တည်ဆဲဥပဒေများကို မလိုက်နာသည့် စိုက်ပျိုးရေး သွင်းအားစုများက ရှမ်းပြည်နယ်၏ကုန်သွယ်ရေး တိုးတက်မှုကို အဟန့်အတားဖြစ်နေဟု ဆို - Kanbawza Tai News

Kanbawza Tai News

Represent For Shan State, Myanmar

Breaking

Friday, February 8, 2019

တည်ဆဲဥပဒေများကို မလိုက်နာသည့် စိုက်ပျိုးရေး သွင်းအားစုများက ရှမ်းပြည်နယ်၏ကုန်သွယ်ရေး တိုးတက်မှုကို အဟန့်အတားဖြစ်နေဟု ဆို


ရဲရင့်ဇွဲ
.
သက်ဆိုင်ရာ တည်ဆဲဥပဒေများ၊ ညွှန်ကြားချက်များကို လိုက်နာဆောင်ရွက်ခြင်းမရှိသည့် စိုက်ပျိုးရေး သွင်းအားစု များကို တောင်သူများအနေဖြင့် စရိတ်ကြီးမြင့်စွာ ဝယ်ယူသုံးစွဲနေရခြင်း၊ သုံးစွဲပုံအညွှန်းနှင့် လိုက်နာရမည့် အချက်များကို သိရှိမှု အားနည်းခြင်းတို့ကြောင့် မြေဆီလွှာ ပျက်စီးမှုများ ကြုံတွေ့နေရပြီး ရှမ်းပြည်နယ်၏ ကုန်သွယ်ရေး၊ စီးပွားရေး ကဏ္ဍ ဖွံ့ဖြိုးတိုးတက်မှုကို အဟန့်အတားဖြစ်နေသည်ဟု ရှမ်းပြည်နယ် အစိုးရအဖွဲ့ဝင် ပြည်နယ် စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်က ပြောကြားခဲ့သည်။
.
.
ရှမ်းပြည်နယ်အတွင်း ဓါတ်မြေ သြဇာ၊ ပိုးသတ်ဆေး၊ မျိုးစေ့တင်သွင်း ဖြန့်ဖြူးရောင်းချနေသော ကုမ္ပဏီများ၊ လက်လီ/ လက်ကားအရောင်းဆိုင်များနှင့် တွေ့ဆုံဆွေးနွေးပွဲကို ဇန်နဝါရီလ ၃၁ ရက်၊ မွန်းလွဲပိုင်းက တောင်ကြီးမြို့၊ ရှမ်းပြည်နယ် အစိုးရအဖွဲ့ရုံး၊ ပြည်နယ်စီမံကိန်းနှင့် ဘဏ္ဍာရေးဝန်ကြီးရုံး အစည်းအဝေးခန်းမတွင် ကျင်းပပြုလုပ်ရာ အဆိုပါဆွေးနွေးပွဲ တွင် ရှမ်းပြည်နယ်စားသုံးသူအငြင်းပွားမှု ဖြေရှင်းရေးအဖွဲ့ ဥက္ကဌ၊ ပြည်နယ်စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ယင်းကဲ့သို့ပြော ကြားခဲ့ခြင်းဖြစ်သည်။
.
''စိုက်ပျိုးရေးသွင်းအားစုတွေကို တင်သွင်း၊ သိုလှောင်၊ ဖြန့်ဖြူး၊ရောင်းချနေတဲ့သူတွေက သက်ဆိုင်ရာ တည်ဆဲ ဥပဒေတွေ၊ ညွှန်ကြားချက်တွေအတိုင်း လိုက်နာဆောင်ရွက်ခြင်း မရှိဘဲ ဈေးကွက်အတွင်းမှာ ဖြန့်ဖြူးရောင်းချနေတယ်။ စိုက်ပျိုးသူတောင်သူတွေအနေနဲ့ကလည်း အာမခံချက်မရှိတဲ့ စိုက်ပျိုးရေးသွင်းအားစုတွေကို စရိတ်ကြီးမြင့်စွာ ဝယ်ယူ သုံးစွဲနေရ တယ်။ သုံးစွဲပုံအညွှန်းတွေနဲ့ လိုက်နာရမယ့်အချက်တွေကို သိရှိတာအား နည်းမှုတွေကြောင့် မြေဆီလွှာပျက်စီးမှုတွေ ဖြစ်တယ်။ သီးနှံတွေမှာ ပိုးသတ်ဆေးနဲ့ ဓါတုဓါတ်ကြွင်းတွေ များပြားနေတဲ့အတွက်  အသက်အန္တရာယ်ကို ထိခိုက်နိုင်တဲ့အခြေအနေတွေ ကြုံတွေ့နေရတယ်။ ဒါ့အပြင် ရှမ်းပြည်နယ်ရဲ့ ကုန်သွယ်ရေး၊ စီးပွားရေး ကဏ္ဍတွေ ဖွံ့ဖြိုးတိုးတက်မှုကိုပါ အဟန့်အတားဖြစ်စေပါတယ်''ဟု ပြည်နယ်ဝန်ကြီး ဦးစိုးညွန့်လွင်က ပြောသည်။
.
ရှမ်းပြည်နယ် စားသုံးသူအငြင်း ပွားမှုဖြေရှင်းရေးအဖွဲ့အနေဖြင့် စားသုံးသူများ၏ အကျိုးစီးပွားကို ကာကွယ်နိုင်ရေးနှင့် သက်ဆိုင်ရာဥပဒေ၊ ညွှန်ကြားချက်များအတိုင်း တင်သွင်း၊ ဖြန့်ဖြူး၊ ရောင်းချနိုင်ရေးအတွက် ရှမ်းပြည်နယ်အတွင်း ဓါတ်မြေသြဇာ၊ ပိုးသတ်ဆေး၊ မျိုးစေ့တင်သွင်း ဖြန့်ဖြူးရောင်းချနေသော ကုမ္ပဏီများ၊ လက်လီ/လက်ကား အရောင်းဆိုင်ပိုင်ရှင်များအား ၂ဝ၁၈ ခုနှစ်၊ ဇူလိုင်လ ၁၈ ရက်တွင် တစ်ကြိမ်၊ သြဂုတ်လ ၂၈ ရက်တွင် တစ်ကြိမ်၊ သြဂုတ်လ ၂၆ ရက်တွင် တစ်ကြိမ် ခေါ်ယူတွေ့ဆုံ ၍ အသိပညာပေးခြင်းများ ပြုလုပ်ခဲ့ပြီး စစ်ဆေးအရေးယူခြင်းမပြုမီ ပညာပေးကာလအဖြစ် ၂ဝ၁၈ ခုနှစ်၊ သြ ဂုတ်လ ၁ ရက်မှ အောက်တိုဘာလ ၃၁ ရက်အထိ ၃ လတာသတ်မှတ်ခဲ့ ပြီးဖြစ်ကြောင်း သိရ သည်။
.
ယင်းသတ်မှတ်ကာလ ကျော်လွန်သည့် ၂ဝ၁၈ ခုနှစ်၊ နိုဝင်ဘာမှ စတင်၍ ၂ဝ၁၉ ခုနှစ်၊ ဇန်နဝါရီလ ကုန်အထိ ဓါတ်မြေသြဇာ၊ ပိုးသတ်ဆေးနှင့် မျိုးစေ့ဖြန့်ဖြူးရောင်းနေသည့် ရှမ်းပြည်နယ်အတွင်းရှိ မြို့နယ် ၁၁ ခုမှ အရောင်းဆိုင် ၇၉ ဆိုင်အား ဝင်ရောက် စစ်ဆေးခဲ့ရာ တည်ဆဲဥပဒေ၊ ညွှန်ကြားချက်များနှင့် ကိုက်ညီမှု မရှိသည့် ဓါတ်မြေသြဇာ ၆၉၉ အိတ်၊ ခန့်မှန်းတန်ဖိုး ၁၈ဝဝ၉၁၈၅ဝ  ကျပ်၊ သက်တမ်းလွန်၊ အရည်အသွေး အာမခံချက်မရှိသည့် ပိုးသတ်ဆေး ၁၂၉၈၂ ခု၊ ခန့်မှန်း တန်ဖိုးငွေ ၇ဝ၄၇ဝ၉၅ဝ ကျပ်၊ မျိုးစေ့ ၂၈၁ ထုပ်၊ ခန့်မှန်းတန်ဖိုးငွေ ၂ဝ၅၈ဝဝဝ ကျပ်တို့အား စစ်ဆေး တွေ့ရှိခဲ့ကြောင်း သိရသည်။
.
အဆိုပါအခမ်းအနားသို့ ရှမ်းပြည်နယ်စားသုံးသူအငြင်းပွားမှု ဖြေရှင်းရေးအဖွဲ့ ဥက္ကဌ၊ ရှမ်းပြည်နယ် အစိုးရအဖွဲ့ဝင် ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်၊ ရှမ်းပြည်နယ်စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးတင့်လွင် ဦး၊ ဌာနဆိုင်ရာတာဝန်ရှိသူများနှင့် ရှမ်းပြည်နယ်အတွင်းရှိ ဓါတ်မြေသြဇာ၊ ပိုးသတ်ဆေး၊ မျိုးစေ့တင်သွင်း ဖြန့်ဖြူးရောင်းချနေသော ကုမ္ပဏီများ၊ လက်လီ/လက်ကား အရောင်းဆိုင်ရှင်များ တက်ရောက်ခဲ့ကြောင်း သိရသည်။
.

No comments:

Post a Comment