COVID-19 ကြိုတင်ကာကွယ်ရန် တောင်ကြီး အောင်မြေဘုံစံကျောင်းတိုက်အား Lockdown ပြုလုပ်

COVID-19 ကြိုတင် ကာကွယ်၊ ထိန်းချုပ်နိုင်ရန်အတွက် တောင်ကြီးမြို့၊ စိန်ပန်းရပ်ကွက်ရှိ အောင်မြေဘုံစံ သာမဏေကျော် ကျောင်းတိုက်အား ယနေ့ (စက်တင်ဘာလ ၂၅ ရက်)၊ ညနေပိုင်းမှ စတင်၍ Lockdown ပြုလုပ်ထားကြောင်း သိရသည်။

.

 

“ ကျောင်းတိုက်က သံဃာတွေလည်း အပြင်ကို မကြွဘူး၊ အပြင်က သူတွေကိုလည်း ကျောင်းထဲကို ပေး မဝင်တော့ဘူးပေါ့။ ရောဂါပိုးကို မဖြစ်ခင် ကာကွယ်တဲ့ သဘောပါပဲ။ အစိုးရကလည်း မလိုအပ်ရင် အပြင်မထွက်ရဘူးလို့ ထုတ်ပြန်ထားတော့ အဲဒါကို လိုက်နာတဲ့ သဘောလည်း ပါတာပေါ့။”ဟု အောင်မြေဘုံစံသာမဏေကျော် ကျောင်းတိုက်မှ ဦးပညာစက္ကလင်္ကာရက ကမ္ဘောဇတိုင်းသို့ မိန့်သည်။

.

ထို့အတူ ကျောင်းတိုက်အတွင်းရှိ စာသင်သား သံဃာတော်များအား ဆက်သွယ်လို၍ ဖြစ်စေ၊ အခြားသော Lockdown ကာလအတွင်းကျောင်းတိုက်သို့ ဆွမ်းဆန်၊ ဆွမ်းဟင်း၊ လှူဒါန်းမှု ကိစ္စများအတွက် ဆရာတော် ဦးပညာစက္ကလင်္ကာရ ဖုန်း ၀၉၂၅၀၈၈၈၈၆၈ သို့ ဆက်သွယ် ဆောင်ရွက်နိုင်ကြောင်း သိရသည်။

.

အဆိုပါ အောင်မြေဘုံစံ သာမဏေကျော် ကျောင်းတိုက်ကို ယခင် COVID-19 ပထမလှိုင်းအတွင်းက ပထမအကြိမ် Lockdown ပြုလုပ်ခဲ့ပြီး ကူးစက်မှု ငြိမ်သက်လာသဖြင့် ပြန်လည်ဖြေလျော့ခဲ့ပြီးနောက် ယခုတွင် ဒုတိယအကြိမ်အဖြစ် Lockdown ထပ်မံ ပြုလုပ်ခြင်း ဖြစ်ကြောင်း သိရသည်။

.

Read More

တောင်ကြီးမြို့၊ ဝါးပြားလမ်းဆုံအနီးတွင် ဘက်ဟိုးယာဉ်တင်ဆောင်လာသော တွဲယာဉ်နှင့် ဆက်သွယ်‌ရေးကြိုးလိုင်း ချိတ်မိ၍ လမ်းပိတ်ဆို့မှု ဖြစ်ပေါ်နေ

စုလှိုင်

.

တောင်ကြီးမြို့၊ အနောက်မြို့ပတ်လမ်း၊ ဝါးပြားလမ်းဆုံမီးပွိုင့်အနီးတွင် ယနေ့ စက်တင်ဘာလ ၂၅ ရက်၊ ည ၇ နာရီခွဲ ခန့်က ဘက်ဟိုးယာဉ် တင်ဆောင်လာသော တွဲကားမှ ဆက်သွယ်ရေးကြိုးများအား ချိတ်မိ၍ ဆက်သွယ်ရေးတိုင်ပြိုလဲပြီး လမ်းပိတ်ဆို့မှု ဖြစ်ပေါ်နေကြောင်း သိရသည်။

.

.

“တွဲကားပေါ်မှာပါတဲ့ ဘက်ဟိုးယာဉ်နဲ့ ဆက်သွယ်ရေးကြိုးတွေ ချိတ်မိပြီး တိုင်ပါ ကျိုးသွားတာ။ လောလော ဆယ် ဆက်သွယ်ရေးတိုင်ပေါ်က ကြိုးတွေ ရှင်းနေတယ်။ အခုမှ ပြင်နေကြတုန်းပဲ” ဟု ဝါးပြားလမ်းဆုံအနီး နေထိုင်သူ တစ်ဦးက ပြောသည်။

Read More

COVID-19 အတည်ပြုလူနာ အသစ် ၅၉၈ ဦး ထပ်မံ တွေ့ရှိ၊ တောင်ကြီးမြို့နယ်မှ ၁ ဦးပါဝင်

COVID-19 ပိုး​​တွေ့ အတည်ပြုလူနာ အသစ် ၅၉၈ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (စက်တင်ဘာလ ၂၅ ရက်)၊ ည ၈ နာရီ ထုတ်ပြန်ချက်အရ သိရသည်။

.

 ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ ပထမအသုတ် စစ်​ဆေးခဲ့သည့် ဓါတ်ခွဲနမူနာ ၁၂၈ ခုအနက် တောင်ကြီးမြို့နယ်မှ အသက် ၂၈ နှစ်အရွယ် အမျိုးသမီးတွင် ပိုးတွေ့ခဲ့ပြီး ကျန် ဓါတ်ခွဲနမူနာများတွင် ပိုး မ​တွေ့​ကြောင်း သိရသည်။

.

“ တောင်ကြီးမြို့နယ်၊ အောင်သပြေ အလကမှာ Quarantine ထား ထားတဲ့သူ၊ သူ မန္တလေးက ပြန်လာတာကတော့ ၂၀ ရက်နေ့၊ မနက်မှာ ရောက်တယ်၊ ရောက် ရောက်ချင်းပဲ သက်ဆိုင်ရာ အုပ်ချုပ်ရေးမှူးတွေကို ဆက်သွယ်ပြီး Quarantine ထဲကို တန်းဝင်သွားတာပါ။ မနေ့ကတော့ မန္တလေးက လူနာနဲ့ ထိတွေ့မှု ရှိတယ်လို့ ကာယကံရှင်က သတင်းပို့လာတော့ ဓါတ်ခွဲနမူနာကို ယူပြီး စစ်လိုက်တော့ ဒီနေ့ အဖြေထဲမှာ Positive ဖြစ်တာပေါ့။  နေတာကတော့ အေးသာယာမှာ နေတာပါ။”ဟု ရှမ်းပြည်နယ် ပြည်သူ့ကျန်းမာရေးဦးစီးဌာနမှ ဒေါက်တာ ဇဝနကိုက ကမ္ဘောဇတိုင်းသို့ ပြောသည်။

.

အဆိုပါ လူနာမှာ ကျန်းမာရေး ကောင်းမွန်နေပြီး တောင်ကြီး စဝ်စံထွန်းဆေးရုံတွင် ဆေးကုသမှု ပေးမည် ဖြစ်ကာ လူနာဖြစ်သူ မန္တလေးမှ ပြန်လာစဉ် ကားအတူ စီးလာသူ ယာဉ်မောင်း ၁ ဦး၊ ခရီးသည် ၄ ဦး ရှိပြီး ၎င်းတို့အား အသွားအလာ ကန့်သတ်ထားပြီး ဓါတ်ခွဲနမူနာများအား စစ်ဆေးသွားမည် ဖြစ်ကြောင်း သိရသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (စက်တင်ဘာလ ၂၅ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၉၁၁၂ ဦး ရှိကာ၊ ယင်းအနက် ၁၇၄ ဦး သေဆုံး၍ ၂၅၁၇ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

Read More

COVID-19 ကြောင့် ထပ်မံ သေဆုံးသူ ၁၇ ဦး ရှိ၍ သေဆုံးသူပေါင်း ၁၇၂ ဦး ရှိ

COVID-19 ကြောင့် သေဆုံးသူအသစ် ၁၇ ဦး ရှိ၍ စုစုပေါင်း သေဆုံးသူ ၁၇၂ ဦး ရှိကြောင်း ကျန်းမာရေးနှင့် အားကစားဝန်ကြီးဌာန၏ စက်တင်ဘာလ ၂၅ ရက်၊ ညနေ ၅ နာရီ ထုတ်ပြန်ချက်အရ သိရသည်။

.

 

မြန်မာနိုင်ငံတွင် ယနေ့ နံနက်ပိုင်းအထိ COVID-19 ပိုးတွေ့ အတည်ပြုလူနာ ၈၅၁၅ ဦး တွေ့ရှိပြီး ယင်းအနက် ပြန်လည်သက်သာ၍ ဆေးရုံဆင်းခွင့် ရရှိသူ ၂၃၈၁ ရှိကာ ၁၇၂ ဦးမှာ သေဆုံးခဲ့ရခြင်း ဖြစ်သည်။

.

ကျန်းမာရေးနှင့် အားကစားဝန်ကြီးဌာန၏ စက်တင်ဘာလ ၂၃ ရက်က ထုတ်ပြန်ချက်ထားသည့် COVID-19 ရောဂါဖြစ်ပွားမှု ခြုံငုံသုံးသပ်မှု အခြေအနေ၌ ရှမ်းပြည်နယ်အတွင်း COVID-19 ပိုးတွေ့ အတည်ပြုလူနာ အဖြစ် ရှမ်းပြည်နယ်တောင်ပိုင်း၌ ၁၅ ဦး၊ ရှမ်းပြည်နယ်မြောက်ပိုင်း၌ ၃ ဦး၊ ရှမ်းပြည်နယ်အရှေ့ပိုင်း၌ ၆ ဦး၊ စုစုပေါင်း ၂၄ ဦး ပါဝင်ကာ ယင်းအနက် တောင်ကြီးမြို့မှ လူအမှတ်(၆၉၁၆)ဖြစ်သည့် အသက် ၆၇ နှစ်အရွယ် အမျိုးသားမှာ စက်တင်ဘာလ ၂၀ ရက်တွင် ဆေးကုသမှု ခံယူနေစဉ် သေဆုံးခဲ့ရကြောင်း သိရသည်။

.

Read More

ကျိုင်းတုံတွင် တိရစ္ဆာန်များမှ လူကို ကူးစက်တတ်သော ရောဂါဖြစ်သည့် လက်ပ်တိုစပိုင်ရာ (Leptospira Species) သံသယ လူနာများ တွေ့ရှိ

မင်းဇော်မင်း

.

ကျိုင်းတုံမြို့နယ်တွင် တိစ္ဆာန်များမှ လူကိုကူးစက်တတ်သော ရောဂါဖြစ်သည့် လက်ပ်တိုစပိုင်ရာ (Lepstopira Species) သံသယလူနာများ တွေ့ရှိနေကြောင်း ရှမ်းပြည်နယ်အရှေ့ပိုင်း ပြည်သူ့ကျန်းမာရေး ဦးစီး ဌာနမှ သိရသည်။

.

.

“ဖုန်းသတင်း ရတာကတော့ ၃/၄ ယောက်လို့ ပြောတယ်။ ဆေးရုံကြီးမှာ ရောက်နေတယ်” ဟု ရှမ်းပြည်နယ်အရှေ့ပိုင်း ပြည်သူ့ကျန်းမာရေးဦးစီးဌာနမှူး ဒေါက်တာမြင့်ကျော်က ကမ္ဘောဇတိုင်းသို့ ပြောသည်။

Read More

နောင်တရားမြို့၌ အခြေခံစားသောက်ကုန်များ တန်ဖိုးမြှင့် ရောင်းချနိုင်ရေး Greenhouse တည်ဆောက်

ခွန်အောင်(နောင်တရား)

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ နောင်တရားမြို့၌ အခြေခံစားသောက်ကုန်များ ဖြစ်သည့် ဟင်းသီးဟင်းရွက်များအား တန်ဖိုးမြှင့် ရောင်းချနိုင်ရေးအတွက် Greenhouse တည်ဆောက်ပြီး စိုက်ပျိုးသည့်စနစ်ဖြင့် စမ်းသပ်စိုက်ပျိုးနေလျက် ရှိကြောင်း သိရသည်။

.

 

“ တန်ဖိုးနည်း Greenhouse တည်ဆောက်ဖို့ ဆိုရင် လေထန်တဲ့ကုန်းကို ရှာပြီး တည်ဆောက်ဖို့ လိုပါတယ်။ လေထန်ရင် ပန်ကာ တပ်စရာ မလိုတော့ဘူး တံခါးဖွင့်ပေးလိုက်ရင် ရပြီ။ ဇကာတပ်ရင်တော့ အဝင်အထွက် တပ်ဖို့ လိုပါတယ်။ အပေါ်ကို မိုးကာစ အုပ်ထားတော့ အပူချိန် မြှင့်စေတာပေါ့၊ ပြီးတော့ ကိုယ့်ဒေသမှာ ရှိတဲ့ ဝါးတွေနဲ့ပဲ တည်ဆောက်ထားပါတယ်။ ဒီထဲမှာ စိုက်ပျိုးတဲ့ ကုန်စိမ်းသီးနှံတွေက ပိုးသတ်ဆေး ဖြန်းခြင်း မရှိဘူး။ Greenhouse  တည်ဆောက်ပြီး စိုက်ပျိုးမယ်ဆိုရင် တန်ဖိုးမြှင့် ရောင်းချနိုင်ပါတယ်။” ဟု Greenhouse တည်ဆောက်ပြီး စိုက်ပျိုးရေးလုပ်ငန်းဆောင်ရွက်နေသူ ဦးခွန်ဆန်းဦးက ပြောသည်။

.

Greenhouse အား ကိုယ်တိုင် တည်ဆောက်ပါကငွေကျပ် ၃ သိန်းဝန်းကျင်သာ ကုန်ကျမည် ဖြစ်ပြီး ကျွမ်းကျင်သူများအား ငှားရမ်းတည်ဆောက်ပါက ၁၀ သိန်း ဝန်းကျင်ခန့် ကုန်ကျနိုင်ကြောင်းနှင့် Greenhouse တည်ဆောက်သည့် နည်းပညာများအား သိရှိလိုပါက လာရောက် ဆယ်သွယ်မေးမြန်းနိုင်ကြောင်း ၎င်းက ဆက်လက် ပြောဆိုသည်။

.

နောင်တရားမြို့၌ တည်ဆောက်ထားသည့် အဆိုပါ Greenhouse စိုက်ပျိုးရေးခြံတွင် နှမ်းရွက်၊ ဆလတ်ရွက်၊ မုန်ညှင်းဖြူနှင့် အခြားသော အခြေခံစားသောက်ကုန်များကိုလည်း စိုက်ပျိုးထားရှိပြီး သီးနှံများ အောင်မြင်ဖြစ်ထွန်းနေကြောင်း သိရသည်။

.

Read More

အာဆီယံနိုင်ငံများတွင် COVID-19 ကြောင့် သေဆုံးသူအရေအတွက် မြန်မာက တတိယ အများဆုံးဖြစ်လာ

စိုင်းသိခ်သူ

.

အရှေ့တောင်အာရှ (အာဆီယံ)နိုင်ငံများတွင် COVID-19 ရောဂါ ကူးစက်ခံရပြီး သေဆုံးသူများ အရေအတွက် စာရင်း၌ မြန်မာနိုင်ငံက တတိယအများဆုံး ဖြစ်လာနေပြီဖြစ်သည်ဟု သိရသည်။

.

.

ယနေ့ စက်တင်ဘာလ ၂၅ ရက်အထိ နောက်ဆုံးရ သတင်းများအရ အာဆီယံနိုင်ငံများအနက် COVID-19 ရောဂါ ဖြစ်ပွားသူ အင်ဒိုနီးရှားနိုင်ငံက ၂၆၂၀၂၂ ဦး၊ သေဆုံးသူ ၁၀၁၀၅ ဦး၊ ဖိလစ်ပိုင်နိုင်ငံက ဖြစ်ပွားသူ ၂၉၆၇၅၅ ဦး၊ သေဆုံးသူ ၅၁၂၇ ဦး၊ မြန်မာနိုင်ငံက ရောဂါဖြစ်ပွားသူ ၈၅၁၅ ဦး၊ သေဆုံးသူ ၁၅၅ ဦး ရှိလာနေပြီဖြစ်ပြီး ကမ္ဘောဒီးယား၊ လာအိုနှင့် အရှေ့တီမောနိုင်ငံများတွင် ယင်းရောဂါကြောင့် သေဆုံးသူ မရှိကြောင်း သိရသည်။

Read More

မြို့တော်တောင်ကြီး မြင်ကွင်း

 

Read More

နမ့်စန်တွင် အသက် ၁၆ နှစ်အရွယ် လူငယ်ချင်း ပစ္စည်းရလိုမှုဖြင့် လူသတ်မှုဖြစ်ပွား

ကမ္ဘောဇတိုင်း

.

လွိုင်လင်ခရိုင်၊ နမ့်စန်မြို့တွင် စက်တင်ဘာလ ၂၃ ရက်က သူငယ်ချင်းဖြစ်သူ၏ ဆိုင်ကယ်နှင့် လက်ကိုင်ဖုန်း ရယူလိုမှု ဖြင့် အသက် ၁၆ နှစ်အရွယ် လူငယ် သူငယ်ချင်း အချင်းချင်း လူသတ်မှုဖြစ်ပွားခဲ့ကြောင်း သိရသည်။

.

.

နမ့်စန်မြို့၊ အမှတ် (၅) ကျေးရွာအုပ်စု၊ အမှတ် (၆) ကျေးရွာနေ မောင်ပြည့်ဖြိုးသိန်း (၁၆ နှစ်) သည် စက်တင်ဘာလ ၂၃ ရက် နံနက်ပိုင်းက ဆိုင်ကယ်ဖြင့် နေအိမ်မှ ထွက်ခွာသွားခဲ့ပြီး ပြန်လည်ရောက်ရှိလာခြင်း မရှိသဖြင့် မိသားစုဝင် များက လိုက်လံရှာဖွေရာ မောင်ပြည့်ဖြိုးသိန်း၏ ဆိုင်ကယ်အား မောင်ပြည့်ဖြိုးဦး ဆိုသူက နမ့်စန်မြို့၊ အမှတ် (၃) ရပ်ကွက် အတွင်း စီးနင်းသွားလာနေသည်ကို တွေ့ရှိရ၍ သက်ဆိုင်ရာသို့ အကြောင်းကြားခဲ့ခြင်းဖြစ်ကြောင်း သိရသည်။

Read More

မောက်မယ်ရှောက်ချိုသီးများ ဈေးကောင်းရ

စိုင်းမျိုးသန့် (မောက်မယ်)

.

လင်းခေးခရိုင်၊ မောက်မယ်မြို့နယ်ဒေသထွက် ရှောက်ချိုသီးများ လှိုင်လှိုင်ထွက်ပေါ်ချိန်၌ ဈေးကောင်းရလျက် ရှိကြောင်း သိရသည်။

.

.

မောက်မယ်ရှောက်ချိုသီးများကို တောင်ကြီးဈေးကွက်တွင် အလုံးကြီး တစ်လုံးလျှင် ၆၀၀ ကျပ်၊ အလုံးလတ် ၅၅၀ ကျပ်နှင့် အလုံးငယ်တစ်လုံးလျှင် ၅၀၀ ကျပ်နှုန်းဖြင့် ရောင်းချကြခြင်းဖြစ်ပြီး ယခင်နှစ် ရှောက်ချိုသီးရာသီက တစ်လုံးလျှင် ၃၀၀ ကျပ်မှ ၅၀၀ ကျပ်အထိသာ ရရှိခဲ့ကြောင်း သိရသည်။

Read More

ကျောက်မဲမြို့ ကုန်တင်ယာဉ်စစ်ဆေးရေးစင်တာတွင် သီးသန့် ကန့်သတ်ထားရှိသည့် ယာဉ်မောင်းနှင့် ယာဉ် နောက်လိုက်များက အချက် ၃ ချက် တောင်းဆို

မိုင်းထွန်း

.

ကျောက်မဲမြို့၊ ခိုမုန်းကျေးရွာစာသင်ကျောင်းရှိ ကုန်တင်ယာဉ်များအား ကြီးကြပ်စစ်ဆေးရေးစင်တာ၌ သီးသန့် ကန့်သတ်ထားရှိထားသည့် ယာဉ်မောင်းနှင့် ယာဉ်နောက်လိုက်များက စက်တင်ဘာလ ၂၄ ရက်၊ နံနက်ပိုင်းတွင် ကျောက်မဲမြို့နယ် COVID-19 ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီသို့ အချက် ၃ ချက်အား စုပေါင်း တောင်းဆိုခဲ့သည်ဟု သိရသည်။

.

.

အဆိုပါ တောင်းဆိုချက်များမှာ ယာဉ်မောင်းနှင့် ယာဉ်နောက်လိုက်များအား ကျန်းမာရေးစစ်ဆေးပေးခြင်းနှင့် ကားများအား ဆေးဖျန်းခြင်းကို ပုံမှန်ဆောင်ရွက်ပေးရန်၊ စင်တာတွင် လုံခြုံရေးနှင့် ယာဉ်ထိန်း ထားရှိပေးရန်၊ မြို့တွင်းသို့ စည်းကမ်းမဲ့ ဝင်ရောက်နေသော ယာဉ်မောင်းများကို ထိရောက်စွာ အရေးယူပေးရန် စသည့်အချက်များ ပါဝင်ကြောင်း သိရသည်။

.

Read More

“ဝ” ကိုယ်ပိုင်အုပ်ချုပ်ခွင့်ရတိုင်းရှိ COVID-19 ကော်မတီ၊ မြို့နယ်ရွေးကောက်ပွဲကော်မရှင်အဖွဲ့ခွဲ တာဝန်ရှိသူများနှင့် ရှမ်းပြည်နယ်ဝန်ကြီးချုပ် တွေ့ဆုံ

မောင်မောင်သန်း

.

ရှမ်းပြည်နယ်ဝန်ကြီးချုပ် ဒေါက်တာ လင်းထွဋ်သည် “ဝ” ကိုယ်ပိုင်အုပ်ချုပ်ခွင့်ရတိုင်းရှိ မြို့နယ် COVID-19 ကော်မတီများ၊ မြို့နယ်ရွေးကောက်ပွဲ ကော်မရှင်အဖွဲ့ခွဲများမှ တာဝန်ရှိသူများနှင့် စက်တင်ဘာလ ၂၃ ရက်၊ နံနက်ပိုင်းတွင် တိုင်းဦးစီးရုံး ခန်းမ၌ တွေ့ဆုံခဲ့ကြောင်း သိရသည်။

.

 

တွေ့ဆုံပွဲတွင် “ဝ” ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူး ဦးအဲလီရှဲမှ မဲဆန္ဒရှင် စာရင်းများ၊ မဲရုံများ၊ လုံခြုံရေးကိစ္စရပ်များနှင့် စပ်လျဉ်းသည့် ကြိုတင်ပြင်ဆင်ထားရှိမှုများကို လည်းကောင်း၊ မြို့နယ် COVID-19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ဥက္ကဋ္ဌ မြို့နယ်အုပ်ချုပ်ရေးမှူး ဦးမင်းကျော်သူမှ COVID-19 ကူးစက်မြန် ရောဂါကြိုတင်ကာကွယ်ရေး ဆောင်ရွက်ထားရှိမှု အခြေအနေ၊ ကျန်းမာရေးစ စ်ဆေးရေးဂိတ် ဖွင့်လှစ်မှုအခြေအနေ၊ ကျန်းမာရေး အသိပညာပေးခြင်းနှင့် စစ်ဆေးမှုအခြေအနေတို့ကို ရှင်းလင်းတင်ပြခဲ့ကြောင်း သိရသည်။

.

 ထို့နောက် ပြည်နယ်ဝန်ကြီးချုပ်မှ ဟိုပန်မြို့နယ်COVID-19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီသို့ ထောက်ပံ့ငွေကျပ် ၁၀ သိန်းနှင့် ကျန်းမာရေးသုံးပစ္စည်းများအား လည်းကောင်း၊ ဗမာတိုင်းသား လူမျိုးရေးရာဝန်ကြီး ဒေါက်တာ အောင်သန်းမောင်မှ အသက် ၈၀ နှင့် ၈၅ နှစ်အတွင်းရှိ ဘိုး/ဘွား ၆၂ ဦးအတွက် ထောက်ပံ့ငွေများအား လည်းကောင်း ပေးအပ်ခဲ့ပြီးနောက် သံလွင်မြစ်ကူး ကွမ်းလုံတံတားနှင့် ကွမ်းလုံမြို့ရှောင်လမ်း ဖောက်လု​ပ် ဆောင်ရွက်မည့် ကိစ္စရပ်များနှင့် တံတား စတင် တည်ဆောက် ဆောင်ရွက်နေမှုအား ကြည့်ရှုစစ်ဆေးကာ လိုအပ်သည်များကို ဖြည့်စွက် မှာကြားခဲ့ကြောင်း သိရသည်။

.

ထို့အတူ ရှမ်းပြည်နယ်ဝန်ကြီးချုပ်သည် တန့်ယန်းမြို့နယ်နှင့် မိုင်းရယ်မြို့နယ် COVID-19 ကော်မတီ၊ မြို့နယ်ရွေးကောက်ပွဲ ကော်မရှင်အဖွဲ့ခွဲများမှ တာဝန်ရှိသူများနှင့် စက်တင်ဘာလ ၂၄ ရက်၊ နံနက်ပိုင်းတွင် မြို့နယ်ခန်းမ၌ တွေ့ဆုံ၍ ထောက်ပံ့ငွေကျပ် ၁၀ သိန်းစီနှင့် ကျန်းမာရေးသုံးပစ္စည်းများအား ထောက်ပံ့ ပေးအပ်ခဲ့ကြောင်းလည်း သိရသည်။

.

Read More

တာချီလိတ်တွင် ငွေကျပ် သိန်း ၅၀၀၀ တန်ဖိုးရှိ မူးယစ်ဆေးဝါးများကို အမျိုးသား ၅ ဦးနှင့်အတူ ဖမ်းမိ

မင်းဇော်မင်း

.

တာချီလိတ်မြို့နယ်၊ ဝမ်လုံးကျေးရွာအုပ်စုတွင် စက်တင်ဘာလ ၂၃ ရက်၊ ညနေပိုင်းက ငွေကျပ် သိန်း ၅၀၀၀ ခန့် တန်ဖိုးရှိ မူးယစ်ဆေးဝါးများကို အမျိုးသား ၅ ဦးနှင့်အတူ ဖမ်းဆီးရမိခဲ့ကြောင်း သိရသည်။

.

.

မူးယစ်တပ်ဖွဲ့စု (၃၀) တာချီလိတ်မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် စက်တင်ဘာလ ၂၃ ရက်၊ ညနေ ၃ နာရီခန့်က တာချီလိတ်မြို့နယ်၊ ဝမ်လုံးကျေးရွာအုပ်စု၊ ဟွေရဲကျေးရွာနေ စိုင်းခွန်း၏ အိမ်အား သတင်းအရ ဝင်ရောက်ရှာဖွေရာ ၎င်းနှင့်အတူ နမ့်စန်မြို့နယ်၊ ဝမ်ယန်းကျေးရွာနေ စိုင်းဆိုင်လှိုင်း၊ မိုင်းဆတ်မြို့နယ်၊ မိုင်းတွမ်း (တောင်ပေါ်)ကျေးရွာအုပ်စု၊ နာခါး(ခ)နမ့်ခမ်းကျေးရွာ နေ လီခေါ (ခ) လော်ဂေါ၊ မိုင်းဆတ်မြို့နယ်၊ မိုင်းခုတ်မြို့၊ နမ့်ခမ်းလုံကျေးရွာနေ လီယားနှင့် လော်ရိုး(ခ)လော်ကော့ တို့ကို တွေ့ရှိခဲ့ရကြောင်း သိရသည်။

Read More