နောင် (မြစ်မခ)/ကမ္ဘောဇတိုင်း
.
ရှမ်းပြည်နယ်မြောက်ပိုင်း၊ လားရှိုးမြို့မဈေးကြီးအတွင်း ရောင်းချနေသော
ကုန်ပစ္စည်းများတွင် စားသုံးရန် မသင့်သော ဆိုးဆေးများ ပါဝင်မှု ရှိ၊ မရှိကို ရွေ့လျားဓါတ်ခွဲယာဉ်ဖြင့်
ပထမဆုံးအကြိမ်အဖြစ် စမ်းသပ် စစ်ဆေးလျက်ရှိကြောင်း လားရှိုးမြို့ စားသုံးသူရေးရာ ဦးစီးဌာနမှ
သိရှိရသည်။
.
.
နေပြည်တော်မှ FDA အဖွဲ့နှင့် လားရှိုးမြို့ရှိ သက်ဆိုင်ရာဌာန ပူးပေါင်းအဖွဲ့များသည်
လားရှိုးမြို့မဈေးကြီးအတွင်း ရောင်းချနေသော စားသောက်ကုန်များတွင် ဆိုးဆေးများ၊ စားသုံးရန်မသင့်သည့်
ပစ္စည်းများ ပါဝင်မှု ရှိ၊ မရှိအား ဓါတ်ခွဲစမ်းသပ်သော ယာဉ်ဖြင့် စမ်းသပ်စစ်ဆေးသွားမည်ဖြစ်ကြောင်း
သိရသည်။
"တစ်ခါတည်း စစ်ဆေးပေးသွားမှာဖြစ်ပါတယ်။ စစ်ဆေးလိုက်လို့ တားမြစ်ထားတဲ့
ကန့်သတ်ချက်တွေ တွေ့ရှိခဲ့ရင် ရောင်းချခြင်းကို ပိတ်ပင်တားဆီးသွားမယ်။ ကျန်တဲ့ အရေးယူတဲ့အပိုင်းတွေကို
အခုလာတဲ့ အဖွဲ့တွေ ဆွေးနွေး တိုင်ပင်ပြီးတော့ ဆက်လက်အရေးယူဆောင်ရွက်သွားမှာဖြစ်ပါတယ်"ဟု
လားရှိုးမြို့ စားသုံးသူရေးရာ ဦးစီးဌာနမှ ဒုတိယ ညွှန်ကြားရေးမှူး ဦးဇော်မင်းသန်းက ပြောသည်။
.
အဆိုပါ စစ်ဆေးရာတွင် ငရုတ်သီးမှုန့်မျိုးစုံများ၊ ဆနွန်းမှုန့်မျိုးစုံ၊
အသားခြောက်များ၊ ပဲပြားများ၊ ငပိမျိုးစုံ၊ လက်လုပ်ချဉ်များနှင့် အခြားသော ကုန်ပစ္စည်းများအား
နမူနာ လိုက်လံကောက်ယူ စမ်းသပ်စစ်ဆေးသွားမည် ဖြစ်ကြောင်း သိရသည်။
.
"ဒါမျိုးစစ်မယ်ဆိုလို့ကတော့ ကြိုက်သလိုစစ်စမ်းပါ။ ကိုယ်တိုင်လဲစားတယ်။
ရောင်းလည်းရောင်းတယ်။ အဓိကကျတဲ့ တရုတ်ကလာတဲ့ အစပ်ချောင်းတွေ၊ ဟင်းချိုမှုန့်တွေကိုလည်းစစ်ပေးပါလို့
တောင်းဆိုခြင်ပါတယ်။ အခုလိုက်ကောက်နေတာကြည့်ရတာ ပြည်တွင်းဖြစ်တွေကိုပဲ ယူနေသလိုပဲ၊ အဓိက တရုတ်က ထုတ်တာ တွေကိုတော့ အရေးယူတာမတွေ့ဘူး"ဟု
လားရှိုးမြို့မ ဈေးကြီးအတွင်း ကုန်စုံရောင်းသူ ဒေါ်ပြူမကပြောသည်။
.
အဆိုပါ လိုက်လံကောက်ယူရာတွင် နေပြည်တော်မှ FDA၊ စားသုံးသူရေးရာဦးစီးဌာန၊
စည်ပင်သာရေးဌာန၊ ကျန်းမာရေးဦးစီးဌာန၊ တိရစ္ဆာန်မွေးမြူရေးနှင့် ကုသရေးဦးစီးဌာနတို့မှ
မြို့မဈေးအတွင်းရှိ လိုက်လံ စစ်ဆေးခြင်း ဖြစ်ကြောင်း သိရသည်။
.
.
.
#KBZTai #Shan
