အောင်ပန်းတန်ဆောင်တိုင်တွင် ဝင်ရောက်ယှဉ်ပြိုင်မည့် မီးပုံးပျံအဖွဲ့များ ဘေးအန္တရာယ်ကင်းရှင်းရေးအတွက် ကွင်းဆင်းစစ်ဆေး

မင်းဇော်မင်း၊ ကမ္ဘောဇတိုင်း

.

ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းတန်ဆောင်တိုင်မီးပုံးပျံပြိုင်ပွဲတွင် ဝင်ရောက်ယှဉ်ပြိုင်မည့် မီးပုံးပျံအဖွဲ့များမှ အောင်ပန်းမြို့ပေါ်လူနေရပ်ကွက်များတွင် ပြုလုပ်သိမ်းဆည်းထားရှိကြရာ တစ်စုံတစ်ရာ ဘေးအန္တရာယ် မဖြစ်ပွားစေရေးအတွက် နိုဝင်ဘာလ ၁၈ ရက်၊ မွန်းလွဲပိုင်းက ပြည်နယ်လွှတ်တော်ကိုယ်စားလှယ်၊ ဦးသန်းထိုက်နှင့် ဌာနဆိုင်ရာ တာဝန်ရှိသူများ၊ ပွဲကျင်းပရေးကော်မတီဝင်များမှ သွားရောက်ကွင်းဆင်းကြည့်ရှုခဲ့ကြောင်း သိရသည်။

.

.

“ပွဲမတိုင်ခင် အိမ်တွေမှာ မတော်တဆမီးလောင်ကျွမ်းမှု မဖြစ်ပွားအောင်လို့ ထားသိုမှုအခြေအနေတွေ စနစ်တကျရှိမရှိ လိုက်လံစစ်ဆေးပါတယ်။ မီးသတ်ဆေးဘူးတွေနဲ့ ရေကန်တွေ ကအစ လိုအပ်တာတွေ ဆောင်ရွက်ထားရှိစေဖို့ အသိပညာပေးပြီး တတ်နိုင်သမျှ ကူညီပေးခဲ့ပါတယ်”ဟု အောင်ပန်းမြို့၊ မီးသတ်ဌာနမှ ဦးအောင်ပြည့်စုံက ပြောသည်။

.

မီးပုံးပျံယမ်းများအား ဘူးများဖြင့် စနစ်တကျထားရှိမှု အခြေအနေ၊ ရေကန်များ ရေအပြည့်ဖြည့်ဆည်းထားရှိမှု အခြေအနေနှင့် မီးသတ်ဆေးဘူးများ၊ ရေစိုအ၀တ်များ အဆင်သင့်ထားရှိနိုင်ရေး စစ်ဆေးဆောင်ရွက်ခဲ့ပြီး မီးပုံးပျံသယ်ဆောင်ရာတွင် ကား နောက်ပိုင်း၌ မီးသတ်ဘူးများသယ်ဆောင်ရန်တို့ကို စစ်ဆေးမှာကြားခဲ့ကြောင်း သိရသည်။

.

ထို့အပြင် ပြိုင်ပွဲကွင်းအတွင်း အများပြည်သူလူထု မီးဘေးအန္တရာယ်မဖြစ်စေရေးအတွက် မီးသတ်တပ်ဖွဲ့မှ မီးသတ်ယာဉ် ၁ စီးနှင့် သန္ဓေ/အရန်မီးသတ်တပ်ဖွဲ့ဝင် ၁၀ ဦးဖြင့်လည်းကောင်း၊ စခန်းတွင် အရန်သင့်အနေအထာဖြင့် မီးသတ်ယာဉ် ၁ စီးနှင့် တပ်ဖွဲ့ဝင် ၅ ဦးတို့ဖြင့်လည်းကောင်း တာဝန်ချထား ဆောင်ရွက်သွားမည်ဟု ၎င်းမှ ဆက်လက်ပြောကြားခဲ့သည်။

.

“မြို့ နှစ် ၅၀ ပြည့်ကနေ အခု ၄ နှစ်မြောက်သည်အထိ နှစ်တိုင်း အခုလိုစစ်ဆေးပါတယ်။ အကယ်၍ ဘေးအန္တရာယ် တစ်စုံ တစ်ရာ ဖြစ်လာခဲ့ရင်လည်း ကူညီဆောင်ရွက်ပေးဖို့ ကော်မတီက စီစဉ်ထားပါတယ်။ ကိုယ့်မြို့ကိုယ့်ရွာ တိုးတက်ပျော်ရွှင်ဖို့ တတ်နိုင်တဲ့နေရာကနေ အားဖြည့်ကူညီပေးတာဖြစ်ပါတယ်”ဟု ပွဲတော်တော်ကျင်းပရေး ကော်မတီဝင် ရွှေမင်းသား ဦးခင်မောင်ဝင်းက ဆိုသည်။

.

၎င်းအနေဖြင့် ပွဲတော်ကာလအတွင်း ထိခိုက်နစ်နာမှုများ ဖြစ်ပေါ်လာပါက ကူညီနိုင်ရေးအတွက် ငွေကျပ် သိန်း ၁၀၀ စိုက်ထုတ်မတည်ပေးထားကြောင်း သိရသည်။

.

“အရင်နှစ်က မီးပုံးပျံတစ်လုံး ၂ သိန်းခွဲလောက်ပဲကုန်တယ်။ ဒီနှစ်က အားလုံး ၁၈ သိန်းလောက်ကျမယ်။ ဆုရတာ မရတာထက် ဘုရားရှင်ကို ပူဇော်သကာရပြုတဲ့ အလှူသဘောမို့ ပေးတဲ့ဆု တန်ဖိုးနည်းပေမဲ့ လှူတယ်လို့ပဲ သဘောထားပါတယ်” ဟု အောင်ပန်းမြို့၊ ညောင်ပင်ထောင်ရပ်ကွက်မှ `လေဟာနယ်`မီးပုံးပျံခေါင်းဆောင် ကိုသားငယ်က ပြောသည်။

.

အောင်ပန်းမြို့ စုပေါင်းမဟာကထိန်တော်နှင့်တန်ဆောင်တိုင်ပွဲတော်ကို နိုဝင်ဘာ ၁၇ ရက်မှ ၂၆ ရက်အထိပြုလုပ် လျက်ရှိရာ မီးပုံးပျံပြိုင်ပွဲကို နိုဝင်ဘာ ၂၃ မှ ၂၅ ရက် အထိ ကျင်းပပြုလုပ်သွားမည်ဖြစ်ပြီး ပြိုင်ပွဲတွင် ညစဉ် ညမီးကြီး ၄ လုံးစီဖြင့် စုစုပေါင်း မီးပုံပျံ ၁၂ လုံး လွှတ်တင်ယှဉ်ပြိုင်သွားမည်ဖြစ်ကြောင်း သိရသည်။

.

.

.

#KBZTai #Shan