မင်းဇော်မင်း၊ ကမ္ဘောဇတိုင်း
.
ရှမ်းပြည်နယ်မြောက်ပိုင်း၊
သီပေါမြို့နယ်၊ ပန်လုံကျေးရွာဖက်တွင် စက်တင်ဘာလ ၁ ရက်၊ ညနေပိုင်းက မြောက်ပိုင်း မဟာမိတ်အဖွဲ့နှင့်
RCSS/SSA လက်နက်ကိုင်တပ်ဖွဲ့များအကြား ဖြစ်ပွားသည့် စစ်ရေးပဋိပက္ခတိုက်ပွဲများကြောင့်
ပန်လုံ ကျေးရွာမှ အမျိုးသား ၂ ဦး လက်နက်ငယ်ထိမှန်ခံခဲ့ရပြီး သီပေါမြို့နယ်၊ ဘိုးတော်ကျောင်း၊
မန်လီကျေးရွာနှင့် အောင်သပြေ ကျေးရွာများသို့
လူဦးရေ ၁၀၀၀ နီးပါး စစ်ရှောင်ရောက်ရှိလာကြကြောင်း သီပေါမြို့နယ်အခြေစိုက် One
More အဖွဲ့တာဝန်ခံ ကိုကျော်စွာလွင် ထံမှ သိရသည်။
.
.
"ဒီမနက်ပဲ
ပန်လုံဘက်ကပြေးလာတဲ့ လူ ၁၅၀ လောက်ကို နားခိုလျန်ဘက်က ဖောကား ၂ စီးနဲ့ ထုတ်ပြီး ဒီဘက်မှာ
နာရေးကားတွေနဲ့ထုတ်လာရပါတယ်။ ရောက်လာတဲ့ သူတွေကို သီပေါမြို့ပေါ် မျှပြီးပို့ထားပါတယ်။
ညကတော့ ပန်လုံ နယ်မြေ (၁) ဘက်မှာ သေနတ်သံကြားလို့ ပြေးမလို့လုပ်တုန်း တစ်ဦးမှာ ညာဘက်ရင်အုံမှန်တယ်။
တစ်ဦးကတော့ လက်မောင်းမှန်တယ်။ နယ်စည်းမခြားက ကိုမျိုးတို့ကနေ သီပေါဆေးရုံကို ပို့ပေးထားပါတယ်။
ဒီတစ်ခါက ရွာသားတွေပါ ထိုခိုက်မှု ရှိလာတာပါ"ဟု ကိုကျော်စွာလွင်က ပြောသည်။
လက်နက်ငယ်မှန်သူ
၂ ဦးအနက် ညာရင်အုံသို့ မှန်ခံရသူအား မန္တလေးဆေးရုံသို့ ပေးပို့ရန် စီစဉ်နေပြီး လက်မောင်းထိမှန်
သူမှာလည်း အကြောပြတ်သွားသဖြင့် ကုသမှု ဆက်လက်ခံယူနေရဆဲဖြစ်ကြောင်း ၎င်းက ဆက်လက်ပြောကြားခဲ့သည်။
.
စက်တင်ဘာ
၁ ရက် ညနေပိုင်းမှ စတင်ကာ ပန်လုံကျေးရွာနှင့် အနီးတစ်ဝိုက်ရွာများမှ ရွာလုံးကျွတ် စစ်ရှောင်ရောက်ရှိလာ
ကြရာ စက်တင်ဘာလ ၂ ရက် နံက်ပိုင်းအထိ ပြောင်းရွှေ့သယ်ယူပို့ဆောင်နေကြဆဲဖြစ်ကြောင်းနှင့်
သီပေါမြို့ပေါ်ရှိ ဘိုးတော်ကျောင်းတွင် လူဦးရေ ၂၀၀ ခန့်၊ မန်လီကျေးရွာတွင် ၅၀၀ ခန့်နှင့်
ပန်သပြေတွင် ၃၀၆ ဦး စစ်ဘေးတိမ်းရှောင် လာကြကြောင်း၊ လတ်တလော စားသောက်ရေးအတွက် ဆန်နှင့်အခြားလိုအပ်သည်များကို
တတ်စွမ်းသမျှ ဖြည့်ဆည်း ဆောင်ရွက်ပေးလျက်ရှိကြောင်း နယ်စည်းမခြားနှင့် One More လူမှုကူညီရေးအသင်းများထံမှ
သိရသည်။
.
စက်တင်ဘာ
၁ ရက် ညပိုင်းက ပစ်ခတ်မှုများ ရှိခဲ့ပြီး စက်တင်ဘာ ၂ ရက် နံနက်ပိုင်းတွင်မူ စစ်ရေးတင်းမာမှု
ဆက်လက်ရှိနေ သော်လည်း ပစ်ခတ်မှုများ ရပ်စဲနေကြောင်း၊
သို့သော် စစ်ရေးလှုပ်ရှားမှုများကြောင့် မကြာမီတွင် တိုက်ပွဲပြင်းထန်လာ နိုင်ကြောင်း
စစ်ရှောင်လူထုများမှ ဝေဖန်ပြောဆိုလျက်ရှိသည်ဟု သိရသည်။
.
.
.
"ပြီးခဲ့တဲ့ရက်ပိုင်း
ငြိမ်သွားတာက လေလုတံတားဖွင့်ပွဲရှိနေလို့ ငြိမ်နေကြတာပါ။ ဘယ်တော့ဖြစ်မလဲစိုးရိမ်နေတာ
မနေ့ ကတော့ ရွာဘက်ပါ ထိခိုက်လာလို့ ဟိုတုန်းကလို အိမ်စောင့်၊ ရွာစောင့်မထားနိုင်ဘဲ
ရွာလုံးကျွတ်ကို ပစ်ပေးကြရပါပြီ"ဟု ပန်လုံကျေးရွာ စစ်ရှောင်တစ်ဦးက ပြောသည်။
.
အဆိုပါ ပန်လုံရွာဝန်းကျင်တွင်
RCSS/SSA စခန်းကုန်း၊ တပ်မတော်စခန်းကုန်းနှင့် TNLA အဖွဲ့စစ်ရေးအခြေပြုစခန်းများ တည်ရှိနေရာ
မကြာခဏ တိုက်ပွဲများဖြစ်ပွားလျက်ရှိသလို တိုက်ပွဲဖြစ်ပွားတိုင်းလဲ စစ်ရှောင်ကြရသဖြင့်
စီးပွားပျက်၊ အခြေပျက် ဒုက္ခအကြီးအကျယ်ရောက်ကြရပြီး ယခုအခါ ရွာဒေသခံများကိုပါ ထိခိုက်မှုများဖြစ်လာနေသဖြင့်
ရွာပျက်မည့် အခြေအနေသို့ ရောက်ရှိနေရကြောင်း ပန်လုံစစ်ဘေးရှောင်များက ပြောဆိုလျက်ရှိသည်။
.
.
#KBZTai #Shan
