ဒုတိယအကြိမ် ရှမ်းပြည်နယ်လွှတ်တော် ၃ နှစ်တာ သက်တမ်းအတွင်း ကြယ်ပွင့်ပြမေးခွန်း ၁ ခုသာ မေးမြန်းသည့် လွှတ်တော်ကိုယ်စားလှယ် ၅ ဦးအထိ ရှိနေ - Kanbawza Tai News

Kanbawza Tai News

Represent For Shan State, Myanmar

Breaking

Thursday, February 14, 2019

ဒုတိယအကြိမ် ရှမ်းပြည်နယ်လွှတ်တော် ၃ နှစ်တာ သက်တမ်းအတွင်း ကြယ်ပွင့်ပြမေးခွန်း ၁ ခုသာ မေးမြန်းသည့် လွှတ်တော်ကိုယ်စားလှယ် ၅ ဦးအထိ ရှိနေ


ကိုစိုး
.
ဒုတိယအကြိမ် ရှမ်းပြည်နယ် လွှတ်တော် (၁၃) ကြိမ်မြောက် ပုံမှန် အစည်းအဝေး (ပထမနေ့) ကို ပြီးခဲ့ သည့် ဖေဖော်ဝါရီလ ၈ ရက်က ရှမ်း ပြည်နယ်လွှတ်တော် အစည်းအဝေး ခန်းမဆောင်တွင် ကျင်းပပြုလုပ်ရာ ရှမ်းပြည်နယ် လွှတ်တော် ဥက္ကဌ ဦးစိုင်းလုံဆိုင်က လွှတ်တော်သက်တမ်း ၃ နှစ်တာကာလအတွင်း လွှတ်တော်သို့ ကြယ်ပွင့်ပြ မေးခွန်း ၁ ခုစီ သာ မေးမြန်းထားသည့် လွှတ်တော် ကိုယ်စားလှယ် ၅ ဦးအထိရှိနေပြီး ကြယ်ပွင့်ပြမေးခွန်း ၉၂ ခုအထိ အများဆုံး မေးမြန်းထားသည့် လွှတ်တော်ကိုယ်စားလှယ် ၁ ဦး ရှိနေကြောင်း ပြောကြားခဲ့သည်။
.
.
ဒုတိယအကြိမ် ရှမ်းပြည်နယ် လွှတ်တော် (၁၃) ကြိမ်မြောက် ပုံ မှန်အစည်းအဝေးကို တောင်ကြီးမြို့၊ ရှမ်းပြည်နယ်လွှတ်တော်အစည်းအဝေးခန်းမဆောင်တွင် ဖေဖော်ဝါရီလ ၈ ရက်မှ စတင်၍ ကျင်းပပြုလုပ်လျက်ရှိရာ ရှမ်းပြည်နယ်လွှတ်တော်ဥက္ကဌ ဦးစိုင်းလုံးဆိုင်က ပထမနေ့တွင် နှုတ်ခွန်းဆက် အမှာစကား ပြောကြားစဉ် ယင်းကဲ့သို့ ပြောကြားခဲ့ခြင်း ဖြစ်သည်။
.
ရှမ်းပြည်နယ်လွှတ်တော်ဥက္ကဌ ဦးစိုင်းလုံးဆိုင်က ယခုကျင်းပသည့် ဒုတိယအကြိမ် ရှမ်းပြည်နယ်လွှတ်တော် (၁၃) ကြိမ်မြောက် ပုံမှန်အစည်းအဝေးသည် ၂ဝ၁၉ ခုနှစ်တွင် ပထမဆုံးကျင်းပသည့် လွှတ်တော် အစည်းအဝေးဖြစ်သည့် အပြင် လွန်ခဲ့သည့် ၂ဝ၁၆ ခုနှစ်၊ ဖေဖော် ဝါရီလ ၈ ရက်တွင် စတင်ကျင်းပခဲ့ သည့် ဒုတိယအကြိမ် ရှမ်းပြည်နယ် လွှတ်တော် ပထမပုံမှန်အစည်းအဝေး ပထမနေ့ ကျင်းပသည့်နေ့၏ ၃ နှစ် မြောက် နှစ်ပတ်လည်နေ့လည်း ဖြစ်သည့်အတွက် (၁၃) ကြိမ်မြောက် ပုံမှန်အစည်းအဝေး ပထမနေ့ကိုခေါ် ယူကျင်းပရခြင်းဖြစ်ကြောင်း၊ ဒုတိယအကြိမ် ရှမ်းပြည်နယ်လွှတ်တော် (၁၃) ကြိမ်မြောက် ပုံမှန်အစည်း အဝေးအတွင်း လွှတ်တော်ကိုယ်စားလှယ် ၃ ဦးမှ ပေးပို့ထားသည့် အဆို ၃ ခုကို တင်သွင်းခြင်း၊ လွှတ်တော် ကိုယ်စားလှယ် ၁၇ ဦး၏ ကြယ်ပွင့်ပြမေးခွန်း ၄၁ ခုကို မေးမြန်း ဖြေကြားခြင်းတို့ကို ဆောင်ရွက် သွားမည်ဖြစ်ပါကြောင်း၊ ဥပဒေကြမ်းအနေဖြင့် ရှမ်းပြည်နယ်အစိုးရ အဖွဲ့နှင့် ဥပဒေပြုရေးဆိုင်ရာ ကော်မတီမှ စိစစ်ပြီး ဥပဒေကြမ်းများကို ဆွေးနွေးသွားမည်ဖြစ်ပြီး ဥပဒေကြမ်းအသစ် တစ်ခုကိုလည်း တင်သွင်းရန်ရှိပါကြောင်း၊ ဒုတိယအကြိမ် ရှမ်းပြည်နယ် လွှတ်တော်သက်တမ်း ၃ နှစ်ကာလအတွင်း တင်သွင်းလာသည့် ဥပဒေကြမ်း ၁၅ ခု နှင့် အဆို ၄၇ ခု အနက် အဆို ၂၇ ခုကို အတည်ပြု ပေးနိုင်ခဲ့ပြီး ကြယ်ပွင့်ပြ မေးခွန်းအနေဖြင့် လွှတ် တော် ကိုယ်စားလှယ်များ ၆၅ ဦးမှ  မေးမြန်းလာခဲ့သည့် ကြယ်ပွင့်ပြ မေးခွန်းပေါင်း ၆၇၆ ခုနှင့် လွှတ် တော်ကိုယ်စားလှယ် ၅၃ ဦးတို့မှ မေးမြန်းလာသည့် ကြယ်ပွင့်မပမေးခွန်းပေါင်း ၅ဝ၄ ခုကို မေးမြန်းဖြေကြားနိုင်ခဲ့ပြီး ဖြစ်ကြောင်းနှင့် ယနေ့အထိ ကြယ်ပွင့်ပြမေးခွန်း ၁ ခုစီမေးမြန်းသည့် လွှတ်တော် ကိုယ်စားလှယ် ၅ ဦး၊ မေးခွန်း ၂ ခုမှ ၄ ခုအထိ မေးမြန်းသည့် လွှတ် တော်ကိုယ်စားလှယ် ၁၄ ဦး၊ မေးခွန်း ၅ ခုမှ ၉ ခုအထိ မေးမြန်းသည့် လွှတ်တော် ကိုယ်စားလှယ် ၂ဝ ဦး၊ မေးခွန်း ၁ဝ ခုမှ ၂ဝ ခု အထိ မေးမြန်းသည့် လွှတ်တော် ကိုယ်စားလှယ် ၂၃ ဦး၊ မေးခွန်း ၂၈ ခု မေးမြန်းသည့် လွှတ်တော်ကိုယ်စားလှယ် ၁ ဦး၊ မေးခွန်း ၄၉ ခု မေးမြန်းသည့် လွှတ်တော်ကိုယ်စားလှယ် ၁ ဦးနှင့် မေးခွန်း ၉၂ ခုအထိ အများဆုံးမေးမြန်းသည့် လွှတ်တော်ကိုယ်စားလှယ် ၁ ဦး ရှိပါကြောင်း၊  ပြည်နယ် လွှတ်တော်အစည်းအဝေးများကို အနည်းဆုံး တစ်နှစ်လျှင် ၃ ကြိမ် ခေါ်ယူကျင်းပလျက်ရှိပါကြောင်း အဖွင့်အမှာစကား ပြောကြားခဲ့သည်။
.
အစည်းအဝေး ပထမနေ့တွင် ကတိသစ္စာ မပြုရသေးသော တပ်မတော်သားပြည်နယ် လွှတ်တော် ကိုယ်စားလှယ် ဗိုလ်ကြီးဟန်လင်းထွန်းက ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးခြင်းကို ဆောင်ရွက်ခဲ့ပြီး ပြည်နယ်လွှတ်တော်ကိုယ်စားလှယ်များမှ ကြယ်ပွင့်ပြမေးခွန်း မေးမြန်းခြင်း၊ အဆိုတင်သွင်းခြင်း၊ ဥပဒေမူကြမ်းများကို ဆွေးနွေးခြင်းတို့ဆောင်ရွက်ခဲ့ကြောင်း သိရသည်။
.
ရှမ်းပြည်နယ် လွှတ်တော်တွင် ပြည်နယ်လွှတ်တော်ကိုယ်စားလှယ်  စုစုပေါင်း ၁၄၁ ဦး ရှိရာ ပြည် ထောင်စုကြံ့ခိုင်ရေးနှင့် ဖွံ့ဖြိုးရေးပါ တီမှ ကိုယ်စားလှယ် ၃၁ ဦး၊ ရှမ်းတိုင်း ရင်းသားများ ဒီမိုကရေစီအဖွဲ့ချုပ်မှ ကိုယ်စားလှယ် ၂၈ ဦး၊ အမျိုးသား ဒီမိုကရေစီအဖွဲ့ချုပ်မှ ကိုယ်စားလှယ် ၂၄ ဦး၊ တအာင်း(ပလောင်) အမျိုးသားပါတီမှ ကိုယ်စားလှယ် ၆ ဦး၊ ပအိုဝ်းအမျိုးသားအဖွဲ့ချုပ်မှ ကိုယ်စားလှယ် ၆ ဦး၊ လားဟူအမျိုးသား ဖွံ့ဖြိုးတိုးတက်ရေးပါတီမှ  ကိုယ်စားလှယ် ၂ ဦး၊ ''ဝ'' ဒီမို ကရက်တစ်ပါတီမှ ကိုယ်စားလှယ် ၂ ဦး၊ ရှမ်းတိုင်းရင်းသားများ ဒီမို ကရက်တစ်ပါတီမှ ကိုယ်စားလှယ် ၁ ဦး၊ ကိုးကန့်ဒီမိုကရေစီနှင့် ညီညွတ်ရေးပါတီမှကိုယ်စားလှယ် ၁ ဦး၊ ''ဝ''အမျိုးသားစည်းလုံးညီညွတ် ရေးပါတီမှ ကိုယ်စားလှယ် ၁ ဦး၊ အာခါ အမျိုးသားဖွံ့ဖြိုးတိုးတက်ရေး ပါတီမှ ကိုယ်စားလှယ် ၁ ဦး၊ လီဆူ အမျိုးသားဖွံ့ဖြိုးတိုးတက်ရေးပါတီမှ ကိုယ်စားလှယ် ၁ ဦး၊ တစ်သီးပုဂ္ဂလ ၁ ဦးနှင့် တပ်မတော်သား ကိုယ် စားလှယ် ၃၆ ဦးတို့ဖြင့် ပါဝင်ဖွဲ့ စည်းထားကြောင်း သိရသည်။
.

No comments:

Post a Comment