တိုင်းရင်းသား အခွင့်အရေး အမြန်ဆုံး ပေါ်ပေါက်လာရေး သက်ဆိုင်ရာအဖွဲ့ အစည်းများသို့ တိုက်တွန်းကြောင်း LSSEP ထုတ်ပြန် - Kanbawza Tai News

Kanbawza Tai News

Represent For Shan State, Myanmar

Breaking

Saturday, December 29, 2018

တိုင်းရင်းသား အခွင့်အရေး အမြန်ဆုံး ပေါ်ပေါက်လာရေး သက်ဆိုင်ရာအဖွဲ့ အစည်းများသို့ တိုက်တွန်းကြောင်း LSSEP ထုတ်ပြန်



မင်းဇော်မင်း၊ ကမ္ဘောဇတိုင်း
.
ရှမ်းပြည်တိုင်းရင်းသား နိုင်ငံရေး ပါတီများအဖွဲ့ချုပ် (League for Shan State Ethnic Political Parties- LSSEP)၏ (၅)ကြိမ်မြောက် ပုံမှန်အစည်းအဝေးကိုဒီဇင်ဘာလ ၁၈ ရက်က ရှမ်းပြည်နယ်တောင်ပိုင်း၊ ညောင်ရွှေမြို့တွင် ပြုလုပ်ခဲ့ပြီး သဘောထား ကြေညာချက်ကို ထုတ်ပြန် ကြေညာခဲ့ရာတိုင်းရင်းသားအခွင့်အရေး ကာကွယ်စောင့်ရှောက်ရေး ဥပဒေ အမြန်ဆုံး ပေါ်ပေါက်လာရေးအတွက် သက်ဆိုင်ရာ အဖွဲ့အစည်းများ သို့ တိုက်တွန်းကြောင်း အပါအဝင်အ ချက် ၄ ချက်ကို ထုတ်ပြန်ကြေညာခဲ့ သည်ဟု သိရသည်။
.
.
ထို့အပြင် ယင်းအဖွဲ့ချုပ်၏ နိုင် ငံရေးဆိုင်ရာ လူငယ်အခန်းကဏ္ဍ အလုပ်ရုံဆွေးနွေးပွဲကိုလည်း ပြုလုပ်ခဲ့ ကြောင်း အစည်းအဝေးအား ကမကထ ပြုလုပ်သည့် အင်းအမျိုးသားဖွံ့ ဖြိုးတိုးတက်ရေးပါတီ၏ ဥက္ကဌဖြစ်သူ ဦးထင်အောင်ကျော်ထံက သိရသည်။
.
''အဖွဲ့ရဲ့ ပုံမှန်အစည်းအဝေးကို ၄ လတစ်ကြိမ်လောက် လုပ်ဖို့သတ် မှတ်ချက်အရ ရှမ်းပြည်နယ်နေ တိုင်းရင်းသား တွေ အတူတကွ ပူးပေါင်း လက်တွဲလုပ်ဆောင်နိုင်ဖို့ တွေ့ဆုံဆွေး နွေးကြတာပါ။ လူငယ်တွေကို လည်း အနာဂတ် အတွက် ခိုင်မာတဲ့ အသိအမြင်တွေ လက်ဆင့်ကမ်းနိုင်ဖို့ ကြိုး ပမ်းတဲ့ အနေနဲ့ ပြုလုပ်တာပါ''ဟု ဦး ထင်အောင်ကျော်က ပြောသည်။
.
အစည်းအဝေးအပြီး ထုတ်ပြန် သည့် ကြေညာချက်တွင် အချက် ၄ ချက် ပါရှိပြီး ရှမ်းပြည်နယ်အတွင်းရှိ တိုင်းရင်း သားများ စည်းလုံးညီညွတ်စွာ လက်တွဲပူးပေါင်း ဆောင်ရွက်ရန် ၂ဝ၁၈ ခုနှစ်၊ စက်တင်ဘာ ၃ဝ ရက် စွဲပါ အစိုးရ၏ မြေလွတ်မြေလပ်နှင့် မြေရိုင်း စီမံခန့်ခွဲမှု ကော်မတီ၏ထုတ် ပြန်ချက်သည် ပြည်နယ်ရှိ ဌာနေတိုင်း ရင်းသားများ၏ ဘိုးဘွားပိုင်မြေယာ ပိုင်ဆိုင်မှုကို လုံးဝဆုံးရှုံးစေပြီး မြေမဲ့ယာမဲ့ ဘဝများသို့ ရောက်ရှိစေမည် ဖြစ်သဖြင့် ချွင်းချက်မရှိ ပယ်ဖျက်ပေးရန် စစ်မှန်သော အထွေထွေရွေး ကောက်ပွဲများ ပြုလုပ်နိုင်ရန် ငြိမ်းချမ်း ရေးအတွက် သက်ဆိုင်ရာ အဖွဲ့အ စည်းများသို့ တိုက်တွန်းကြောင်း၊တိုင်း ရင်းသား အခွင့်အရေး ကာကွယ် စောင့်ရှောက်ရေး ဥပဒေအမြန်ဆုံး ပေါ်ပေါက်လာရေး သက်ဆိုင်ရာ အ ဖွဲ့အစည်းများသို့ တိုက်တွန်းကြောင်း ဖော်ပြပါရှိသည်။
.
အဆိုပါ ကြေညာချက်နဲ့ ပတ် သက်၍ အစည်းအဝေးတွင် ပါဝင်သူ ဖက်ဒရယ် ယူနီယံပါတီ ဥက္ကဌ ဦးစဝ်သန်းမြင့်က ''အဓိကတော့ ၂ဝ၂ဝ အတွက် ရှမ်းပြည်နယ် အနာဂတ်ကို ကြိုတင် ပြင်ဆင်တာပါပဲ။ လူငယ်တွေ ကို ပါတီတွေ အကြောင်း ရှင်းပြပြီး ဒေသအကျိုး၊ လူထုအကျိုး၊ တိုင်း ပြည်အကျိုးတွေ ပိုမိုလုပ်ဆောင်နိုင် ကြဖို့ တွေ့ဆုံကြခြင်း ဖြစ်ပါတယ်''ဟု ဆိုသည်။
.
လူငယ်တွေ့ဆုံပွဲကို ဒီဇင်ဘာလ ၁၇ ရက်က ပြုလုပ်ခဲ့ပြီး တအာင်းပ လောင် အမျိုးသားပါတီ (TNP )၊ ရှမ်းတိုင်းရင်း သားများ ဒီမိုကရက်တစ် ပါတီ (SNDP )၊ ဖက်ဒရယ်ယူနီယံ ပါတီ (FUP )၊ ဓနုအမျိုးသား အဖွဲ့ ချုပ် (DNOP )၊ အင်းအမျိုးသားအဖွဲ့ ချုပ် (INOP )၊ အင်းအမျိုးသား ဖွံ့ ဖြိုးတိုးတက်ရေး ပါတီ (INDP )၊ ''ဝ'' လစ်ဘရယ် ဒီမိုကရက်တစ်ဖွံ့ ဖြိုးတိုးတက်ရေးပါတီ (WLDDP)၊ လီဆူဒီမိုကရက်တစ် ဖွံ့ဖြိုးတိုးတက် ရေးပါတီ (LNDP ) နှင့် ကိုးကန့် ဒီမိုကရေစီနှင့် ညီညွတ်ရေးပါတီ (KKDUP) တို့မှ ကိုယ်စားလှယ်များ နှင့် လေ့လာသူများ စုစုပေါင်း ၂၃ ဦး တက်ရောက်ခဲ့ကြောင်း သိရသည်။
.
ထို့အပြင် ဒီဇင်ဘာလ ၁၈ ရက် တွင် အင်လေးဒေသနှင့် ဟဲဟိုး၊ တောင်ကြီးစသည့် အနီးဝန်းကျင်မြို့ ရွာများမှာ လူငယ် ၃ဝ ဦးနှင့်ှူနဏ ပါတီများတွေ့ဆုံကာ လူငယ်နှင့် ရှမ်း ပြည်နယ် တိုင်းရင်းသား လူမျိုးများ၏ အနာဂတ်အမြင်များကို တွေ့ဆုံဆွေး နွေးခဲ့ကြကြောင်း သိရသည်။
.

No comments:

Post a Comment