လားရှိုးမြို့ရှိ အများပြည်သူ တည်ငြိမ်းအေးချမ်းစွာ နေထိုင်နိုင်ရေး ပူးပေါင်းအဖွဲ့များဖြင့် မြို့တွင်း၊ မြို့ပြင် ကင်းလှည့် စစ်ဆေး

နောင်(မြစ်မခ)/ကမ္ဘောဇတိုင်း

.

ရှမ်းပြည်နယ်မြောက်ပိုင်း၊ လားရှိုးမြို့ရှိ အများပြည်သူများ တည်ငြိမ်းအေးချမ်းစွာ နေထိုင်နိုင်ရေးအတွက် ပူးပေါင်းအဖွဲ့များဖြင့် မြို့တွင်း၊ မြို့ပြင်များကို မြေပြင်၊ ဝေဟင်လှည့်ကင်း၊ ဝပ်ကင်းများဖြင့် သြဂုတ် ၃၁ ရက်က စတင်ကင်းလှည့် စစ်ဆေးမှုများလုပ်ဆောင်လျက်ရှိကြောင်း လားရှိုးမြို့နယ် ရဲတပ်ဖွဲ့မှ သိရှိရသည်။ 

.

 .

ရှမ်းပြည်နယ် မြောက်ပိုင်းတွင် ဖြစ်ပွားနေသော တိုက်ပွဲများကြောင့် နယ်မြေ ငြိမ်းချမ်းစေရန် တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူစစ်များဖြင့် လိုက်လံကာလှည့်ကင်းဆောင်ရွက်ခြင်းဖြစ်ကြောင်း သိရသည်။

.

"လုံခြုံရေးကိုရှေ့ရှုပြီးတော့ လုပ်ဆောင်နေတဲ့ ရဲလုပ်ငန်းစဉ်တွေကို တပ်မတော်ရယ်၊ ပြည်သူ့စစ်တွေရယ် ပူးပေါင်း ပြီးတော့ မြို့တွင်းမှ လှည့်ကင်း၊ ဝပ်ကင်း၊ ရပ်ကင်းတွေနဲ့ လှည့်တာဖြစ်ပါတယ်။ မြို့ပြင်ကိုလည်းသွားပါတယ်"ဟု လားရှိုးမြို့နယ် ရဲတပ်ဖွဲ့မှ ရဲအရာရှိ တစ်ဦးကပြောသည်။

.

အဆိုပါ ကင်းလှည့်စစ်ဆေးရာတွင် စစ်ကြောင်း ၃ ကြောင်း၊ လမ်းကြောင်း ၃ ကြောင်းဖြင့် လှည့်ကာ ဆောင်ရွက် နေခြင်းဖြစ်ပြီး ပြည်သူအများမှ ကူညီဆောင်ရွက်ခြင်းများကြောင့်လည်း မှုခင်းများကို ဖော်ထုတ် ဖမ်းဆီးနိုင်ခဲ့ကြောင်း သိရသည်။

.

"အခုလို ဆောင်ရွက်နေတာတွေ့ရလို့ စိတ်ချမ်းသာစွာနေရတယ်လို့ ပြောလို့ရပါတယ်။ ဒါကြောင့် အားပေးပါတယ်။ မကြာခဏလုပ်ဆောင်ပေးဖို့လည်း တောင်းဆိုပါတယ်"ဟု လားရှိုးမြို့ ဒေသခံ ဦးကျော်လွန်ခေါင်က ပြောသည်။

.

အဆိုပါ လှည့်ကင်းများဆောင်ရွက်ရာတွင် တပ်မတော်စစ်သည်ယာဉ်များ၊ သံချပ်ကာ အမြောက်ယာဉ်များ၊ ရဟတ်ယာဉ်များဖြင့် လှည့်ကင်းများ ဆောင်ရွက်ခဲ့ခြင်းဖြစ်ပြီး ၂၀၁၇ ခုနှစ်ကလည်း အလားတူ လှည့်ကင်းဆောင်ရွက်ခြင်းများ ပြုလုပ်ခဲ့ကြောင်း သိရသည်။

.

.

.

#KBZTai #Shan