လားရှိုးမြို့ရှိ အလယ်တန်းကျောင်းတွင် နိုင်ငံသားစိစစ်ရေးကတ်ပြားများ ပြုလုပ်ပေးနိုင်ရန် ကွင်းဆင်းစစ်ဆေး

နောင် (မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ လားရှိုးမြို့ရှိ အမှတ် (၇) အလယ်တန်းကျောင်းတွင် မြို့နယ်လူဝင်မှုကြီးကြပ်ရေးဦးစီး ဌာနက ၁၀ နှစ်ပြည့် နိုင်ငံသား စိစစ်ရေးကတ်ပြားများ ပြုလုပ်ပေးနိုင်ရန် ကွင်းဆင်းစစ်ဆေးမှုများပြုလုပ်ခဲ့ ကြောင်း သိရှိရသည်။

.

.

အခြေခံပညာကျောင်းများတွင် ၁၀ နှစ်ပြည့်ပြီးသော ကျောင်းသား၊ ကျောင်းသူများအား နိုင်ငံသားစိစစ်ရေး ကတ်ပြားများပြုလုပ်ပေးနိုင်ရန် လားရှိုး လဝက ဦးစီးမှူး ဦးကျော်ကျော်လင်းနှင့် ဝန်ထမ်းများက ဒီဇင်ဘာ ၁၂ ရက်က ကွင်းဆင်းဆောင်ရွက်ပေးခဲ့ခြင်းဖြစ်ကြောင်းသိရသည်။

.

“သစ္စာစီမံချက်နဲ့ ကျောင်းတွေကို လိုက်ပြီးဆောင်ရွက်ပေးနေတာပါ။ အချိန်ကုန်သက်သာတယ်၊ ငွေကုန်သက် သာတယ်။ အနာဂတ်ပန်းကလေးများ ပွင့်လန်းအောင်ဆိုတဲ့ဆောင်ပုဒ်နဲ့ လုပ်ဆောင်ပေးနေတာပါ” ဟု လားရှိုး မြို့နယ် လဝက ဦးစီးမှူး ဦးကျော်ကျော်လင်းက ပြောသည်။

.

အဆိုပါအလယ်တန်းကျောင်းတွင် ကျောင်းသူ၊ ကျောင်းသား ၁၀၀ ကျော်အား လိုအပ်သည်များကို ကွင်းဆင်း စိစစ်၍ မှတ်တမ်းတင်ခဲ့ပြီး ၎င်းတို့အနေဖြင့် သွေးစစ်ခနှင့် ဓာတ်ပုံဖိုးအတွက်သာ ကုန်ကျမည်ဖြစ်ကြောင်း သိရသည်။

.

“အရင်ကလည်း ကျောင်းတွေမှာ၊ တက္ကသိုလ်တွေမှာ ဆောင်ရွက်ပေးခဲ့တာရှိပါတယ်။ ဆက်ပြီးတော့လည်း ဆောင်ရွက်ပေးသွားဖို့ရှိပါတယ်။ ရုံးမှာလိုအပ်တာတွေ ဆောင်ရွက်ပြီးသွားရင် ကျောင်းကိုလာပေးအပ်သွားမှာပါ” ဟု လဝက ဝန်ထမ်း တစ်ဦးက ပြောသည်။

.

ယခုဆောင်ရွက်မှုတွင် လဝက ရုံးသို့ လာရောက်၍ ငွေကြေးတစ်စုံတစ်ရာပေးဆောင်ရန်မလိုအပ်ဘဲ ယခုဒီဇင် ဘာလအတွင်း ကျောင်း ၄ ခုတွင် ပြုလုပ်ပေးရန်အတွက် စီစဉ်ထားကြောင်း သိရသည်။

.

.

.

#KBZTai #Shan