နိုင်ငံတော်၏အတိုင်ပင်ခံပုဂ္ဂိုလ် သံလွင်မြစ်ကူး(တာဆန်း)တံတားအသစ် အားပန္နက်ချပြီးနောက် မိုင်းတုံတွင် လူထုနှင့်တွေ့ဆုံ - Kanbawza Tai News

Kanbawza Tai News

Represent For Shan State, Myanmar

Breaking

Wednesday, February 6, 2019

နိုင်ငံတော်၏အတိုင်ပင်ခံပုဂ္ဂိုလ် သံလွင်မြစ်ကူး(တာဆန်း)တံတားအသစ် အားပန္နက်ချပြီးနောက် မိုင်းတုံတွင် လူထုနှင့်တွေ့ဆုံ

မင်းဇော်မင်း
.
ရှမ်းပြည်နယ်အရှေ့ပိုင်းဒေသသို့ ရောက်ရှိနေသည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဖေဖော်ဝါရီလ ၆ ရက်က မိုင်းတုံမြို့နယ်ရှိ သံလွစ်မြစ်ကူးတံတား (တာဆန်း) အသစ် ဆောက်လုပ်မည့် နေရာသို့ လာရောက်ပြီး ပန္နက်ချပေးခဲ့ကာ မိုင်းတုံမြို့နယ်အထွေထွေအုပ်ချုပ်ရေးမှူးရုံးတွင် ဒေသခံလူထုများ တွေ့ဆုံခဲ့ကြောင်း သိရသည်။
.
နိုင်ငံတော်၏အတိုင်ပင်ခံသည် ဖေဖော်ဝါရီလ ၆ ရက်၊ နံနက် ၁၁ နာရီခန့်တွင် သံလွင်မြစ်ကူး တံတား (တာဆန်း) ဆောက်လုပ်မည့် မြေနေရာသို့ ရောက်ရှိလာပြီး တံတားသစ်အား ပန္နက်ချပေးခဲ့ကာ မိုင်းတုံမြို့သို့ ဆက်လက်ထွက်ခွာ ခဲ့ကြောင်း သိရသည်။
.
အဆိုပါ သံလွင်မြစ်ကူးတံတား (တာဆန်း) ပန္နက်တင်မင်္ဂလာ အခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြစ်ချောင်းများအား ကူးတို့၊ လှေစသည်တို့ဖြင့် ဖြတ်သန်းနိုင်သော်လည်း ယခုလို တံတား တည်ဆောက်ပေးခြင်းဖြင့် အများပြည်သူသွားလာမှု လုံခြုံစိတ်ချမြန်ဆန်စေရန် အစိုးရအနေဖြင့် အခက်အခဲများစွာ ကြားမှ တည်ဆောက်ပေးရခြင်းဖြစ် အမှာစကား ကြောင်းပြောကြားခဲ့သည်ဟု မိုင်းပန်မြို့မှအဆိုပါအခမ်းအနားသို့ တက်ရောက်ခဲ့သူ မိုင်းတုံမြို့နယ် အမျိုးသားဒီမိုကရေစီအဖွဲ့ချုပ် ဥက္ကဌ ဦးတင်ခိုင်ထံမှ သိရသည်။
.
ဆက်လက်ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မိုင်းတုံမြို့နယ် အထွေထွေအုပ်ချုပ်ရေး ဦးစီးဌာနရုံးတွင် ဒေသခံတိုင်းရင်းသားလူထုများနှင့် တွေ့ဆုံရာ လူထု၏ တင်ပြချက်များအား ပြန်လည်ဆွေးနွေး ဖြေကြားခဲ့သည်။
.
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လူငယ်များအား ဦးတည်၍ အမှိုက်များကို စည်းကမ်းတကျ စွန့်ပစ်ရန်၊ စည်းကမ်းရှိရန်၊ တန်းစီစနစ်၊ အလှည့်ကျစနစ်ကို စိတ်ရှည်စွာဖြင့် မွေးမြူလေ့ကျင့် သွားရန် တို့ကို မှာကြားခဲ့ပြီး လူထုမှ ကြိုတင်တင်ပြထားသည့် မိုင်းကန်ကျေးရွာအုပ်စုတွင် ကုန်းမြင့်လယ်ယာဖော်ထုတ်ပေးရန်၊ ဆရာမရှိသည့်ကျောင်းများအတွက် ဆရာများခန့်ထားပေးရန်၊ ကျောင်းများအဆင့်မြင့်တင်ပေးနိုင်ရန်၊ မြို့အတွက် ရေအားလျှပ်စစ်ရရှိရေး၊ အမှတ်(၁)နယ်ခြား ကျောက်တိုင် BP-1 ဂိတ်ဖွင့်လှစ်နိုင်ရေးတို့အတွက် လိုအပ်သလို သုတေသနပြုလုပ်ကွင်းဆင်း၍ လုပ်ဆောင်ပေးသွားမည် ဖြစ်ကြောင်းဖြေကြားခဲ့သည်။
.

ထို့နောက် ထပ်မံတင်ပြလာသည့် ပုံပါကျင်မြို့မှ နိုင်ငံ၏လျှပ်စစ်ကြီုးသွယ်တန်းမှု ရှမ်းပြည်နယ် အရှေ့ပိုင်းသို့ မရောက်ရခြင်းမှာ ဒေသခွဲခြားခံနေရသလို ဖြစ်နေဟု တင်ပြချက်အပေါ် ဒေသခွဲခြားမှုမရှိဘဲ နိုင်ငံတော်မှ အလှည့်စနစ်ဖြင့်လည်း၊ လုပ်ဆောင်ပေးလျက်ရှိရာ ဒေသခွဲခြားမှု စိတ်ထားကို ဖျောက်ဖျက်ရန်လိုကြောင်း၊  မိုင်းတုံမြို့နယ်တစ်ခုလုံးတွင် လားဟူတိုင်းရင်းသားရွာပေါင်း ၁၁၄ တွင် လူဦးရေ ၃၅၀၀၀ ရှိနေရာ ၎င်းတို့၏ ရွှေ့ပြောင်းတောင်ယာစနစ်အရ အဆင်ပြေသည့်နေရာများသို့ပြောင်းရွှေ့နေကြသဖြင့် နေရာအတည်တကျ ရရှိနိုင်ရေး၊ ၎င်းတို့နေထိုင်ရာကျေးရွာများကို သစ်တောဧရိယာမှ ပယ်ဖျက်နိုင်ရေး တင်ပြမှုနှင့် ပတ်သက်၍ သက်ဆိုင်ရာဝန်ကြီးဌာနမှ သုတေသနလုပ်ကာ ကွင်းဆင်းဆောင်ရွက်မည်ဖြစ်ကြောင်း၊ မိုင်းတုံမြို့၊ မြို့မရပ်ကွက်မှ ၂၀၁၇-၂၀၁၈ ပညာသင်နှစ်တွင် တက္ကသိုလ်ဝင်တန်း အောင်မြင်ခဲ့ပြီး ပညာရေးကောလိပ်တက်ခွင့်မရရှိခဲ့သူ နန်းမွန်းဆိုင်နွမ်းက ပညာရေးကောလိပ်တက်လိုကြောင်းတင်ပြမှုနှင့် ပတ်သက်၍ တိုင်းရင်းသားနယ်ပယ်ဒေသ များအတွက် အမှတ်နှင့်ကန့်သတ်ချက်များကို စဉ်းစားရန်လိုကြောင်း၊ တိကျသေချာသည့် မူဘောင်တစ်ခု ချမှတ် လုပ်ဆောင်ရန် လိုအပ်ကြောင်း ပြန်လည်ရှင်းလင်းပြောကြားခဲ့သည်ဟု သိရသည်။
.
ယင်းနောက် နိဂုံးချုပ်စကားပြောကြားကာ မွန်းလွဲ ၂ နာရီခန့်တွင် မိုင်းဆတ်လေဆိပ်သို့ ဆက်လက်ထွက်ခွာသွားကြောင်း သိရသည်။


No comments:

Post a Comment