မော်တော်ယာဉ်ဥပဒေအသစ် ပြဋ္ဌာန်းအတည်ပြုပြီးပါက ဆိုင်ကယ်များ နေ့/ည မီးထွန်း မောင်းနှင်ရမည် - Kanbawza Tai News

Kanbawza Tai News

Represent For Shan State, Myanmar

Breaking

Thursday, January 31, 2019

မော်တော်ယာဉ်ဥပဒေအသစ် ပြဋ္ဌာန်းအတည်ပြုပြီးပါက ဆိုင်ကယ်များ နေ့/ည မီးထွန်း မောင်းနှင်ရမည်


မင်းဇော်မင်း
.
အသစ်ပြန်လည်ရေးဆွဲထားသည့် မော်တော်ယာဉ်ဥပဒေအသစ်ကို အတည်ပြုပြဋ္ဌာန်းပြီးပါက  မော်တော်ဆိုင်ကယ်များ နေ့ရောညပါ မီးထွန်းမောင်းသွားရမည်ဖြစ်ကြောင်း နေပြည်တော်ရှိ ကုန်လမ်းပို့ ဆောင်ရေး ညွှန်ကြားမှုဦးစီးဌာနမှ သိရသည်။
.
 .
''မော်တော်ယာဉ် ဥပဒေသစ်အတည်ပြုရင် ဆိုင်ကယ်တွေ နေ့နေ့ည ည မီးထွန်းမောင်းရမှာပါ။ အခုက တော့ ၂ဝ၁၅ ခုနှစ် မော်တော်ယာဉ် ဥပဒေကို ပြန်လည်ပြင်ဆင်ထားတဲ့ ဥပဒေကြမ်းကို ရှေ့နေချုပ်ရုံးဆီ တင်ပြထားပါတယ်။ ပြန်လည်ရေးဆွဲထားတဲ့ ဥပဒေမူကြမ်းမှာ ဘေးအန္တရာယ် ကင်းရှင်းရေးအတွက် လိုအပ်တဲ့ကိစ္စ မှန်သမျှ တားမြစ်ချက်ထဲမှာ ထည့်သွင်းရေးဆွဲထားပါတယ်''ဟု ကုန်း လမ်းပို့ဆောင်ရေးဦးစီးဌာနမှ ဒုတိယညွှန်ကြားရေးမှူး ဒေါ်ပပလင်းက ပြောသည်။
.
နည်းဥပဒေတွင် ယာဉ်မောင်းများ လိုက်နာရမည့်အချက်၊ ယာဉ်အကူများ လိုက်နာရမည့်အချက်၊ လမ်း အသုံးပြုသူများ လိုက်နာရမည့် အချက်များ ပါဝင်လာမည်ဖြစ်ကြောင်း ၄င်းမှ ဆက်လက်ပြောကြားခဲ့သည်။
.
ယင်းကဲ့သုိ့ မော်တော်ဆိုင်ကယ် များအား နေ့/ည မီးထွန်းမောင်းနှင်ရန် သတ်မှတ်ထားမှုနှင့် ပတ်သက်၍ တောင်ကြီးမြို့၊ သစ်တောရပ်ကွက်နေ ဒေသခံ ဒေါ်နန်းနီဆိုသူမှ ''မြူကျနေတဲ့အခါ၊ ဖုန်ထနေတဲ့နေရာတွေမှာ ဆိုင်ကယ်တွေ နေ့ဘက်မီးထွန်း မောင်းရင် တစ်ဘက်ယာဉ်ကို သတိပေးရာရောက်တဲ့အတွက် ယာဉ်အန္တရာယ် လျော့ပါးဖို့ လိုအပ်တယ်လို့ ယူဆပါတယ်''ဟု ၄င်း၏အမြင်ကို ပြောသည်။
.
အလားတူ တောင်ကြီးမြို့နေ မော်တော်ဆိုင်ကယ်အသုံးပြုမောင်း နှင်သူများမှလည်း ဥပဒေများကို ရေးဆွဲ ပြဋ္ဌာန်းရုံဖြင့် မလုံလောက်ဘဲ ယာဉ်/လမ်း အသုံးပြုသူများအနေဖြင့် စည်းကမ်း လိုက်နာမှသာ ယာဉ်အန္တရာယ်၊ လမ်းအန္တရာယ် ကင်းရှင်းမည်ဖြစ်သည့်အပြင် လူကူးမျဉ်းကြား များတွင် လမ်းသွားလမ်းလာပြည် သူများရှိနေပါက ယာဉ်မောင်းများ အနေဖြင့် စောင့်ဆိုင်းသင့်ကြောင်းကို လည်း ပြောဆိုကြသည်။
.
အသစ်ပြဌာန်းရေးဆွဲထားသည့် မော်တော်ယာဉ်ဥပဒေတွင် အနည်း ဆုံးဒဏ်ငွေမှာ ကျပ် ၃ဝဝဝဝ ဖြစ်ပြီး၊ ဒဏ်ငွေကျပ် ၅ဝဝဝဝ နှင့် ထောင် ဒဏ် ၁ လ၊ ဒဏ်ငွေ ကျပ် ၃ဝဝဝဝဝ နှင့် ထောင် ၃ လ၊ ဒဏ်ငွေကျပ် ၃ သိန်း၊ ၅ သိန်း၊ ၁ဝ သိန်း၊ ကျပ်သိန်း ၅ဝ အထိ ပေးဆောင်ရန် သတ် မှတ်ထားပြီး ထပ်မံကျူးလွန်ပါက ထောင် ၃ လ၊ ဒဏ်ငွေ ၁ သိန်း၊ ဒဏ်နှစ်ရပ်လုံးကျခံရမည်ဟု ဖော်ပြထားကြောင်းသိရသည်။
.
၂ဝ၁၅ ခုနှစ်၊ စက်တင်ဘာလတွင် ပြဋ္ဌာန်းခဲ့သည့် မော်တော်ယာဉ် ဥပဒေကို ပြန်လည်ပြင်ဆင်ထားသည့် ဥပဒေကြမ်းတွင် ပို့ဆောင်ရေး နှင့်ဆက်သွယ်ရေးဝန်ကြီးဌာနက အ ဓိကပါဝင်ရေးဆွဲခဲ့ခြင်းဖြစ်ပြီး ယခုလို ဆိုင်ကယ်များ နေ့/ည မီးထွန်းမောင်းရသည့်စနစ်ကို ထိုင်းနိုင်ငံတွင် ကျင့်သုံးလျက်ရှိကြောင်း သိရသည်။
.

No comments:

Post a Comment