မင်းဇော်မင်း
ရှမ်းပြည်နယ်မြောက်ပိုင်း၊
ကျောက်မဲမြို့နယ်၊ တောင်နောက်ကျေးရွာတွင် စရဖ(ရမခ)မှ တပ်ဖွဲ့ဝင်များနှင့် တပ်မတော်သားများ
ပါဝင်သော ပူးပေါင်းအဖွဲ့က နိုဝင်ဘာလ ၂၅ ရက်၊ ညပိုင်းတွင် ကျပ်သိန်းပေါင်း ၁၅၀၀ ကျော်
တန်ဖိုးရှိ စိတ်ကြွဆေးပြားများနှင့် ၉ မမကျည် ၂၁ တောင့်တို့ကို ဖမ်းဆီးရမိခဲ့ကြောင်း
သိရသည်။
.
" အခု ဖမ်းမိတာက
ကျောက်မဲမှာ အများဆုံးပါပဲ၊ သတင်းအရ အထက်ဌာနတွေကို တင်ပြပြီးတော့ သွားရောက် ဖမ်းဆီးခဲ့တာပါ။
အခုတော့ တရားခံနဲ့ မူးယစ်ဆေးတွေ၊ ကျည်ဆံတွေကို ရဲတပ်ဖွဲ့ဆီ အပ်နှံထားပြီး ဖြစ်ပါတယ်
" ဟု မူးယစ်ဆေးဝါး ဖမ်းဆီးရာတွင် ပါဝင်သည့် တပ်မတော် အရာရှိ တစ်ဦးက ပြောကြားခဲ့သည်။
.
စရဖ(ရမခ)မှ ဗိုလ်ကြီး
ဇာနည်အောင် ဦးစီးသော တပ်ဖွဲ့ဝင်များ၊ ခမရ(၅၀၂)မှ ဗိုလ်မှူး သန့်ထူးအောင်နှင့် စကခ(၁)
ကွန်မန်ဒိုတပ်စုမှ တပ်ကြပ်ကြီး ဇော်လင်း ဦးစီးသော တပ်မတော်သားများသည် သတင်းအရ ရှမ်းပြည်နယ်မြောက်ပိုင်း၊
ကျောက်မဲမြို့နယ်၊ တောင်နောက်ကျေးရွာရှိ ဦးလိုင်းမောင်၏ နေအိမ်သို့ နိုဝင်ဘာလ ၂၅ ရက်၊
ည ၉ နာရီခွဲချိန်တွင် ၀င်ရောက် ရှာဖွေရာ နေအိမ်ကြမ်းခင်းအောက်ရှိ သစ်သားအံဝှက်အတွင်းမှ
88 နှင့် 1 စာတမ်းပါ နီညိုရောင် စိတ်ကြွရူးသွပ်ဆေးပြား ၆၀၅၀၀ ပြား၊ WY စာတမ်းပါ စိတ်ကြွရူးသွပ်ဆေးပြား
၁၆၅၀၀ ပြား၊ စုစုပေါင်း စိတ်ကြွရူးသွပ်ဆေးပြား ၇၇၀၀၀ (ကာလတန်ဖိုးငွေ ၁၅၄၀၀၀၀၀၀ ကျပ်)နှင့်
၉ မမကျည် ၂၁ တောင့်တို့ကို ရှာဖွေတွေ့ရှိခဲ့ခြင်း ဖြစ်ကြောင်း သိရသည်။
.
ယင်း ဖမ်းဆီးရမိသော
စိတ်ကြွရူးသွပ်ဆေးပြားများကို တန့်ယန်းမြို့နယ်၊ နောင်ဖာကျေးရွာနေ တရုတ်လူမျိုး တစ်ဦးမှ
ကျောက်မဲမြို့နယ်အတွင်း၌ တစ်ဆင့် ပြန်လည် ရောင်းချရန်အတွက် လာရောက် ပို့ဆောင်ထားခြင်းဖြစ်သည်ဟု
စိတ်ကြွရူးသွပ်ဆေးပြားနှင့်အတူ ဖမ်းဆီးရမိခဲ့သည့် ဦးလိုင်းမောင်က ထွက်ဆိုခဲ့ကြောင်းလည်း
သိရသည်။
.
အဆိုပါ ဖမ်းဆီးရမိသော
စိတ်ကြွရူးသွပ်ဆေးပြားများ၊ ကျည်ဆံများနှင့် ဦးလိုင်းမောင်အား ကျောက်မဲမြို့မရဲစခန်းသို့
အပ်နှံ၍ ဗိုလ်မှူး သန့်ထူးအောင်မှ တရားလို ပြုလုပ်တိုင်ကြားခဲ့ပြီး ကျောက်မဲမြို့မရဲစခန်းမှ
မယ(ပ) ၃၄/၂၀၁၈၊ ပုဒ်မ ၁၉(က)ဖြင့် အမှုဖွင့် အရေးယူ ဆောင်ရွက်လျက်ရှိပြီး ၉ မမကျည် ၂၁
တောင့်နှင့် ပတ်သက်၍ သီးခြားအမှုဖွင့်နိုင်ရေးအတွက် မြို့နယ်ဥပဒေအရာရှိထံ ဆက်လက်တင်ပြ၍
ဆောင်ရွက်သွားမည် ဖြစ်ကြောင်း သိရသည်။
