ဒုတိယအကြိမ် ရှမ်းပြည်နယ်လွှတ်တော် (၁၁) ကြိမ်မြောက် ပုံမှန်အစည်းအဝေး ဆဋ္ဌမနေ့ ဆက်လက်ကျင်းပ

စိုင်းရာဇာ၊၊ ကမ္ဘောဇတိုင်း

.

ဒုတိယအကြိမ် ရှမ်းပြည်နယ်လွှတ်တော် (၁၁) ကြိမ်မြောက် ပုံမှန်အစည်းအဝေး၊ ဆဋ္ဌမနေ့ကို တောင်ကြီးမြို့ သစ်တောရပ်ကွက်ရှိ ရှမ်းပြည်နယ်လွှတ်တော် အဆောက်အအုံတွင် ယနေ့ စက်တင်ဘာလ ၂၄ ရက် နံနက်ပိုင်းက ဆက်လက် ကျင်းပပြုလုပ်လျက်ရှိကြောင်း သိရသည်။  

.

.

အစည်းအဝေး ဆဋ္ဌမနေ့သို့ တက်ရောက်ခွင့်ရှိသော ပြည်နယ်လွှတ်တော် ကိုယ်စားလှယ် ၁၄၃ ဦးရှိသည့်အနက် ၁၁၇ ဦး တက်ရောက်ကာ ခွင့်ပန်ကြားသူ ၂၆ ဦး ရှိပြီး တက်ရောက်သူ ၈၁ ဒသမ ၈၂ ရာခိုင်နှုန်းရှိကြောင်း သိရသည်။

.

ဒုတိယအကြိမ် ရှမ်းပြည်နယ်လွှတ်တော် (၁၁) ကြိမ်မြောက် ပုံမှန်အစည်းအဝေး ဆဌမနေ့၌ ပြည်နယ်လွှတ်တော် ကိုယ်စားလှယ် ၁၀ ဦးမှ ကြယ်ပွင့်ပြမေးခွန်း ၁၀ ခုကို မေးမြန်းသွားမည်ဖြစ်ပြီး ရှမ်းပြည်နယ်အစိုးရအဖွဲ့မှ သက်ဆိုင်ရာ ဝန်ကြီးများက ပြန်လည်ဖြေကြားသွားမည်ဖြစ်ကြောင်း သိရသည်။

.

အစည်းအဝေးတွင် ရေးရာကော်မတီဝင်များ အစားထိုး/ ပြောင်းလဲ/ ဖြည့်စွက် တာဝန်ပေးအပ်ခြင်းအား လွှတ်တော်၏ သဘောတူညီချက် ရယူသွားမည်ဖြစ်ကြောင်း သိရသည်။

.

ဒုတိယအကြိမ် ရှမ်းပြည်နယ်လွှတ်တော် (၁၁) ကြိမ်မြောက် ပုံမှန်အစည်းအဝေး ပဉ္စမနေ့ကို  စက်တင်ဘာလ ၂၁ ရက်က  ကျင်းပပြုလုပ်ခဲ့ပြီး စက်တင်ဘာလ ၂၂ ရက်နှင့် ၂၃ ရက်တို့တွင် ရပ်နားခဲ့ခြင်းဖြစ်ကာ ယနေ့ ၂၄ ရက်၌  ဆက်လက် ကျင်းပပြုလုပ်ခြင်း ဖြစ်ကြောင်း သိရသည်။

.

.

.

#KBZTai #Shan