နောင်ချို-ကျောက်မဲကြားရှိ ဂုတ်တွင်းလမ်းပိုင်းတွင် တွဲယာဉ် ၃ စီးဆင့်တိုက်မှုကြောင့် ခေတ္တလမ်းပိတ်ဆို့မှု ဖြစ်ပေါ်ခဲ့

နောင် (မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ နောင်ချို-ကျောက်မဲကြားရှိ ဂုတ်တွင်းလမ်းပိုင်းတွင် အောက်တိုဘာ ၈ ရက်၊ နံနက် ပိုင်းက တွဲယာဉ် ၃ စီးဆင့်တိုက်မှုကြောင့် လမ်းခေတ္တပိတ်ဆို့မှုဖြစ်ပွားခဲ့ကြောင်း နောင်ချိုမြို့နယ် ယာဉ်ထိန်းရုံးမှ သိရှိရသည်။

.

.

“လမ်းဘေးမှာရပ်ပြီးပြင်နေတဲ့ တွဲကားကို နောက်က တွဲကားတွေက တစ်စီးပြီးတစ်စီး ဆင့်တိုက်သွားတာပါ။ လူ ပွန်းပဲ့ ဒဏ်ရာလောက်ပဲရသွားတယ်။”ဟု နောင်ချိုယာဉ်ထိန်းရုံးမှ ယာဉ်ထိန်းရဲ အရာရှိ တစ်ဦးက ပြောသည်။

.

နောင်ချိုဘက်ခြမ်းလမ်းပိုင်း မိုင်တိုင်အမှတ်(၇၉၅/၆)အကြားတွင် နံနက် ၉ နာရီဝန်းကျင်က တွဲ ၂၂ ဘီးယာဉ် ၃ စီးဆင့်တိုက်မှုဖြစ်သွားခဲ့ခြင်းကြောင့် (၃)နာရီဝန်းကျင်ကြာ ခေတ္တပိတ်ဆို့မှုဖြစ်ပေါ်ခဲ့ကြောင်း သိရသည်။

.

“မွန်းလွဲတစ်နာရီလောက်မှာ လမ်းပွင့်သွားတာပါ။ ဒီလမ်းပေါ်မှာတော့ တစ်နေ့တစ်မျိုးမရိုးရအောင် ကိစ္စတွေက တော့ဖြစ်နေတာပါဘဲ။ အဓိကဖြစ်နေတာကတော့ ကုလားမကွေ့(ခေါ်)နံပတ်(၇)ကွေ့မှာ အဆိုးဆုံးဖြစ်ပါတယ်။ နိုင်လွန်ကတ္တရာကို ကောင်းကောင်းလေးခင်းပေးလိုက်ရင် အဆင်ပြေသွားမယ်လို့မြင်ပါတယ်။”ဟု ကုန်တင် ယာဉ်မောင်း ဦးနေလတ်က ပြောသည်။ 

.

အဆိုပါ ယာဉ်သုံးစီးဆင့်တိုက်မှုကို နောင်ချိုမြို့မ ရဲစခန်းမှ အမှုဖွင့် အရေးယူနိုင်ရန် ဆောင်ရွက်နေကြောင်း နောင်ချိုမြို့နယ် ယာဉ်ထိန်းရဲတပ်ဖွဲ့မှ သိရသည်။

.

.

.

#KBZTai #Shan