၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး ကန့်ကွက်၊ ဟန့်တား၊ နှောင့်ယှက်သူများသည် အမျိုးသားရေး သစ္စာဖောက် ဖြစ်သည်ဟု ၈၈၈၈ ဆရာတော် မိန့်ကြား - Kanbawza Tai News

Kanbawza Tai News

Represent For Shan State, Myanmar

Breaking

Recent Tube

Sunday, March 3, 2019

၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေး ကန့်ကွက်၊ ဟန့်တား၊ နှောင့်ယှက်သူများသည် အမျိုးသားရေး သစ္စာဖောက် ဖြစ်သည်ဟု ၈၈၈၈ ဆရာတော် မိန့်ကြား


ကမ္ဘောဇတိုင်း
.
၂၀၀၈ ခုနှစ်၊ နိုင်ငံတော်ဖွဲ့စည်းပုံအခြေခံဥပဒေ ပြင်ဆင်ရေး ပူးပေါင်းကော်မတီအား ထောက်ခံပွဲတစ်ရပ်ကို မတ်လ ၂ ရက်၊ နံနက်ပိုင်းက တောင်ကြီးမြို့၊ ဗိုလ်ချုပ်ပန်းခြံအတွင်းရှိ ၈၈၈၈ အထိမ်းအမှတ် ကျောက်တိုင်အနီးတွင် ကျင်းပပြုလုပ်ရာ အဆိုပါ ထောက်ခံပွဲတွင် တောင်ကြီးမြို့၊ အောင်မြေဘုံစံကျောင်းတိုက် ဆရာတော် (၈၈၈၈) ဆရာတော် ဘဒ္ဒန္တ ခေမာနန္ဒက ဖွဲ့စည်းပုံအခြေခံဥပဒေ ပြင်ဆင်ရေးကို ကန့်ကွက်၊ ဟန့်တား၊ နှောင့်ယှက်သူ များသည် အမျိုးသားရေး သစ္စာဖောက်များ ဖြစ်သည်ဟု မိန့်ကြားခဲ့သည်။
.
.
“၂၀၀၈ ဖွဲ့စည်းပုံအခြေခံဥပဒေ ပြင်ဆင်လိုခြင်းသည် ပြည်သူ့ဆန္ဒ ဖြစ်သည့်အတွက် အခြေခံဥပဒေ ပြင်ဆင်ရေးကို ကန့်ကွက်၊ ဟန့်တား၊ နှောင့်ယှက်နေသူများသည် အမျိုးသားသစ္စာဖောက်များ ဖြစ်သည်”  ဟု ဆရာတော်က မိန့်ကြားခဲ့ခြင်း ဖြစ်သည်။
.
၂ဝဝ၈ ဖွဲ့စည်းပုံ အခြေခံဥပဒေ ပြင်ဆင်ရေး ထောက်ခံပွဲကို ရှမ်းပြည် နိုင်ငံရေးအဖွဲ့၊ နိုင်ငံရေးအကျဉ်း သား ဟောင်းများအဖွဲ့ (တောင်ကြီး)၊ ABSDF ရဲဘော်ဟောင်းများ၊ ရှမ်း ပြည်လူမျိူးပေါင်းစုံ လူငယ်ဖွံ့ဖြိုးတိုး တက်ရေးအဖွဲ့၊ တရားဥပဒေစိုးမိုးရေးကွန်ယက်နှင့် ပြည်သူလူထုအချို့ မှ ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။
.
ထောက်ခံပွဲ ပြုလုပ်ရာတွင် တောင်ကြီးမြို ၊ ကျောင်းကြီးစုရပ် ကွက်၊ ပထမ တောင်ကျောင်းကြီး ကျောင်းတိုက် တောင်ဘက်ရှိညောင်ပင်တွင် စတင်စုဝေးကာ ဗိုလ်ချုပ် အောင်ဆန်းလမ်းအတိုင်း လမ်းလျှောက်ချီတက်ပြီး ဗိုလ်ချုပ်ပန်းခြံ အရှေ့တွင် ဟောပြောပွဲများ ပြုလုပ်ခဲ့ကြောင်း သိရသည်။
.
''တောင်ကြီးမြို့ပေါ်မှာရှိတဲ့ အဖွဲ့ အစည်း အတော်များများ ပူးပေါင်း ပါဝင်ကြတဲ့အပြင် ကျေးရွာပြည်သူ လူထုတွေ လည်း တက်ရောက်ကြတဲ့အတွက် ခုတစ်ခေါက်ပြု လုပ်တဲ့ ထောက်ခံပွဲကြီးဟာ ၂ဝဝ၈ ဖွဲ့စည်းပုံ အခြေခံဥပဒေကို ပြင်ဆင် ရေးဆွဲမယ့် ကော်မတီကြီးကို လေးလေးနက်နက်နဲ့ ထောက်ခံတဲ့ပွဲ လည်းဖြစ်ပါတယ်” ဟု ထောက်ခံပွဲ ကျင်းပရေး ကော်မတီဝင်တစ်ဦးမှ ပြောသည်။
.
အဆိုပါ ၂ဝဝ၈ ဖွဲ့စည်းပုံ အခြေ ခံဥပဒေပြင်ဆင်ရေးအတွက် ပြည်သူ လူထု ထောက်ခံပွဲများကို ရန်ကုန် မြို့၊ မန္တလေးမြို့နှင့် အခြားမြို့များ တွင်လည်း အသီးသီး ကျင်းပပြုလုပ် လျက်ရှိကြောင်း သိရသည်။
.

No comments:

Post a Comment