ရပ်ရွာပိုင်လမ်းများ ရေရှည်အသုံးပြု သွားလာနိုင်ရေးအတွက် ဒေသခံများမှ ပူးပေါင်းထိန်းသိမ်းရန်လိုဟု ဒုဝန်ကြီး ပြော - Kanbawza Tai News

Kanbawza Tai News

Represent For Shan State, Myanmar

Breaking

Wednesday, February 13, 2019

ရပ်ရွာပိုင်လမ်းများ ရေရှည်အသုံးပြု သွားလာနိုင်ရေးအတွက် ဒေသခံများမှ ပူးပေါင်းထိန်းသိမ်းရန်လိုဟု ဒုဝန်ကြီး ပြော


ခွန်အောင် (နောင်တရား)
.
နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်သည် ဖေဖော်ဝါရီလ ၇ ရက်၊ နံနက်ပိုင်းက ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နောင်တရားဒေသရှိ အစားထိုး ဖွံ့ဖြိုးမှု (Poilet Project)ဖြင့် ဆောင်ရွက်ထားသည့်လမ်း၊ တံတား အခြေအနေများကို ကွင်းဆင်းကြည့်ရှုစစ်ဆေး ခဲ့ပြီးနောက် ရပ်ရွာပိုင်လမ်းများ ရေရှည်အသုံးပြု သွားလာနိုင်ရေးအတွက် ဒေသခံများမှ ပူးပေါင်းထိန်းသိမ်းရန် လိုအပ်သည် ဟု ပြောကြားခဲ့ကြောင်း သိရသည်။
.
.
ဒုတိယဝန်ကြီး ဗိုလ်ချုပ်သန်းထွဋ်နှင့် တာဝန်ရှိသူများသည် Royal 47 Co.,Ltd.ယူအိ မှတာဝန်ယူဆောင်ရွက် နေသည့် ပင်ခင်-ပယ်လော-မြင့် တောင် မြေသားလမ်း ၄ မိုင် ဖောက် လုပ်မှုအခြေအနေများကို ကြည့်ရှုစစ် ဆေးပြီး  အမက ပြည်လုံးကျောင်း၌ Royal 47 Co.,Ltd တာဝန်ရှိသူတစ် ဦးက ကုမ္ပဏီမှ တာဝန်ယူဆောင် ရွက်နေသည့် မြေသားလမ်း၊ Box Culvert၊ ရေသွယ်ယူခြင်းနှင့် စက် ရေတွင်း တူးဖော်ခြင်းလုပ်ငန်းများ ဆောင်ရွက်ပြီးစီးမှုနှင့် ဆောင်ရွက်နေ သည့် အခြေအနေများကို တင်ပြခဲ့ကြောင်း သိရသည်။
.
တင်ပြမှုနှင့် ပတ်သက်၍ ဒုတိယဝန်ကြီး ဗိုလ်ချုပ်သန်းထွဋ်က ဆောင်ရွက်ပြီးဖြစ်သည့်မြေသားလမ်းများတွင် မိုးတွင်းကာလ၌ သွားလာရေး လွယ်ကူရန်အတွက် ဗြုန်းသဲများခင်း ကျင်းရန်လိုကြောင်း၊ မိုးတွင်းကာလတွင် ပျက်စီးမှုများရှိလာပါက ကုမ္ပဏီမှ ပြန်လည်ပြုပြင်ရန်လိုကြောင်းနှင့် ဒေသခံများအနေဖြင့် မိမိရပ်ရွာ လမ်းပိုင်းများ ရေရှည်အသုံးပြုသွား လာနိုင်ရေးအတွက် ပူးပေါင်းထိန်းသိမ်းရန် လိုကြောင်းပြောကြားခဲ့သည်။
.
ထို့နောက် လွယ်အယ်တံတား ဆောင်ရွက်နေမှု အခြေအနေကိုကြည့် ရှုစစ်ဆေးကာ လိုအပ်သည်များ မှာ ကြားခဲ့ပြီး ကပ္ပတိန်ကျေးရွာတွင် ကျေးလက်ဒေသ ဖွံ့ဖြိုးရေးဦးစီးဌာန မှ ဖွင့်လှစ်သင်ကြားလျက်ရှိသော ဝါးလက်မှု ပညာသင်တန်းတွင် ဝါးလက်မှုပညာဖြင့် ဝါးအလှကုန်ပစ္စည်းများ ဆောင်ရွက်နေမှုကို ကြည့်ရှုအခဲ့သည်။
.
ဆက်လက်၍ ပက္ကော်ကျေးရွာ အလက ကျောင်းတွင် ဆရာ/ဆရာမများ နှင့် တွေ့ဆုံပြီးနောက် ပက္ကော်ကျေးရွာ လျှပ်စစ်မီးသွယ်တန်းနေမှု အခြေအနေများကို ကြည့်ရှု့စစ်ဆေးခကြောင်း သိရသည်။
.
အဆိုပါ လျှပ်စစ်မီး သွယ်တန်း ခြင်းလုပ်ငန်းကို ဇွန်လတွင် အပြီးသတ် ဆောင်ရွက်မည်ဖြစ်ပြီး လျှပ်စစ်မီး ရရှိမည်ဟု သိရသည်။ ထို့နောက် ထီရွှေး-ထီရယ်ကျေးရွာ၌ တည် ဆောက်နေသည့် ကွန်ကရစ် ပေ ၅ဝဝ တံတားအား ကြည့်ရှုစစ်ဆေးကာ လိုအပ်သည်များ မှာကြားခဲ့သည်။
.
ယင်းကဲ့သို့ ကွင်းဆင်းကြည့်ရှု စစ်ဆေးရာတွင် နယ်စပ်ရေးရာဝန်ကြီး ဌာနဒုတိယဝန်ကြီး ဗိုလ်ချုပ်သန်းထွဋ် နှင့်အတူ တာဝန်ရှိသူများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၊ ပင်လောင်းမြို့နယ်ရှိ ဌာနဆိုင်ရာ တာဝန်ရှိသူများ လိုက်ပါဆောင်ရွက်ခဲ့ကြောင်း သိရသည်။
.

No comments:

Post a Comment