း နှစ်လောင်းအား တွေ့ရှိခဲ့ကြောင်း လားရှိုးမြို့မရဲစခန်းမှ သိရှိရသည်။   

.

 

.

လားရှိုးမြို့၊ ရပ်ကွက်(၅) ဒေသခေါ် ကချင်ကုန်း တွင် အမျိုးသား အလောင်းတစ်လောင်းနှင့်  မန်းပွဲကျေးရွာအုပ်စု၊ ခိုလိပ်ရွာ-ဖောင်ဆိပ် လမ်းတွင် အမျိုးသား အလောင်းတစ်လောင်း၊ စုစုပေါင်း အမျိုးသားအလောင်း နှစ်လောင်း အား ဒီဇင်ဘာလ ၁၀ ရက်၊ တစ်ရက်အတွင်း တွေ့ရှိခဲ့ခြင်းဖြစ်သည်။

.

“မန်းပွဲအတွင်းမှာ သေဆုံးနေသော အမျိုးသားအလောင်းကတော့ အခြေနေမဲ့လို့ သိရပါတယ်။ လားရှိုး ပြည်သူ့ ဆေးရုံကြီးကို ပို့ပေးခဲ့တာပါ”ဟု လားရှိုးလူငယ်များ လူမှုကူညီရေးအသင်းမှ စိုင်းဝသုန်က ပြောသည်။

.

ဒီဇင်ဘာ ၁၀ ရက် နံနက် ၁၀ နာရီကျော်အချိန်ခန့်တွင် လားရှိုးမြို့ ရပ်ကွက် (၅) ကချင်ကုန်းမှ သေဆုံးသူ အလောင်းအား သယ်ဆောင်ပြီးချိန် နေ့ခင်း ၁၂ နာရီအချိန်ခန့်တွင်လည်း မန်းပွဲကျေးရွာသို့ ဆက်လက် သွားရောက်ကာ အလောင်းအား သယ်ဆောင်ခဲ့ရကြောင်း ၎င်းမှ ဆက်လက်ပြောကြားခဲ့သည်။

.

“ရပ်ကွက် (၅) မှာကတော့ ချုံထဲမှာ သေဆုံးနေတာပါ။ မန်းပွဲကတော့ အခြေအနေမဲ့ သွားလာနေတာလို့ သိရပါတယ်။ စစ်ဆေးဆောင်ရွက်နေပါတယ်။ လားရှိုးမြို့နယ်ထဲမှာ တစ်ရက်တည်း နှစ်လောင်းတွေ့တာပါ။”ဟု လားရှိုးမြို့မ ရဲစခန်းမှ တာဝန်ရှိသူတစ်ဦးက ပြောသည်။

.

အဆိုပါ  ရပ်ကွက်(၅)တွင် တွေ့ရှိသော အမျိုးသား အလောင်းအား လားရှိုးမြို့မ ရဲစခန်းမှ သေမှုသေခင်း အမှတ်စဉ် (၅၃/၂၀၁၈) ဖြင့် အမှုဖွင့်ထားပြီး၊ မန်းပွဲကျေးရွာအုပ်စု၊ ခိုလိပ်ကျေးရွာ ဖောင်ဆိပ် လမ်းတွင် သေဆုံးနေသူ အမျိုးသား အလောင်းအား လားရှိုးမြို့မ ရဲစခန်းမှ သေမှုသေခင်း အမှတ်စဉ် (၅၄/၂၀၁၈)ဖြင့် အမှုဖွင့်ထားကြောင်း သိရသည်။

.

.

.

#KBZTai #Shan