ရှမ်းပြည်နယ်၏
အထင်ကရပွဲတော်ဖြစ်သော တောင်ကြီးမြို့တော် တန်ဆောင်တိုင်ပွဲတော် ကာလအတွင်း ပြည်တွင်း/ပြည်ပ
ခရီးသွားဧည့်သည်များ ဝင်ရောက်မှု များပြားခြင်းကြောင့် ယာဉ်ကြောကြပ်တည်းမှု မဖြစ်ပေါ်စေရေး
အတွက် ပွဲတော်ကျင်းပနေစဉ် ကာလအတွင်း နေ့စဉ် ညနေ ၄ နာရီမှ နံနက် ၆ နာရီအထိ ကုန်တင်ယာဉ်ကြီးများနှင့်
ခရီးသည်တင် ယာဉ်ကြီးများအား မြို့တွင်းသို့ ဝင်ရောက်ခွင့်ပြုမည် မဟုတ်ကြောင်း သိရသည်။
.
“ ပွဲတော်
ကျင်းပနေစဉ် ညနေ ၄ နာရီကနေ မနက် ၆ နာရီအထိ မြို့ပေါ်မဖြတ်ဖို့ ယာဉ်လိုင်းတွေကို ညွှန်ကြားထားပါတယ်။
အေးသာယာက ထွက်တဲ့ လိုင်းတွေကတော့ ပုံမှန်ထွက်နေမှာပါ အဓိကကတော့ ဟိုပုံး၊ လွိုင်လင်ဘက်က
ထွက်လာတဲ့လိုင်းတွေ တောင်ကြီးမြို့ပေါ်ကို ဖြတ်တဲ့အခါ ယာဉ်ကြော မရှုပ်ထွေးစေဖို့အတွက်
အချိန်စောပြီးထွက်ဖို့ စာထုတ်သွားမှာပါ။ တခြားမြို့က လာတဲ့ ဘုရားဖူးဧည့်သည် ကားတွေကတော့
မသိကြတော့ အဆင်ပြေသလို ဝင်လာတာတွေ၊ ရပ်ကြတာ ရှိပါတယ်။ အဲဒါကိုတော့ သက်ဆိုင်ရာ ယာဉ်စည်းကမ်း၊
လမ်းစည်းကမ်းအဖွဲ့တွေက လမ်းညွှန်ပေးကြမှာဖြစ်ပါတယ်။ အဲဒီလို မသိလို့ ဝင်လာတဲ့ ကားတွေကိုတော့
အရေးယူသွားဖို့ မရှိပါဘူး။ လမ်းညွှန်ပေးရုံလောက်ပါပဲ။ ပွဲတော်ကာလအတွင်းမှာ ယာဉ်ကြောမရှုပ်ထွေးစေဖို့အတွက်
ယာဉ်လိုင်းတွေကို ပေါင်းစပ် ညှိနှိုင်း ဆောင်ရွက်သွားမှာဖြစ်ပါတယ်”ဟု
ရှမ်းပြည်နယ် လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာနမှ ဒုတိယဦးစီးမှူး ဦးအောင်ကျော်နိုင်က ကမ္ဘောဇတိုင်းသို့
ပြောသည်။
.
ထို့အပြင်
အခြားဒေသမှ ခရီးသွားဧည့်သည် ယာဉ်များ လာရောက်ရာတွင် အဆင်ပြေ ချောမွေ့စေရေး အတွက် လမ်းညွှန်ဆိုင်းဘုတ်များကိုလည်း
တပ်ဆင်ပေးသွားရန် ရှိသည်ဟု သိရသည်။
.
“ပွဲတော်ကာလအတွင်း
ယာဉ်ကြောကြပ်တည်းတယ် ဆိုတာကလည်း ယာဉ်မရပ်ရနေရာတွေမှာ ပိတ်ပြီး ရပ်တာတွေကြောင့်ရယ်၊
ကားကြီးတွေ ဝင်လာတာကြောင့်ရယ်ပါ။ ကားကြီးတွေကို ပွဲကျင်းပနေချိန်အတွင်းမှာ ဝင်ခွင့်မပေးဘူးဆိုတာ
ကောင်းပါတယ်။ ဒါပေမဲ့ တခြားဒေသကနေ အုပ်စုလိုက် လာကြတဲ့ ဘုရားဖူးဧည့်သည်တွေ အတွက်ကတော့
နည်းနည်း အခက်အခဲဖြစ်သွားမှာပေါ့။ ဒါကိုလည်း ဧည့်သည်တွေသိအောင် အသိပေးလမ်းညွှန်တာမျိုးတွေ
စနစ်တကျ လုပ်ဆောင်သွားဖို့ လိုပါမယ်”ဟု တောင်ကြီးဒေသခံတစ်ဦးက ၎င်း၏အမြင်ကို
ပြောသည်။
.
နှစ်စဉ်ကျင်းပမြဲဖြစ်သော
တောင်ကြီးမြို့တော် တန်ဆောင်တိုင်ပွဲတော်ကို ယခုနှစ် နိုဝင်ဘာလ ၁၄ ရက်မှ ၂၃ ရက်အထိ
ကျင်းပပြုလုပ်သွားမည်ဖြစ်ပြီး ပွဲတော်အတွင်း မီးပုံးပျံလွှတ်တင်ပူဇော်ပြိုင်ပွဲ၊ မြို့လုံးကျွတ်ဘုံကထိန်
လှည့်လည်ပူဇော်ပွဲ၊ မသိူးသင်္ကန်း ရက်လုပ်ပူဇော်ပြိုင်ပွဲ၊ မီးပဒေသာ လှည့်လည်ပူဇော်ပြိုင်ပွဲများအပြင်
ဖွင့်ပွဲ/ပိတ်ပွဲ တေးသီချင်းပြိုင်ပွံ၊ ဓါတ်ပုံပြိုင်ပွဲ၊ စာပေဆိုင်ရာပြိုင်ပွဲများကို
ထည့်သွင်းကျင်းပသွားမည်ဖြစ်ကြောင်း သိရသည်။
