ဒုတိယအကြိမ် ရှမ်းပြည်နယ်လွှတ်တော် (၁၂) ကြိမ်မြောက် ပုံမှန်အစည်းအဝေး ပဉ္စမနေ့ ကျင်းပ - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Tuesday, December 18, 2018

ဒုတိယအကြိမ် ရှမ်းပြည်နယ်လွှတ်တော် (၁၂) ကြိမ်မြောက် ပုံမှန်အစည်းအဝေး ပဉ္စမနေ့ ကျင်းပ



ကမ္ဘောဇတိုင်း
.
ဒုတိယအကြိမ် ရှမ်းပြည်နယ်လွှတ်တော် (၁၂) ကြိမ်မြောက် ပုံမှန်အစည်းအဝေးကို ယနေ့ ဒီဇင်ဘာလ ၁၇ ရက်၊ နံနက်ပိုင်းက တောင်ကြီးမြို့၊ ရှမ်းပြည်နယ်လွှတ်တော် ခန်းမတွင် ကျင်းပပြုလုပ်လျက်ရှိကြောင်း သိရသည်။
.
.
အစည်းအဝေးတွင် ပြည်နယ်လွှတ်တော်ကိုယ်စားလှယ် ၁၅ ဦးမှ ကြယ်ပွင့်ပြမေးခွန်း ၁၅ ခုကို မေးမြန်းခြင်းနှင့် သက်ဆိုင်ရာ ပြည်နယ်အစိုးရအဖွဲ့ဝင် ဝန်ကြီးများမှ ပြန်လည်ဖြေကြားခြင်းတို့ကို ဆောင်ရွက်သွားမည် ဖြစ်ကြောင်း သိရသည်။
.
ထို့အပြင် လွှတ်တော်အစည်းအဝေးတွင် တပ်မတော်သား ပြည်နယ်လွှတ်တော်ကိုယ်စားလှယ် ရေးရာကော်မတီ ဝင်များ အစားထိုး ပြောင်းလဲဖြည့်စွက် တာဝန်ပေးအပ်ခြင်းအား လွှတ်တော်၏ အတည်ပြုချက် ရယူခြင်း၊ ရှမ်းပြည်နယ်အစိုးအဖွဲ့မှ လူမှုဝန်ထမ်းဦးစီးဌာန၏ ခရိုင်၊ မြို့နယ်ရုံးများ တိုးချဲ့ဆောက်လုပ်ခြင်းနှင့် စပ်လျဉ်း၍ လွှတ်တော်သို့ ရှင်းလင်းတင်ပြခြင်း၊ ပြည်နယ်လွှတ်တော်ဥက္ကဌမှ လွှတ်တော်လုပ်ငန်းဆိုင်ရာများအား ရှင်းလင်း တင်ပြခြင်းတို့ကို ဆောင်ရွက်သွားမည်ဖြစ်ကြောင်း သိရသည်။
.
ယနေ့ ကျင်းပပြုလုပ်လျက်ရှိသော ဒုတိယအကြိမ် ရှမ်းပြည်နယ်လွှတ်တော် (၁၂) ကြိမ်မြောက် ပုံမှန်အစည်းအဝေးသို့ တက်ရောက်ခွင့်ရှိသော ပြည်နယ်လွှတ်တော်ကိုယ်စားလှယ် ၁၄၁ ဦး ရှိသည့်အနက် လွှတ်တော်ကိုယ်စားလှယ် ၁၁၄ ဦး တက်ရောက်ပြီး ခွင့်ပန်ကြားသူ ၂၇ ဦး ရှိကာ ရာခိုင်နှုန်းအားဖြင့် ၈၀ ဒသမ ၈၅ ရာခိုင်နှုန်း ရှိကြောင်း သိရသည်။
.
.
.
#KBZTai #Shan

Recent Tube