ရွာငံတွင် စိတ်ကျန်းမာရေး မပြည့်စုံသည့် အမျိုးသမီးငယ်ကို ဦးလေးဝမ်းကွဲက ကာမလိမ်လည် ရယူခဲ့ဟု ဆို - Kanbawza Tai News

Kanbawza Tai News

Represent For Shan State, Myanmar

Breaking

Wednesday, February 13, 2019

ရွာငံတွင် စိတ်ကျန်းမာရေး မပြည့်စုံသည့် အမျိုးသမီးငယ်ကို ဦးလေးဝမ်းကွဲက ကာမလိမ်လည် ရယူခဲ့ဟု ဆို


မင်းဇော်မင်း
.
ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံ မြို့နယ်၊ ကပြင်ကျေးရွာတွင် အသက် ၂၃ နှစ် အရွယ်ရှိ စိတ်ကျန်းမာရေး မပြည့်စုံကာ အတက်ရောဂါရှိသည့် အမျိုးသမီးငယ်တစ်ဦးကို ဆွေမျိုး နီးစပ်တော်စပ်သူ ဦးလေးဝမ်းကွဲဆိုသူမှ ကာမလိမ်လည်ရယူခဲ့ပြီး ကိုယ်ဝန်ရရှိခဲ့သဖြင့် တရားရုံးသို့ဦးတိုက်လျှောက်ထားခဲ့ပြီး အမှုမှန်ပေါ်ပေါက်စေရေးအတွက် ဆောင်ရွက်လျက်ရှိကြောင်း ရွာငံမြို့မရဲတပ်ဖွဲ့ စခန်းမှ သိရသည်။
.
.
''ကလေးမလေးကို စခန်းမှာတစ် နာရီလောက်မေးပေမယ့် ဘာမှ မပြောလို့အမှုမဖွင့်နိုင်ဘဲ တရားရုံးကို ဦးတိုက်လျှောက်ခိုင်းခဲ့ရပါတယ်။ တရားရုံးက ကျင့် ၂ဝဝ အရ ရဲစခန်း အနေနဲ့ စုံစမ်းစစ်ဆေးပြီး ကျင့် ၂ဝ၂ အရ ပြန်တင်ဖို့ညွှန် ကြားလာလို့ အခင်းဖြစ်ရွာက ပတ်ဝန်းကျင်၊ မိဘဆွေမျိုး၊ သက်သေ တွေအားလုံးကို တွေ့ဆုံ စစ်မေးပြီး ဖေဖော်ဝါရီ ၄ ရက်မှာ တရားရုံးကို တင်ပေးလိုက်ပါပြီ။ အမှုမှာ ကာမလိမ်လည်မှုနဲ့ တင်ထားပေမယ့် တခြားစစ်မေးချက်တွေအရ ပုဒ်မပြောင်းလဲနိုင်ပါတယ်။ ဥပမာ မုဒိမ်း မှုမြောက်တာမျိုးဆိုရင် ၃၇၆ ပေါ့''ဟု ရွာငံမြို့မရဲစခန်းမှူး ဒုရဲမှူးဇော်ဝင်းက ကမ္ဘောဇတိုင်းသို့ ပြောသည်။
.
ရွာငံမြို့နယ်၊ ကပြင်ကျေးရွာတွင် နေထိုင်သည့် အသက်(၂၃)နှစ်အ ရွယ် စိတ်ကျန်းမာရေးမပြည့်စုံဘဲ အတက်ရောဂါရှိသူ အမျိုးသမီးငယ်တစ်ဦးတွင် ကိုယ်ဝန် ၆ လရှိနေသည်ကို မိဘများက စစ်ဆေးတွေ့ ရှိသဖြင့် မေးမြန်းရာ လွန်ခဲ့သော ရက်အတိအကျ မသိရသည့်နေ့မှစ၍ ဦးလေးဝမ်းကွဲတော်စပ်သူ တစ်ရွာတည်းနေ ဦးဝင်းဖေဆိုသူမှ သားမယားအဖြစ်ပြုကျင့်၍ရရှိလာသော ကိုယ်ဝန်ဖြစ်ကြောင်း သိရှိရသဖြင့် ရွာငံမြို့မရဲစခန်းသို့ တိုင်ကြားရာမှ တရားရုံး ဦးတိုက်လျှောက်ထားခဲ့ခြင်း ဖြစ်ကြောင်း သိရသည်။
.
အဆိုပါ ဖြစ်စဉ်နှင့် ပတ်သက်၍ ရပ်ရွာအုပ်ချုပ်ရေးပိုင်း သက်သေ များနှင့်အတူ ရဲစခန်းတာဝန်ရှိသူများမှ ဦးဝင်းဖေ (ခ)ကိုကြီးဆိုသူအား စစ် ဆေးမေးမြန်းရာ တူမဖြစ်သူတွင် ¤င်းနှင့်ရရှိသော ကိုယ်ဝန်ရှိနေ ကြောင်း ¤င်း၏ညီဖြစ်သူ ပြောဆိုနေ သည်ကို ကြားသိရသဖြင့် ကိုယ်ဝန် မှာ ¤င်းနှင့်ရရှိခြင်း မဟုတ်ကြောင်း ထွက်ဆိုခဲ့သည်ဟု သိရသည်။
.
စိတ်ကျန်းမာရေးမပြည့်စုံသူ အမျိုးသမီးငယ်မှာ အသက် ၁ နှစ် ၈ လခန့်မှစ၍ အတက်ရောဂါခံစား လာရပြီး ယခင်က ၁ဝ ရက်တစ် ကြိမ်ခန့်ကြာမှ တက်သော်လည်း ယခုအခါ ကိုယ်ဝန်ရင့်လာသည့် နောက်ပိုင်း တစ်ရက်တစ်ကြိမ်ခန့် အတက်ရောဂါ ဖြစ်ပေါ်နေပြီး အ သက်အန္တရာယ်ကို ထိခိုက်နိုင်သည့် အတွက် ရွာငံဆေးရုံသို့ တင်ပို့၍ ဆေးကုသမှု ခံယူစေလျက်ရှိကြောင်း အဆိုပါကိစ္စအား ပါဝင်ကူညီဆောင် ရွက်ပေးနေသူ ဓနုတိုင်းရင်းသားအဖွဲ့ ချုပ် ရွာငံမြို့နယ်အမျိုးသားနိုင်ငံ ရေးတာဝန်ခံ ဒေါ်စုစုအေးထံမှသိ ရသည်။
.
''ကလေးမလေးကို တွေ့ဆုံမေး မြန်းတော့ သူ့ကို ကိုဝင်းဖေက နှစ်ခါတောင်လုပ်တာ။ အမေနဲ့ အဘကို တိုင်ပြောမယ်လို့ ကလေးမ လေးကပြောတာကို ပြုကျင့်သူက သူများတွေကြားကုန်မယ် မအော်နဲ့ လို့ ပြောတာတွေ ဖုန်းနဲ့ရုပ်သံမှတ် တမ်းတင်ထားပါတယ်။ မိဘတွေက သူတို့သမီးလေးလို မသန်စွမ်းသူဖြစ် ရတဲ့အဖြစ်မျိုး တခြားသူတွေ သတိ မူမိအောင်လို့ ပြောပေးဖို့ ခွင့်ပြုပေး ထားပါတယ်''ဟု ဒေါ်စုစုအေးက ကမ္ဘောဇတိုင်းသို့ ပြောသည်။
.
ထို့အတူ လွှတ်တော်ပြင်ပအဂတိလိုက်စားမှုတိုက်ဖျက်ရေးနှင့် ပြည်သူ့ဘဝ မြှင့်တင်ရေးအဖွဲ့၏ ရွာငံမြို့နယ်ဥက္ကဌ ဦးစိုးမြတ်လွင်ကလည်း အမျိုးသမီးငယ်၏ ပြောဆိုချက်၊ မိဘများ၊ သက်သေများ၏ တွေ့မြင် သက်သေခံချက်များ အရ အမှုမှာ ထင်ရှားနေပြီဖြစ်ပြီး မွေးဖွားလာမည့် ကလေး၏  DNA ကိုစစ်ဆေးနိုင် ပါက ကျူးလွန်သူကို သေချာစွာသိရှိ နိုင်မည်ဖြစ်ကြောင်းနှင့် အခြားမသန် စွမ်းသူကလေးငယ်များ၏ မိဘများမှ လည်း အလေးဂရုပြု သတိထားစေလို ကြောင်း ပြောကြားခဲ့သည်။
.
အဆိုပါ အမျိုးသမီးငယ်မှာ မွေးချင်းမောင်နှမ ၅ ဦးတွင် ၃ ဦး မြောက်ဖြစ်ကာ ငယ်စဉ်ကရရှိခဲ့သည့် အတက်ရောဂါ အရ စိတ်ပုံမှန် မဟုတ်သည့် အမျိုးသမီးငယ်တစ် ဦးဖြစ်ပြီး မိဘများမှာလည်း နေ့စဉ် တောင်ယာသို့ သွားနေရသဖြင့် ဦးလေးဝမ်းကွဲ တော်စပ်သူ ဦးဝင်းဖေအား အပ်နှံခဲ့ရာမှ မသင်္ကာသဖြင့်  စစ်ဆေးရာ ကိုယ်ဝန် ရှိနေကြောင်း သိရှိခဲ့ရခြင်း ဖြစ်ပြီး ပြီးခဲ့သည့် ဖေဖော်ဝါရီလ ၅ ရက်က မေးမြန်းခဲ့ရာတွင် ကိုကြီးဝင်းဖေနှင့် သားမယားအဖြစ် အတူ နေခဲ့သည်ဟု ပြောကြားခဲ့ကြောင်း သိရသည်။
.

No comments:

Post a Comment