ပြည့်သူ့အသံ လွှတ်တော်အသံ - Kanbawza Tai News

Kanbawza Tai News

Represent For Shan State, Myanmar

Breaking

Wednesday, December 19, 2018

ပြည့်သူ့အသံ လွှတ်တော်အသံ



ကမ္ဘောဇတိုင်း
.
ဒုတိယအကြိမ် ရှမ်းပြည်နယ်လွှတ်တော်  (၁၂)ကြိမ်မြောက် ပုံမှန်အစည်းအဝေးကို ဒီဇင်ဘာလ ၁၂ ရက်မှ စတင်၍ တောင်ကြီးမြို့ရှိ ရှမ်းပြည်နယ်လွှတ်တော် အစည်းအဝေးခန်းမကြီးတွင် ကျင်းပပြုလုပ်ခဲ့ပါသည်။
.
လွှတ်တော်အစည်းအဝေး တွင် ပြည်သူ့ကိုယ်စားလှယ်တော်ကြီး များမှ ပြည်သူလူထုတို့၏ လိုအပ်ချက်ဖြစ်သော ရေ၊ မီး၊ လမ်း၊ တံတား၊ ပညာရေး၊ ကျန်းမာရေးအထွေထွေ လိုအပ်ချက်များကို ပြည်သူများ ကိုယ်စား တင်ပြ တောင်းဆိုမှုများကို မြင်တွေ့ရသည်မှာ အလွန်ပင် အားရကျေနပ်ဖွယ် ကောင်းလှပါသည်။
.
          ပြည်သူ့အသံ၊ လွှတ်တော်အသံ
          ပြည်သူ့ဆန္ဒ၊ လွှတ်တော်ဆန္ဒ
          ပြည်သူတို့ မျှော်လင့်ချက်၊ လွှတ်တော်က ဖော်ဆောင်ရွက်
          စသည့် လွှတ်တော်များ၏ ဆောင်ပုဒ်နှင့်လည်း ကိုက်ညီလှပေသည်။
.
ပြည်တွင်းစစ် အပါအဝင် အထွေထွေ အကြပ်အတည်းများကြောင့် မြန်မာနိုင်ငံတော်ကြီးအတွင်း လိုအပ်ချက်များက များပြားလှပေသည်။ ယင်းလိုအပ်ချက်များအနက် တိုင်းပြည်၏ ဘဏ္ဍာရန်ပုံငွေအပေါ် မူတည်ကာအုပ်ချုပ်သူ အစိုးရ များက ဦးစားပေးအဆင့်အတန်း သတ်မှတ်၍ အရေးကြီးဆုံး လတ်တလော မဖြစ်မနေ လိုအပ်ချက်များကို ရွေးချယ်၍ အကောင်အထည်ဖော်ဆောင်ရွက် ပေးရပါသည်။
.
ရှမ်းပြည်နယ်အတွင်းတွင်လည်း လိုအပ်ချက်များစွာ ရှိနေရာ ကျင်းပပြီးစီးခဲ့သည့် ရှမ်းပြည်နယ်လွှတ်တော် အစည်း အဝေးတွင် ပြည်နယ်လွှတ်တော် ကိုယ်စားလှယ်များ တင်ပြခဲ့သည့် ဥပဓိရုပ် ဆင်းရဲနုံချာလှသော အခြေခံပညာ စာသင်ကျောင်းများက သက်သေထူနေပါသည်။
.
ခေတ်အဆက်ဆက် ပြည်တွင်းစစ်မီးတောက်လောင်မှုကြောင့် တိုင်းပြည်ဘဏ္ဍာ၏ ရာခိုင်နှုန်းအတော်များများကို စစ်အသုံးစရိတ်အတွက် အသုံးပြုခဲ့ရသည်။ စာအုပ်ခဲတံများ ဝယ်ယူရမည့်ငွေကို ကျည်ဆန်များ ဝယ်ယူခဲ့ရ သည့်အတွက် တိုင်းပြည်၏ ပညာရေးကဏ္ဍမှာ နိမ့်ပါးခဲ့ရသည်။ စာသင်ကြားရမည့် ကျောင်းသား/ကျောင်းသူ ကလေးသူငယ်များ နေရပ်ကို စွန့်ခွာကာ စစ်ဘေးရှောင် စခန်းများတွင် တိမ်းရှောင်နေရသည့်အတွက် ပညာရေးနှင့် အလှမ်းဝေးခဲ့ရသည်။ ထို့အတူ အခြားသော လူမှုရေး၊ စီးပွားရေး ကဏ္ဍအသီးသီးတွင်လည်း ဆုံးရှုံးနစ်နာမှုများစွာ ဖြစ်ပေါ်ခဲ့ရသည်။
.
ယင်းကဲ့သို့ တောက်လောင်နေသော ပြည်တွင်းစစ်မီးကို မငြိမ်းသတ်နိုင်သမျှတော့ မည်သို့ပင် ဖြည့်ဆည်း ဆောင်ရွက်သည်ဖြစ်စေ လိုအပ်ချက်များက ရှိနေဦးမည်သာ ဖြစ်ပါသည်။ အိတ်ပေါက်နှင့် ဖားကောက်နေသကဲ့သို့သာ ဖြစ်နေပါလိမ့်မည်။ လိုအပ်ချက်များကလည်း ကုန်ဆုံးနိုင်မည် မဟုတ်ပါ။
.
လွှတ်တော်ကိုယ်စားလှယ်များ တင်ပြခဲ့ကြသော ရေ၊ မီး၊ လမ်း၊ တံတား၊ ပညာရေး၊ ကျန်းမာရေး စသည့် အထွေထွေ လိုအပ်ချက်များထက် အရေးအကြီးဆုံးသော လိုအပ်ချက်မှာ ပြည်တွင်း စစ်မီး အမြန်ဆုံး ငြိမ်းသတ်ရေးသာ ဖြစ်ပါသည်။
.
သို့ရာတွင် ဝမ်းနည်းဖွယ်ကောင်းသည့် အချက်တစ်ခုမှာ ကျင်းပပြုလုပ်ပြီးစီးခဲ့သော ကျင်းပပြုလုပ်ဆဲဖြစ်သော လွှတ်တော်အစည်းအဝေး အရပ်ရပ်တွင် ပြည်တွင်းစစ် မီးငြိမ်းသတ်ရေးနှင့် ပတ်သက်၍ ဆွေးနွေးပြောဆိုမှု မရှိသ လောက်နည်းပါးနေခြင်းပင် ဖြစ်သည်။ ပြည်သူလူထု တစ်ရပ်လုံးအတွက် အထူးသဖြင့် လက်နက်ကိုင် ပဋိပက္ခဖြစ်ပွားရာ ဒေသအတွင်းရှိ ပြည် သူများအတွက် အဓိက အလိုအပ်ဆုံးအချက်မှာ ပြည်တွင်းစစ် အဆုံးသတ်ရေးပင် ဖြစ်သည်။
.
ပြည်သူ့ကိုယ်စားလှယ်တော်ကြီးများ အနေဖြင့် အထက်က တင်ပြခဲ့သည့် ရေ၊ မီး၊ လမ်း၊ တံတား အစရှိသော ရုပ်ပိုင်းဆိုင်ရာ လိုအပ်ချက်များအပြင် ပြည်သူတို့၏ စိတ်ပိုင်းဆိုင်ရာ လိုအပ်ချက် ဖြစ်သော အသက်ရှင်သန်မှု၊ ဘဝ လုံခြုံမှု အာမခံချက် ရရှိရေး ရင်တွင်းက အသံကိုလည်း နားထောင်တတ်ရန် လိုအပ်ပါသည်။ ပြည်တွင်းစစ်မီးကြောင့် ပြည်သူတို့၏ ဘဝမှာ မလုံမခြုံ ခံစားနေရသည်။ ယင်းကဲ့သို့ စိတ်ပိုင်းဆိုင်ရာ လိုအပ်ချက် ရင်တွင်းစကားသံများကို ပြည်သူ့ကိုယ်စားလှယ်များ ကြားသိရန် လိုအပ်ပါသည်။ ပြည်သူတို့၏ ရင်တွင်းအသံကို လွှတ်တော်အသံဖြစ်စေရန်မှာ ပြည်သူ့ကိုယ်စားလှယ်များ၏ တာဝန်တစ်ရပ် ဖြစ်ပါသည်။ သို့ဖြစ်ရာ လာမည့်လွှတ်တော် အစည်းအဝေးများတွင် ပြည်သူတို့၏ အဓိကလိုအပ်ချက်တစ်ခုဖြစ်သော ပြည်တွင်းစစ်မီး အဆုံးသတ်ရေး အတွက် တစ်ဘက်တစ်လမ်းမှ အထောက်အကူပြုနိုင်ရေး၊ ပြည်သူတို့၏ ဘဝလုံခြုံရေးအတွက် အရေးကြီးလှသော မေးခွန်းများ၊ အဆိုများ မေးမြန်း တင်သွင်းနိုင်ပါစေကြောင်းနှင့် ပြည်သူတို့၏ ရင်တွင်းမှ အသံများ လွှတ်တော်တွင် ထင်ဟပ် နိုင်ပါစေကြောင်း ဆန္ဒပြု တိုက်တွန်းလိုက်ရပါသည်။
.
.
.
#KBZTai #Shan