ကျောက်မဲမြို့တွင် အချိန်မတော်သွားလာနေသူတစ်ဦးထံမှ စိတ်ကြ္ဂွရူးသွပ်ဆေးပြားများ ဖမ်းဆီးရမိ

နောင်(မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ ကျောက်မဲမြို့၊ ရပ်ကွက်(၉)၊ နယ်မြေ(၂)၊ ကျောက်မဲ-မိုးကုတ်သွားလမ်းမကြီး အ.ထ.က(၂)ကျောင်းရှေ့လမ်းပေါ်တွင် စက်တင်ဘာ ၃ ရက်၊ နံနက်ပိုင်းက သွားလာနေသူတစ်ဦးထံမှ မူးယစ် ဆေးဝါးများအား ဖမ်းဆီးရမိခဲ့ကြောင်း ကျောက်မဲမြို့မ ရဲစခန်းမှ သိရှိရသည်။

.

.

ကျောက်မဲမြို့မရဲတပ်ဖွဲ့ဝင်များနှင့် ပူးပေါင်းအဖွဲ့များ နယ်မြေအတွင်းလှည့်ကင်းဆောင်ရွက်ချိန် နံနက်(၁)နာရီခန့် တွင် အ.ထ.က (၂) ကျောင်းရှေ့၌ မသင်္ကာသူတစ်ဦးအား စစ်ဆေးရှာဖွေရာမှ မူးယစ်ဆေးဝါးများနှင့်အတူ ဖမ်းဆီးရမိခဲ့ကြောင်း သိရသည်။

.

"နယ်မြေအတွင်း လှည့်ကင်းဆောင်ရွက်နေတဲ့အချိန်မှာ အချိန်မတော်တွေ့လို့ မေးမြန်းရာကနေ မူးယစ်ဆေး တွေဖမ်းမိတာပါ။ ပူးပေါင်းအဖွဲ့နဲ့ပါ" ဟု ဖမ်းဆီးရာတွင်ပါဝင်သည့် တာဝန်ရှိသူ တစ်ဦးက ပြောသည်။

.

၎င်းဝတ်ဆင်ထားသော အင်္ကျီအိတ်ကပ်အတွင်းမှ ဘိန်းဖြူဟုယူဆရသော ဖြူ/ဝါအမှုန့် စုစုပေါင်းအလေးချိန် ၀ ဒသမ ၂ ဂရမ်နှင့် စိတ်ကြ္ဂွရူးသွပ်ဆေး ၁၅၀၀ ပြားအား သိမ်းဆည်းရမိခဲ့ကြောင်း သိရသည်။

.

"ဒီလိုအချိန်မှာသွားနေမှတော့ လူကောင်းမဖြစ်နိုင်ဘူးပေါ့။ ကြားရတာ ဒီရက်ပိုင်းမှာ ကျောက်မဲမှာ မူးယစ်ဖမ်း တာကျေနပ်ပါတယ်။ လူတိုင်းက မူးယစ်ဆေးဆိုတာနဲ့ ဘာဖြစ်ဖြစ်ဖမ်းစေချင်တာပါ။ နည်းနည်းများများ အားလုံး ကို ဆက်ဖမ်းပေးပါလို့ တောင်းဆိုချင်ပါတယ်"ဟု  ကျောက်မဲမြို့ဒေသခံ တစ်ဦးက ပြောသည်။

.

အဆိုပါမူးယစ်ဆေးဝါးများအားသုံးစွဲရောင်းချရန် လက်ဝယ်တွေ့ရှိသူ ကျောက်မဲမြို့နယ်၊ မိုင်လုံမြို့နယ်ခွဲ၊ နမ်ဖန်း အုပ်စု၊ ပန်စုံရွာနေ စိုင်းသန်းထွန်း(၃၃)နှစ်အား ကျောက်မဲမြို့မ ရဲစခန်းက မယ(ပ)၂၃/၂၀၁၈၊ မူး/စိတ်ပုဒ်မ- ၁၉(က) အရ အမှုဖွင့် အရေးယူထားကြောင်း သိရသည်။ 

.

.

.

#KBZTai #Shan