ကျောက်မဲတွင် မိုင်းပေါက်ကွဲမှုဖြစ်ပွားခဲ့ပြီး အမျိုးသမီး ၂ ဦး ဒဏ်ရာရ

မင်းဇော်မင်း၊ ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ ကျောက်မဲမြို့နယ်၊ နမ့်မားကျေးရွာအနီးတွင် ယနေ့ နိုဝင်ဘာလ ၁၁ ရက်၊ နံနက်ပိုင်းက မိုင်းပေါက်ကွဲမှု ဖြစ်ပွားခဲ့ပြီး ဆိုင်ကယ်စီးလာသူ အမျိုးသမီး ၂ ဦး ထိခိုက်ဒဏ်ရာရရှိခဲ့ကြောင်း သိရသည်။

.

.

ကျောက်မဲမြို့နယ်၊ မန်ခေါက်အုပ်စု၊ ခုံငင်းရွာမှ အမျိုးသမီးများသည် အုပ်စုလိုက် ကျောက်မဲမြို့သို့ ဆင်းလာစဉ် ကျောက်မဲမြို့မှ ၁၃ မိုင်ခန့်အကွာ၊ နမ့်မားရွာအနီး၊ ခုံငင်းလမ်းခွဲ၊ ထမင်းဆိုင်တန်းမရောက်မီ၊ နံနက် ၉ နာရီခွဲအချိန်ခန့်တွင် မိုင်းပေါက်ကွဲမှု ဖြစ်ပွားရာမှ အမျိုးသမီး ၂ ဦး ထိခိုက်ဒဏ်ရာရရှိခဲ့ခြင်းဖြစ်သည်။

.

“လွန်ခဲ့တဲ့ ၂ ရက်ကပဲ ကွန်ကော်စစ်ရှောင် ၁၅ ဦးလောက်ရှိတဲ့ အဖွဲ့ကို လိုက်ပို့ရင်း အဲဒီနေရာရောက်ခဲ့သေးတယ်။ ဒီနေရာက နှစ်ဘက်အဖွဲ့ အပြန်အလှန်ရောက်ရှိတတ်တဲ့နေရာဖြစ်တယ်” ဟု ကျောက်မဲမြို့အခြေစိုက် ဇီဝိတလူမှုကူညီရေးအသင်း ဥက္ကဌဖြစ်သူ ဦးတင်မောင်သိန်းက ပြောသည်။

.

မိုင်းဒဏ်ရာရသူများအနက် ဆိုင်ကယ်မောင်းနှင်သူ နန်းငွေခိုင်(၂၆နှစ်)မှာ ဝဲဘက်လည်ပင်း ၁)ချက်၊ ဝဲလက်မောင်း ၁ ချက်၊ ဝဲပေါင်ဖောက်ဝင် ဒဏ်ရာ ၁ ချက် မစိုးရိမ်ရဒဏ်ရာများရရှိကာ ဆိုင်ကယ်နောက်မှစီးသူ မခမ်းရင် (၂၀နှစ်)မှာ ဝဲဘက် ဦးခေါင်းဖောက်ဝင် ဒဏ်ရာ ၁ ချက်၊ ယာလည်ပင်းဖောက်ဝင် ၁ ချက်၊ ဝဲဝမ်းဗိုက်ဖောက်ဝင် ၁ ချက် စိုးရိမ်ရ ဒဏ်ရာများ ရရှိခဲ့ကြကြောင်းသိရသည်။

.

စိုးရိမ်ရဒဏ်ရာရသူ မခမ်းရင် အား မန္တလေးဆေးရုံကြီးသို့ လွှဲပြောင်းကုသရေးပို့ဆောင်နိုင်ရန် စီစဉ်လျက်ရှိကြောင်း သိရှိရသည်။

.

.

.

#KBZTai #Shan