လားရှိုးတွင် မြန်မာနိုင်ငံကိုယ်စားပြုအဖြစ် မလေးရှားနိုင်ငံသို့ သွားရောက်ယှဉ်ပြိုင်မည့် အိမ်ထောင်ရှင်အလှမယ်များအား လူတွေ့စစ်ဆေး

နောင်(မြစ်မခ)/ကမ္ဘောဇတိုင်း

.

မလေးရှားနိုင်ငံသို့ မြန်မာနိုင်ငံကိုယ်စားပြုအဖြစ် သွားရောက်ယှဉ်ပြိုင်ရန်အတွက် ရှမ်းပြည်နယ် (မြောက်ပိုင်း)မှ ကိုယ်စားပြုမည့် အိမ်ထောင်ရှင်အလှမယ်များအား လူတွေ့စစ်ဆေးခြင်းနှင့် မီဒီယာ မိတ်ဆက်ပွဲကို အောက်တိုဘာ ၁၇ ရက်က လာရှိုးမြို့၊ ကိုးကန့်ယဉ်ကျေးမှုခန်းမ၌ ပြုလုပ်ခဲ့ကြောင်း သိရှိရသည်။ 

.

 

.

“မြန်မာနိုင်ငံကလူတွေ မြန်မာလူမျိုးတွေအကုန်လုံး ကမ္ဘာနဲ့ယှဉ်ပြီးတော့ မြန်မာ့အမျိုးသမီးကောင်းလေးတွေ ထွက်ပေါ်စေလိုတဲ့ ဆန္ဒနဲ့ ကျင်းပတာဖြစ်ပါတယ်။ အိမ်ထောင်ကျပြီဆိုပြီးတော့ မီးဖိုချောင်ထဲမှာပဲ မတင်းတိမ် စေချင်ဘူးပေါ့။ ကိုယ့်ရဲ့အမျိုးသားလည်း ဂုဏ်ရှိတာပေါ့နော်။ ကိုယ့်ရဲ့အမျိုးသမီးက ထက်ထက်မြက်မြက်နဲ့ ဆို တာကိုလည်းပေါ်လွင်စေချင်လို့ ကျင်းပပေးတာပါ။”ဟု ၂၀၁၈ ခုနှစ် ရန်ကုန်မြို့တွင် ကျင်းပသောပွဲ၌ “ချမ်းရေး နှင့် သံတမန်ဆု”ရရှိခဲ့သူ ဒေါ်မဉ္ဇူခိုင်က ပြောသည်။

.

ရှမ်းပြည်နယ်မြောက်ပိုင်းကိုယ်စားပြုအဖြစ် ရွေးချယ်ခံရသူ ၅ ဦးမှ ရန်ကုန်မြို့တွင် ဆက်လက်ယှဉ်ပြိုင်ကာ ရွေးချယ်ခံရသူသည် မလေးရှားနိုင်ငံ၌ ဆက်လက်ယှဉ်ပြိုင်ရမည်ဖြစ်ကြောင်း သိရသည်။

.

“အထက်မြန်မာပြည်က အရွေးချယ်ခံရသူတွေနဲ့ ရန်ကုန်မှာသွားရောက်ယှဉ်ပြိုင်ပြီးတော့ အရွေးချယ်ခံရသူက မလေးရှားမှာသွားပြီး ယှဉ်ပြိင်ရမှာဖြစ်ပါတယ်။ အခုရှမ်းမြောက်က ၂၁ ဦး ဝင်ရောက်ယှဉ်ပြိုင်မှာပါ။”ဟု ဒေါ်မဉ္ဇူခိုင်ကပြောသည်။

.

အဆိုပါပွဲအတွက် အောက်တိုဘာ ၁၇ ရက်တွင် လူတွေ့စစ်ဆေးပြီး အောက်တိုဘာ ၂၅ ရက်၊ ညနေ ၄း၀၀ နာရီ အချိန်တွင် လားရှိုးမြို့တော်ခန်းမ၌ ပြိုင်ပွဲကျင်းပသွားမည်ဖြစ်ကြောင်း သိရသည်။

.

.

.

#KBZTai #Shan